Yauwana Janam

கர்த்தருக்குள் பிரியமான நண்பர்களே,

”யௌவன ஜனம்” எனும் தளத்தின் சார்பாக இங்கே நண்பர்களை ஒருங்கிணைக்கும் நோக்கத்துடன் ஒரு பக்கம் துவங்கப்பட்டிருக்கிறது. இந்த முயற்சி ஒரு சிறிய மனிதனின் பெரிய கனவாகும். அது என்னவெனில் கிறிஸ்தவத்தை கேலிக்கூத்தாக்கும் பெரிய மனிதர்களுக்கும் சரியான கிறிஸ்தவத்துக்கும் எந்த சம்பந்தமும் இல்லை என்பதை கிறிஸ்து எனும் அரிய பொக்கிஷத்தை அறியவேண்டிய வண்ணமாக அறியாதோர்க்கு அறிவிப்பதே. சரியான கிறிஸ்தவத்தை யாராலும் அழிக்கமுடியாது; போலிகள் சந்தான பரம்பரையாக நிலைத்திடவும் முடியாது. நாம் போலிகளின் முகத்திரையை கிழிக்கும் பணியில் மும்முரமாக இருக்க, இதனால் வருத்தம் கொண்ட- நாகமானின் கஷ்டத்தினால் குஷ்டத்தை சுதந்தரித்த கேயாசி வம்சத்தார் சிலர் பிரித்தாளும் சூழ்ச்சியைக் கையாண்டனர்,ஆனாலும் நாம் மனந்தளராமல் முன்னேறி வருகிறோம். உலகப் பிரகாரமான நட்புக்காகவும் அரட்டைக்காகவும் நாம் இங்கே வரவில்லை. கிறிஸ்துவின் சரீரமாகிய சபையில் தொங்குசதைகளாகவும் முதிரா பிண்டங்களாகவும் உலாவரும் கழிசடைகளை கழிவறைக்கு அனுப்பவே போராடுகிறோம்.

பலருடைய நினைவு என்னவென்றால் சில்சாம் எனும் யாரோ ஒருவனே இத்தனை குழப்பத்துக்கும் காரணம்,அவனை ஒழித்துவிட்டால் எல்லாம் அமைதியாகிவிடும்,என்பதாக.எனவே சில்சாம் எனும் பெயரை சுற்றியே சர்ச்சைகளை வளர்த்துக்கொண்டிருக்கிறார்கள்.சில்சாம் பெயரை முடக்கிவிட்டால் - அவனை அவமானப்படுத்தி- அவனை விவாதப் பொருளாகிவிட்டால் பிரச்சினையின் தீவிரத்தை குறைக்கலாம் என்று மனப்பால் குடிக்கிறார்கள். பல்வேறு போராட்டங்களுக்குப் பிறகு சலித்து வெறுத்துப்போய் ஒதுங்கிவிட நினைத்தாலும், ”எல்லாச் சபைகளைக்குறித்தும் உண்டாயிருக்கிற கவலை என்னை நாள்தோறும் நெருக்குகிறது.” (2.கொரிந்தியர்.11:28) என்று பவுலடிகள் சொல்லுவதுபோல போனது போகட்டும் , இயன்ற்தை இருக்கும்வரை செய்வோம் என்று மீண்டு வருபவனை மீண்டும் மீண்டும் நெட்டித் தள்ள எத்தனிப்போர் கோலியாத்தைப் போல குப்புற வீழ்ந்து அப்புறப்படுத்தப்படுவார்கள். சில்சாம்  என்பவன் தனிமனிதன் அல்ல,அவன் ஒரு இயக்கம் என்பதை அவர்கள் அறியாதிருக்கிறார்கள். சில்சாம் இல்லாவிட்டாலும் இது தொடரும் என்பதை எதிரிகள் உணரவேண்டும்.சில்சாம் யாராக இருந்தால் உனக்கென்ன, உன் நிலைமை சரியாக இருந்தால் அவன் ஏன் உன்னை சீண்டப்போகிறான்? சில்சாம் என்பவன் தன்னுடைய தோழர்களுடன் தெருவில் இறங்கி போராட துணிந்துவிட்டால் போலி கிறிஸ்தவமும் அதன் தலைவர்களும் சந்தி சிரிக்க முச்சந்தியில் நிறுத்தப்படுவார்கள் என்பதை (மேசியாவின்) எதிரிகள் உணரவேண்டும். 

