Yauwana Janam

Nesan wrote:

---

ஓய்வுநாள் சனிக்கிழமைதான் என்று சொல்வார்கள்

கிறிஸ்துமஸ் / ஈஸ்டர் போன்ற பண்டிகைகளை கொண்டாடுவது தவறு என்பார்கள்.

ஆவியானவரை பற்றி அதிகம் பேசமாட்டார்கள்.

இயேசு  தான் பிதா அவர் பூமிக்கு வந்து மனுஷனானார் என்று சொல்வார்கள்.

திரித்துவத்தை இவர்கள் ஏற்பது இல்லை.

தற்கால சபை முழுவதும் சாத்தானின் உபதேசத்தில் நடக்கிறது என்று சொல்வார்கள். 

வேதத்தை அதிகமாக வியாக்கீனம் பண்ணும் இவர்கள் பேச்சில்  ஒரு ஆவிக்குரிய நிலை தெரியாது

இவர்கள் ஜெபிபதில் ஒரு உயிர் இருக்காது.

---

 இறைவன் தளத்தின் சுந்தர் துருபதேசத்துக்கு எதிராக புது அவதாரம் எடுத்திருக்கிறார். கடந்த இரண்டு வருடத்துக்கு மேலாக நாம் எந்த துருபதேசத்துக்கெதிராகப் போராடி வருகிறோமோ அதையெல்லாம் குறைகூறிய இவர் தற்போது நேசன் என்ற பெயரில் புரட்சிகரமான கருத்துக்களை எழுதி வருகிறார்; இதைப் படித்ததிலிருந்து ஜுரம் வருவது போலிருக்கிறது.

இதில் யாரையும் குறிப்பிட்டு எழுதாமல் ச்சும்மா மிக்ஸர் கணக்காக கலந்தடிக்கிறார், ஏதோ அவருக்குத் தெரிந்தது,பாவம் போகட்டும் என்று விட்டுவிடலாமென்று பார்த்தால் அவை இங்குமங்குமாக பொறுக்கியெடுத்து ஒழுங்கில்லாமல் எழுதியிருப்பதால் அதற்குரிய விளக்கம் கொடுக்கவேண்டியது நம்முடைய கடமையாகிறது.

முதலாவது இவர் துருபதேசத்துக்கான அறிகுறியாக சொல்லுவது என்ன...

///ஓய்வுநாள் சனிக்கிழமைதான் என்று சொல்வார்கள் ///

அப்படியானால் நீங்கள் இவ்வாறு சொன்னதேயில்லையா ஸார், கொஞ்சமாவது மனசாட்சியுடன் தான் எழுதுகிறீர்களா..? நீங்கள் கற்பனைகளைக் கைக்கொள்ள வேண்டியதன் அவசியத்தைக் குறித்து எழுதும்போது ஓய்வுநாள் அவசியம் என்று அந்த நாளில் நீங்கள் எந்த வேலையும் செய்வதை தவிர்ப்பதாக எழுதியதில்லையா..? நீங்கள் எழுதியதை நீங்களே மறுத்து நல்ல பிள்ளைபோல வேஷம் போடலாமா.? அன்றைக்கு இந்த கருத்தை எழுதியதற்காக நான் கண்டித்தபோது என்னை வெறுத்தீர்கள் இன்றைக்கு அதே கருத்து சரியாகத் தோன்றுகிறதா,இன்றைக்கு தான் அது தவறான உபதேசம் என்று புரிகிறதா..?

வாசகரின் கவனத்துக்கு ஓய்வுநாள் ஒருபோதும் மாறவில்லை மாற்றப்படவுமில்லை;சுந்தர் போன்ற கள்ளர்கள் ஓய்வுநாள் சத்தியத்தையும் ஞாயிறன்று சபைகூடிவருதலையும் சேர்த்து குழப்பிக்கொண்டிருக்கிறார்கள்.ஆனால் ஓய்வுநாள் எனும் மாம்ச கட்டளை மாற்றப்படவில்லை அது அப்படியே இருக்கிறது;அது யூதருக்குக் கொடுக்கப்பட்டது; இயேசுவின் இரத்தத்தால் மீட்கப்பட்டோருக்கோ ஓய்வு அல்லது இளைப்பாறுதல் இனி வரும் காரியமாக இருக்கிறது என்பதே ஆரோக்கிய உபதேசமாகும்.

//இயேசு தான் பிதா அவர் பூமிக்கு வந்து மனுஷனானார் என்று சொல்வார்கள்.//

இயேசு தான் பிதாவாக வந்தார் என்பது ஏழாம் நாள் காரரின் உபதேசம் அல்ல, வேத மாணாக்கரின் உபதேசமும் அல்ல, யெகோவா சாட்சிகளின் உபதேசமும் அல்ல... அப்படியானால் மேற்கண்ட கருத்தின் மூலம் யாரை தாக்குகிறீர்கள், யாருக்கு கைகுலுக்குகிறீர்கள் என்று புரிகிறதா..?

