தேசத்தின் எல்லையெங்கும் நாசகர் தொல்லை தர
பாரத மண்ணில் அமைதி போனதே
பேதையர் நம்மில் சிலர் பேதங்கள் பேசப்போக
பாரதம் போர்க்களம் போல் ஆனதே
கார்மேக கூட்டம் எல்லாம் -மண்ணின்
நிறம் பார்த்தா மழையை கொடுக்கும் -பண் பாடும்
குயிலின் இனமும் காசு வாங்கியா அழகாய் கூவும் -மலர்கூட்டம்
வேண்டிய மனிதர் என்று பார்த்திட்டா மணத்தை வீசும்
மனிதர் மட்டும் தரம்பிரித்து ஏன்
விருப்பு வெறுப்பினை காட்டிடவேண்டும்
அன்பு தேவை அன்பு தேவை
அன்பு தெய்வத்தின் அனுபவம் தேவை
அன்பின் தெய்வம் இயேசு தேவன்
அநுக்கிரகம் இன்று இந்தியர் தேவை - (2)
வந்தே மாதரம் சொல்லும்போது
தேசிய ஒற்றுமை ஓங்குமே
இயேசுவின் பாரதம் ஆகும்போது
அன்பும் அமைதியும் தங்குமே - (2)
பிழைப்புக்காக மக்கட்குள்ளே
பிளவை உண்டுபண்ணும் சிலரும்
பதவிக்காக பிறரின் நலனை
பறிகொடுக்கும் பாதகரும்
புகழுக்காக எதுவும் செய்யும்
போலி கொள்கையோடு சிலரும்
உலவும் வரை இந்தியாவில்
ஒருமைப்பாடு கனவாய் இருக்கும் (2)
மதங்கள் என்னும் பிரிவுகள் எல்லாம்
மனிதர் தந்த பெயர்கள் தானே
மனங்கள் அடையும் சுத்தம் ஒன்றே
இறைவன் வேண்டும் மாற்றம் இன்றே
உண்மையறியா பலரும் உண்டே
உணருவாயே தேவஜனமே
இயேசு நாமம் அறிவிக்கவே
முன்செல்லுவாயோ இளைஞனே
