Yauwana Janam

ஒரு மனுஷனை விஷம் கொடுத்து தந்திரமாகக் கொன்றுவிட்டு அவனுடைய உயிரற்ற சரீரத்தை துப்பாக்கியினால் சுட்டு துளைத்து தாங்களே துரத்திச்சென்று வீரத்துடன் சண்டையிட்டு கொன்றதாக உலகை நம்பவைக்கும் வீரர்களை அறிந்திருக்கிறோம். அப்படியே விசாரணைக்கு என்று கூறி அழைத்துச் சென்று அடித்துக் கொன்றுவிட்டு தூக்கில் தொங்கவிடுவதையும் கேள்விபட்டிருக்கிறோம். அதேபோன்று குற்ற்வாளியைத் தேடுவதாக சொல்லி சென்று ஒரு அப்பாவியைக் கொன்றபிறகு அவனை பயங்கரமான தீவிரவாதி என்று கதைகட்டும் வீரர்களையும் பார்த்திருக்கிறோம்.அப்படியே சில மோசடியாளர்கள் ஒன்றுகூடிக்கொண்டு முகாந்தரமில்லாமல் என்னைப் பகைத்து தூஷித்தார்கள். எல்லாம் முடிந்தது என்று இருக்கும்போது தாக்குதலின்  அடுத்த கட்டத்தில் தாங்களே போலி ஐடிக்களைத் துவங்கியோ என்னவோ அவையெல்லாம் என்னுடையது என்ற பழியைப் போடுகிறார்கள். இதெல்லாம் மிகவும் கேவலமான கீழ்த்தரமான செயலாகும். நான் ஏற்கனவே சொன்னதுபோல நான் ஆயிரம் ஃபேக் ஐடிக்களை வைத்திருந்தாலும் அவையெல்லாவற்றிலும் இயேசுவையே உயர்த்துவேன். இந்த க்ரிமினல் பேர்வழி இம்மானுவேல் ஆபிரகாமைப் போல் பிறருடைய நற்பெயருக்கும் சுதந்தரத்துக்கும் கேடுண்டாக நடந்துகொள்ளவே மாட்டேன். என்னுடைய போராட்டங்களெல்லாம் தனிப்பட்ட நபர்களுக்கு எதிரானதல்ல, உபதேசக் கோளாறுண்டாக்குவோருக்கு எதிரானது மட்டுமே. ஒருவருடைய தனிப்பட்ட வாழ்க்கையைக் குறித்து நான் ஏதேனும் எழுதியிருந்தால் அதை எடுத்துப்போடும்படி என் எதிரிகளைக் கேட்கிறேன். இறுதியில் தோற்று ஓடப்போகும் பேலியாளின் மக்களான உங்களுடைய (செல்)வாக்கு கொஞ்சம் அதிகமாகவே எடுபடும். ஆனாலும் என் (சொல்) வாக்கு முழுவதும் கர்த்தருடையதாக இருப்பதால் உங்களெல்லாருடைய அஸ்மனத்தையும் நானே பார்ப்பேன்.

இதோ அந்த ஆளின் அபாண்டமான அண்மைய பதிவு...

Immanuel Abraham shared Johnson Kennedy's photo.

• கிறிஸ்தவர்கள் இணையத்தில் இணைந்திருக்க கூடாது என்ற சதி திட்டத்துடன் Chill Sam@ Yuwana Janam @ Samuel Churchill என்ற பெயர்களில் உலாவி வரும் கிறிஸ்துவின் விரோதியின் புது போலி கணக்கு.

  

   

  எச்சரிக்கை இந்த முகவரி போலி.........

இந்த ஐடியைக் குறித்து நான் ஏற்கனவே அறிவித்தும் பொய்க்கு அஞ்சாத இவர்கள் அதனைப் புறக்கணித்திருக்கிறார்கள். இவர்கள் அகராதியில் ஃபேக் ஐடிக்கு என்ன இலக்கணம் வகுத்திருக்கிறார்களோ தெரியவில்லை. ஆனாலும் அவர்களுக்கு உதவியாக நானும் எனக்குத் தெரிந்தவற்றை இங்கே சேமிக்கிறேன். இவையெல்லாம் யார் பெத்த பிள்ளைகளோ இதன் இனிஷியலை அந்த போலி பெந்தெகொஸ்தே பெருச்சாளியிடமே கேட்கவேண்டும். முக்கியமாக தங்களுக்கு ஆதரவாக பணிசெய்யும் ஃபேக் ஐடிக்களை இவர்கள் கண்டுகொள்ளுகிறதில்லையே, அது ஏன் ?