• ’தேவனால் அனுப்பப்பட்ட ஒரு மனுஷன் இருந்தான், அவன் பேர் யோவான். அவன் தன்னால் எல்லாரும் விசுவாசிக்கும்படி அந்த ஒளியைக் குறித்துச்சாட்சிகொடுக்க சாட்சியாக வந்தான். அவன் அந்த ஒளியல்ல, அந்த ஒளியைக்குறித்துச் சாட்சிகொடுக்க வந்தவனாயிருந்தான். (யோவான்.1:6,7,8)

(மேசியாவின்) எதிரிகளான குள்ளநரிகள் நினைத்தன, குற்றஞ்சொல்லும் யோவானின் தலையைக் கொய்துவிட்டால் எல்லாம் சரியாகிவிடும் என்பதாக.ஆனால் ஐயகோ !  நிலைமை அத்தனை மோசமாகிவிட்டதா...அடடா, அவன் தான் சொன்னானே,

• “யோவான் அவர்களுக்குப் பிரதியுத்தரமாக: நான் ஜலத்தினாலே ஞானஸ்நானங்கொடுக்கிறேன்; நீங்கள் அறியாதிருக்கிற ஒருவர் உங்கள் நடுவிலே நிற்கிறார்.அவர் எனக்குப் பின்வந்தும் என்னிலும் மேன்மையுள்ளவர்; அவருடைய பாதரட்சையின் வாரை அவிழ்ப்பதற்கும் நான் பாத்திரனல்ல என்றான்.” (யோவான்.1:26,27)

இப்போது தெரிகிறதா,யோவான் தலையைக் கொய்துவிட்டால் மட்டுமே பிரச்சினை தீராது,அதற்கு பின்னர் நடந்ததை கடந்த 2000 வருடங்களில் மனுக்குலம பார்த்துக்கொண்டுதானிருக்கிறது; ஆனாலும் அதுகுறித்து கொஞ்சமும் அறிவும் சொரணையும் இல்லாமல் கொழுத்து சளுக்கு பண்ணுகிறார்கள்,சில்லறை பொறுக்கிகள். இனி சில்சாம் குறித்து யாரும் கவலைப்படவேண்டாம், அவனை உறவாடி கெடுக்க நினைத்தவர்களின் சூழ்ச்சி இனி பலிக்காது.(மேசியாவின்) எதிரிகளின் விருப்பப்படியே அவன் ஒழித்துக்கட்டப்பட்டுவிட்டான். எனவே இனி இந்த இயக்கம் மற்ற நண்பர்களின் ஆதரவுடன் தனித்தே இயங்கும். தூஷித்து உணர்ச்சிகளைத் தூண்டி குளிர்காய நினைக்கும் பேடிகளுக்கும் முன்னாள் கேடிகளுக்கும் பதில் சொல்ல இனி யாருமில்லை.

எனவே சில்சாம் சார்பாக யௌவன ஜனம் முன்வைக்கும் கோரிக்கை என்னவென்றால் இனி சில்சாம் குறித்து அறிந்தவரும் அறியாதவ்ரும் சரி அந்த பெயரைக் குறிப்பிட்டு எதுவும் பேசவேண்டாம். சில்சாம் முடக்கப்பட்டதும் ஒரு நன்மைக்கே என்போம்.ஏனெனில் ஒரு தனி மனிதன் சொல்லுவதில் பல்ரும் உள்நோக்கம் கற்பிக்கிறார்கள், பிரச்சினையை திசைதிருப்புகிறார்கள், தனிநபர் தூஷணங்களை அரங்கேற்றுகிறார்கள். இந்த தளத்தின் மாண்பையே குலைக்கும் கீழ்த்தரமான செயல்களில் ஈடுபடுகிறார்கள். இதனால் பலரது கருத்து சுதந்தரமும் தனிநபர் சுதந்தரமும் பாதிக்கப்பட்டு அச்சுறுத்தல் உண்டாகியிருக்கிறது.

விசால மனதுடனும் நல்ல நோக்கத்துடனும் தங்கள் சொந்த பெயரில் நண்பர்கள் வட்டத்தில் இணைந்து தங்கள் கருத்துக்களைப் பகிர்ந்துகொண்டிருந்த நண்பர்கள் அச்சுறுத்தப்பட்டு சிதறடிக்கப்பட்டுவிட்டார்கள். எப்படியெனில் அவர்கள் தங்கள் சந்தோஷ தினங்களையும் இன்பமான தருணங்களையும் மறக்கமுடியாத நினைவுகளையும் நண்பர்கள் வட்டாரத்தில் பகிர்ந்துகொள்வதற்காக பதிக்கப்பட்ட புகைப்படங்களும் அவர்கள் சம்பந்தமான விவரங்கள் சில்லறை பொறுக்கிகளான முன்னாள் கயவர்களால் களவாடப்பட்டு தவறாக பயன்படுத்தப்பட்டது. இது அப்பட்டமான விதிமுறை மீறல் ஆகும்.ஒருவர் தனது நண்பர்களின் பார்வைக்காக வைத்த தன்னுடைய படத்தை இன்னொருவர் அனுமதியில்லாமல் எடுத்தாள்வது சைபர் க்ரைம் ஆகும். ஆனால் தான் முன்னாள் ரௌடி என்ற திமிரில் ஒரு ஆள் துணிந்து அவற்றை ஒவ்வொன்றாக எடுத்து அதற்கு காமெண்ட் போட்டு ரசிக்க அதற்கும் லைக் போட்டது ஒரு கூட்டம்.