இயேசுவின் தெய்வத்தன்மையைக் குறித்து எவன் கேள்வி எழுப்பினாலும் அவன் பிசாசு...பொய்யனும் பொய்க்கு பிதாவுமானவனுடைய ஆவியில் இருப்பவன்.

//திரித்துவத்தை இவர்கள் ஏற்பது இல்லை. //

நீர் ஏற்றுக்கொண்டீரா...? சர்வ வல்லவரை கூறுபோட்டு அவர் மூன்று மாத்திரமல்ல, முப்பதேழுக்கும் மேற்பட்ட தன்மையுடையவர் என்று நீர் எழுதவில்லையா..? ஜாக்கிரதை நெருப்புடன் விளையாடிக் கொண்டிருக்கிறீர்கள், இதன் பலன் உங்கள் மடியில் வந்துசேரும். இறையியல் கொள்கைகளை ஆராய்ந்து வியாக்கியானங்களை அறிவிக்கும் வயதும் அனுபவமும் ஆயுசும் உங்களுக்கு போதாது. இதன் பலன் ஒவ்வொன்றும் உங்கள் தலையின்மேல் அக்கினியாகக் குவிக்கப்படும் என்று மீண்டும் எச்சரிக்கிறேன்.

///தற்கால சபை முழுவதும் சாத்தானின் உபதேசத்தில் நடக்கிறது என்று சொல்வார்கள். //

பாம்பை அடிக்கணும் ஆனா பாம்பு சாகக்கூடாது என்பது போல இருக்கிறது இந்த கருத்து.முந்திய கருத்தில் வேதமாணாக்கரை தாக்கியத்ற்கு பிராயசித்தம்போல இதோ அவர்களுக்குப் பிடித்த ஒரு பாயிண்டை எழுதியாகிவிட்டது..! ஏன்யா, தீங்குசெய்யும் சாத்தானின் ஆவிகளை இறைவன் புழு, பூச்சி, கொசு ஆகிய துன்புறுத்தும் ஜீவன்களாக மாற்றிவிட்டார் என்றும் இன்னும் சபைகளிலும் சாலையோரங்களிலும் மனித ரூபத்தில் சாத்தானைப் பார்த்ததாக நீங்கள் எழுதியதில்லையா..? நீங்களா சாத்தானைப் பற்றிய கொள்கையை அறிவிப்பது, இதன் பலனை சாத்தானே உங்களுக்குக் கொடுக்கும்படியாக உங்களை அவனிடமே ஒப்படைக்கிறேன்.

//வேதத்தை அதிகமாக வியாக்கீனம் பண்ணும் இவர்கள் பேச்சில்  ஒரு ஆவிக்குரிய நிலை தெரியாது//

இந்த அறிகுறியானது உங்களுக்கே பொருத்தமாக இருக்கும்; ஏனெனில் இதுவரை நீங்கள் பலமுறை பல்டியடித்திருக்கிறீர்கள்; அதுவே உங்கள் ஆவிக்குரிய நிலையை படம் பிடித்துகாட்டுகிறது; அடிக்கடி தன் நிலையை மாற்றிக்கொண்டு நிலையில்லாமல் திரியும் நீங்களே மேற்கண்ட கள்ளப்போதகன் என்று நான் சொல்லலாமா..? கேட்டால் எந்த கருத்தையும் ஏற்றுக்கொண்டு மாற்றிக்கொள்ளும் தாழ்மையுள்ளவன் என்று ஒரு வேஷம்; ஆனால் ஒரு காரியத்தை சொல்லும்போதோ இதை ஆவியானவர் சொன்னார் என்று ஒரு பொய். அப்படி ஆவியானவரே சொன்னதை பொய்யாக்கி யாரோ சொன்னதைக் கேட்டு மனதை மாற்றிக்கொள்ளுபவனை என்னவென்று சொல்ல..?

சுந்தர் தேவையில்லாமல் எதற்கு உன்னை பெரிய ஆளாக்க வேண்டுமென்றே உன்னைக் குறித்து எழுதுவதில்லையே தவிர நீ எழுதுவதெல்லாம் சரி என்பதால் அல்ல; நீ பைபிளின் முதல் அதிகாரம் வேறு, இரண்டாம் அதிகாரம் வேறு என்று சொல்லி படைப்பில் இருவேறு நிலைகள் என்று எழுதியதற்கே உன்னை கவனித்திருக்க வேண்டும். இனியும் நீ எல்லை மீறிச்சென்று இதுபோல எதையாவது உளறினால் உனக்கு என்ன நேரும் என்பதை நான் சொல்லுவேன், நீ ஓவென்று அழுது ஒப்பாரி வைப்பாய்...ஜாக்கிரதை..!