Yauwana Janam

chillsam · Senior Member>>>ஒளி வீசுக..!

RE: காயீன் மீது போடப்பட்ட அடையாளம் எது..?

colvin · Senior Member>>>ஒளி வீசுக..!

// பெண் கிடைத்தது என்ற கேள்விக்கு அவர்கள் ஏவாளை அதாவது அவனது தாயாரையே கைகாட்டுகின்றனர்; இதற்கு ஆதாரமாக ஆதியாகம்.4:1 ல் வரும் கர்த்தரால் ஒரு மனுஷனைப் பெற்றேன் என்பதைக் குறிப்பிடுகிறார்கள்; பிறகு ஏவாள் மனந்திருந்தி மீண்டும் ஆதாமுடன் இணைந்து சேத் பிறந்தானாம்..! //

இதற்கான பதில் இலகுவானது. வேதத்திலே அழகாக வசனம் இருக்க நீங்கள் ஏன் தடுமாறுனீர்கள் என புரியவில்லை. 3 பேர்களின் பெயரே வேதத்தில் குறிப்பிடப்பட்டுள்ளது. ஆனால் ஆதாம் ஏவாளுக்கு அநேகம் குழந்தைகள் இருந்தார்கள். வேத ஆதார வசனத்தை காட்டுங்கள் பார்க்கலாம்.

colvin · Senior Member>>>ஒளி வீசுக..!

காயீக்கு மனைவி அவன் சகோதரிதான். இதனை விளக்கப் பெரிய அறிவு ஒன்றும் வேண்டப்படுவதில்லை. ஏனெனில் முதல் பெற்றோர் அநேக குழந்தைகளை பெற்றனர் என்றே வேதாகமத்தின் போதனையாக உள்ளது.

chillsam · Senior Member>>>ஒளி வீசுக..!

My Reply@http://www.tamilchristians.com/index.php?option=com_ccboard&view=postlist&forum=10&topic=1850&Itemid=287
நண்பரே,காயீன் மீது ஆண்டவர் அடையாளம் போட்டார் என்பதே அறியப்படாத நிலையில் காயீனுக்கு ஆண்டவர் ஒரு அடையாளம் கொடுத்தார் என்பதுவும் சர்ச்சைக்குரியதாகவே அமையும்;அதனையும் ஆசிரியர் கட்டுரையில் அணுகுகிறார்;ஆனாலும் நம்முடைய ஆசிரியர் தீர்வாக எதையும் சொல்லிவிடவில்லை;இதுவே எனக்கு ஏமாற்றம். "போட்டார்" எனில் என்ன போட்டார் என்ற குழப்பமும் "கொடுத்தார்" எனில் என்ன கொடுத்தார் என்ற குழப்பமும் தொடரும்;இன்னுமொரு அதிர்ச்சிகரமான தகவலையும் இங்கே பதிவு செய்கிறேன்;

சில வருடமுன்பு இங்கிலாந்து தேசத்தின் லண்டன் நகரில் வாழும் ஒரு இந்திய நண்பர் என்னை சந்தித்தார்; அவர் ஐயங்கார் பிராமண சமுதாயத்திலிருந்து ஆண்டவரை ஏற்றுக்கொண்டவர்; திருமுழுக்கு (Baptism) சத்தியத்தில் மிகத் தீவிரமானவர்;எந்த ஒரு புதிய நண்பரை சந்தித்தாலும் நற்செய்தியை ஆரம்பிப்பதே திருமுழுக்கு (Baptism) பெறும் அவசியத்திலிருந்தே துவங்குவார்;

ஆனால் அவர் சத்தியத்தை அடைய காரணமாக இருந்த சபைக்கூட்டத்தார் வித்தியாசமான போதனையாளர்கள்;அதாவது வேதத்தில் சொல்லப்படாத மறைபொருளான சத்தியங்களை ஆவியானவரின் துணையோடு எடுத்துப் போதிக்கிறார்களாம்;அதன்படி காயீனுக்கு எங்கிருந்து பெண் கிடைத்தது என்ற கேள்விக்கு அவர்கள் ஏவாளை அதாவது அவனது தாயாரையே கைகாட்டுகின்றனர்; இதற்கு ஆதாரமாக ஆதியாகம்.4:1 ல் வரும் கர்த்தரால் ஒரு மனுஷனைப் பெற்றேன் என்பதைக் குறிப்பிடுகிறார்கள்; பிறகு ஏவாள் மனந்திருந்தி மீண்டும் ஆதாமுடன் இணைந்து சேத் பிறந்தானாம்..!

இப்படியே போனால் என்னவாகும், சொல்லுங்கள்; எனவே பவுலடிகள் கூறுவதுபோல எழுதப்பட்டதற்கு மிஞ்சி எண்ணாதிருப்பதே உத்தமமாகும்;என்ன,சரிதானே..?

இதுபோன்ற சர்ச்சைக்குரிய காரியங்களுக்குள் செல்லுமுன்பதாக நாம் கடைபிடிக்கவேண்டியதான ஒரு மாறாத விதி என்னவென்றால்,

வேதம் பேசுமிடத்து பேசு,
வேதம் அமைதியாக இருக்குமிடத்து அமர்ந்திரு;

வேதம் பேசாத இடத்தில் பேசாதே,
வேதம் பேசியதைப் பேசாமலிராதே;

வேதம் சாதாரணமாகச் சொல்வதை விசேஷப்படுத்தாதே,
வேதம் விசேஷமாகச் சொல்வதை சாதாரணமாக்காதே;

வேதத்தில் அவசியமானதை விட்டுவிடாதே,
வேதத்தில் அவசியமில்லாததைத் தொட்டுவிடாதே;

-என்பதே..!