நாமும் இதேபோன்ற விழிப்புணர்வு பணியில் இருப்பதால் நாமும் இதே குற்றத்தை செய்யும் ஆபத்து உண்டு.ஆனால் வித்தியாசம் என்னவென்றால் உபதேசம் சம்பந்தமான ஒரு குறிப்பிட்ட காரியம் தொடர்பாக அன்றி மற்ற சொந்த காரியங்களை நாம் அலசுகிறதில்லை.ஆனால் சில்லறை பொறுக்கிகளோ ஒவ்வொரு ப்ரொஃபைலாக நோண்டியெடுத்து இவர்களை விமர்சிக்கும் ஒவ்வொரு இளைஞனையும் குத்தி கிழித்துக்கொண்டிருக்கிறார்கள். இவர்களெல்லாம் ஒரு இளைஞனையாவது இங்கிருந்து ஆதாயம் செய்யும் பாரம்கொண்டதில்லை.ஆனால் இங்கே வரும் எண்ணற்ற இளைஞர்களை மனமடிவாக்குகிறார்கள்.நீ நன்மை செய்யாதிருந்தாலும் மன்னிப்பு உண்டு,ஆனால் நீ தடுக்கலாகவும் இடறலாகவும் இருந்து தீமைகளின் துணைவனாக கொடியேந்துகிறாய்,உன் நிழலே பகையாகும் நாளில் உன் அந்தரங்க பாவமெல்லாம் உன்னை தொடர்ந்து பிடிக்கும் நாளில் நீ புலம்பினாலும் உனக்கு ஒப்பாரி வைக்கவும் ஆள் இராது போகும்.

இறுதியாக, யௌவன ஜனம் என்பது மாற்றம் விரும்பும் இளைஞர்களின் கூட்டுமுயற்சி என்பதை கருத்தில் கொண்டு பக்திவிருத்தி ஒன்றையே இலக்காகக் கொண்டு கருத்துபரிமாற்றம் எனும் அற்புதமான வாய்ப்பை கண்ணியத்துடன் பயன்படுத்தி மாற்றத்தின் வாசலை அடைய விரைவோமாக. எருசலேம் தேவாலயத்தின் பன்னிரண்டு வாசலை வெவ்வேறு திசைகளிலிருந்து வந்து அடைய தீவிரிப்போரைப் போலவே நண்பர்கள் ஒவ்வொருவரும் ஒவ்வொரு தளத்திலிருந்து போராடுகிறோம்.இதில் யௌவன ஜனம் எனும் அமைப்பு ஆரோக்கிய உபதேசத்துக்காக நிற்க விசேஷமாகத் தன்னை அர்ப்பணித்துக்கொண்டது என்பதை ஏற்கனவே நண்பர்கள் அறிவார்கள்.இந்த பணியுடன் போலிகளின் முகத்திரையினை கிழித்தெறியும் பணியும் தொடரும். யௌவன ஜனம் கிறிஸ்தவ சபைகள் மற்றும் உபதேசம் சம்பந்தமான பொது பிரச்சினைகளை மட்டுமே அலசும். இதற்கு இடையூறாக இருக்கும் யாரோடும் நட்பு கொள்ளப்போவதில்லை. “முகநக நட்பது நட்பன்று  நெஞ்சத்து அகநக நட்பது நட்பு “ -எனும் குறள்மொழிக்கேற்ப உபதேச மாறுபாடுள்ளவர்களுடன் போலியாக நட்புகொள்வதை இதுவரை தவிர்த்துவருகிறோம்,இனியும் முயற்சிப்போம்.

யௌவன ஜனம் தளத்தின் நிர்வாகி தனது குறிக்கோளாக குறிப்பிடுவது யாதெனில்...

துருபதேசக்காரர்களுக்கு சம்மட்டியாகவும் கள்ளத்தீர்க்கதரிசிகளுக்கு சிம்ம சொப்பனமாகவும்  இந்த தளம் விளங்கும்..!