Yauwana Janam

இதுநாள் வரைக்கும் தமிழ் கிறிஸ்தவ உலகில் ஐயத்துடன் பார்க்கப்பட்ட விஜய்குமார் என்பாரின் எழுத்துக்கள் முழுவதும் சூழ்ச்சி நிறைந்த கள்ள உபதேசங்களே என்பது நிரூபணமாகியிருக்கிறது. ஒரு பானை சோற்றுக்கு ஒரு சோறு பதம் என்பார்களே அதுபோல ஒரு சில காரியங்களினாலேயே இவற்றை அறிந்துகொண்டோம். இன்னும் நிதானமாக அவருடைய எழுத்துக்களை ஸ்கேன் பண்ணும்போது முழு பின்னணியையும் வெளிக்கொணருவோம் என்று நம்புகிறோம். ஏன் இவரோடு எல்லோருக்கும் உரசல் வருகிறது ? ஏன் இவர் தேர்ந்தெடுக்கப்பட்ட சிலரை மட்டும் அருகில் வைத்திருக்கிறார் ? இவரோடு பலர் முரண்பட்டாலும் ஏன் ஏதோவொரு கட்டாயத்தின்பேரில் ஒட்டிக்கொண்டிருக்கிறார்கள் என்பதையெல்லாம் யோசித்தாலே கூட பல உண்மைகள் புலப்படும். இப்படிப்பட்ட ஒருவரை நாம் ஏன் தொடரவேண்டும் ? இவர் மிகவும் பிரபலமானவராகவும் புகழ்பெற்றவராகவும் இருந்தால் இவரால் விதைக்கப்படும் தீமைகள் வளரும் இளைஞர்களை பாதித்துவிடக்கூடாதே என்பதற்காக இவரை தொடர்ந்து சென்று பரிசோதித்து இவருடைய சூழ்ச்சிகளை அம்பலப்படுத்தவேண்டும். அல்லது இவர் மிக மிக சாதாரணமான ஆள், இவரால் எந்த ஆபத்துமே இல்லை என்றாலும் கூட இவரை சாதாரணமாக விட்டு விடமுடியாது. ஒரு சிறு துளி விஷமானது முழு காரியத்தையும் கெடுத்துப்போடும் அல்லவா ? எனவே இவரை முழுவதுமாக புறக்கணித்து இவருடைய தவறான வியாக்கியானங்களையும் திருச்சபை விரோத முயற்சிகளையும் எதிர்க்க தீர்மானித்திருக்கிறோம். ஏற்கனவே ஃபேஸ்புக் தளத்தில் எழுதப்பட்டுள்ள காரியங்கள் இந்த பிரிவின் கீழ் தொகுக்கப்படும். நம்முடைய நியாயமான கேள்விகளுக்கும் ஐயங்களுக்கும் அவர்கள் பதில் சொல்ல முன்வருவார்களானால் நிச்சயமாகவே அதனை பரிவுடன் பரிசீலிக்க ஆயத்தமாக இருக்கிறோம் என்பதையும் உறுதியுடன் சொல்லிக்கொள்ளுகிறோம். அவர் அண்மையில் நமக்கு எதிராக எழுதியிருக்கும் காரியங்களீன்படி நாம் அவரை உள்நோக்கத்துடன் பின் தொடரவோ இழிவுபடுத்தவோ கீழ்த்தரமான எழுத்துக்களால் துக்கப்படுத்தவோ விரும்பவில்லை, அது நமக்கு வழக்கமுமில்லை. உண்மையில் மிக மோசமான - கேவலமான குற்றசாட்டுகளினால் என்னை மனமடிவாக்கிய அந்த பாவிகள் இன்றைக்கும் அதே குற்றச்சாட்டின் அடிப்படையில்  தனிப்பட்ட முறையில் என்னை மிரட்டிக்கொண்டிருக்கிறார்கள் என்பதே உண்மையாகும். பின்வரும் ஸ்கிரீன் ஷாட்டில் திரு.விஜய்குமார் எழுதியவையே நான் மீண்டும் களம்புக காரணமாக இருந்தது என்பதை எனது மதிப்பிற்குரிய வாசக நண்பர்களுக்குத் தெரிவித்துக்கொள்ளுகிறேன்.