இனி இங்கே ஃபேக் ஐடிக்கள் சங்கமிக்கிறது...

இந்த முதலாவது ஐடி விசேஷமானது. ஏனெனில் இது இதுவரையிலும் குறைந்தது மூன்றுமுறை பேர் மாற்றப்பட்டது. முதலில் சில்சாம் (chillsam) என்ற பெயரில் துவக்கப்பட்ட இதிலிருந்து முதலாவது எனக்கே கோரிக்கை வந்தது. காரணம் மற்றவர்களைக் குழப்புவதற்காகவே. பிறகு அது (Samuel Churchill) என்று மாறியது. தற்போதைக்கு இது (jeyakumar hosanna) என்று இருக்கிறது. இதன் நோக்கம் முதலில் என் பெயரில் ஏஞ்சல் டிவியின் ஆதரவாளரான ஜெயக்குமார் ஹோசன்னாவைத் தாக்குவதாக இருந்தது. நானோ தொடர்ந்து ஃபேக் ஐடி என்று ரிப்போர்ட் பண்ணிக்கொண்டே இருந்தேன். பிறகு  அவர் பெயரில் அவருடைய நண்பர்களையே தாக்குவதாக அமைக்கப்பட்டது. அது ஏன் ? திரு. ஜெயக்குமார் ஹோசன்னா யாரை அதிகமாகவே கஷ்டப்படுத்தினார் ? வேறு யார், இந்த க்ரிமினல் பேர்வழி இம்மானுவேல் ஆபிரகாமைத் தான். அவரைப் பழிவாங்கவே இதுபோல செய்யப்பட்டிருக்கவேண்டும். அதற்கான ஆதாரங்கள் அந்த பக்கத்திலேயே இருக்கிறது. 

புலனாய்வில் தேர்ந்தவர்கள் இந்த எழுத்து நடை மற்றும் ரசனைகளிலிருந்தே உண்மையைக் கண்டுபிடித்துவிடுவார்கள். ச்சும்மா கண்மூடித்தனமாக ஒருவரையொருவர் குற்றஞ்சாட்டி குழப்பம் ஏற்படுத்தும் வேலைகள் அங்கே செல்லுபடியாகாது. நான் இங்கே பகிரப்போகும் ஃபேக் ஐடிக்களில்தொடர்புடையவர்களின் ஐக்கானும் இருக்கிறது பாருங்கள், அதிலேயே தெரிந்துவிடும், இவர்கள் இன்னார் என்று. முதலில் இவர்கள் தங்கள் வட்டத்தில் இருப்போருடன் நட்பை உருவாக்கி நம்பிக்கை பெற்று பிறகே அடுத்த வட்டத்துக்கு செல்லுகிறார்கள். அப்படிப்பட்ட தொடர்புகளைப் பார்த்தால் எல்லாரும் அவர்கள் ஆட்களே என்பது புரியும். கிறிஸ்தவ வட்டாரத்திலேயே உட்புகுந்து இதுபோல நண்பர்களுக்குள் குழப்பம் விளைவித்து கசப்பை விதைப்போர் யாராக இருந்தால் படைத்தவரால் அகற்றப்படுவார்கள் என்பது நிச்சயம்.

இப்படி இவர்கள் ஏற்படுத்திய குழப்பத்தனால் என்னை நன்கு அறிந்த நண்பர் ராஜ்குமார்  போன்றவர்கள் இது நான் தானோ என்று போன்போட்டு விசாரித்தார்கள். இன்னும் சில ஐடிக்களைக் குறிப்பிட்டு அப்படியானால் அது நீங்க இல்லையா என்று அதிர்ச்சியடைவார்கள். என்னவென்று பார்த்தால் அப்படி ஒரு பொய்யான செய்தி எங்கும் பரப்பிவிடப்பட்டிருப்பதே. இது என் மீதும் என் முயற்சிகள் மீதும் மற்றவர்களுக்கு சலிப்பை உண்டாக்கும் முயற்சியே அல்லாமல் வேறென்ன ? ஒரு பொருளை நினைவுப்படுத்தும் போலிகள் பெருகினால் அந்த பொருளின் மீதான நம்பிக்கை இயல்பாகவே குறைந்துவிடும் அல்லவா ? அதன் காரணமாகவே கம்பெனிகளும் தங்கள் படைப்புகளின் தோற்றத்தை மாற்றிக்கொண்டே இருக்கிறது.

அடுத்த ஐடியைப் பார்க்கும் முன்பாக ஒரு இடைவெளி...