Yauwana Janam

திரு.பீட்டர் சாமுவேல் அவர்களிடமிருந்து ஒரு அறிக்கை..!

நண்பர் Yauwana Janam அவர்களிடம் அவர்களது எழுத்து, கருத்து, உறுதியான மனோபாவம் போன்றவை எனக்குப் பிடித்தமானவை. அதன் அடிப்படையில் அவரிடம் நேரில் அறிமுகமாகி உண்மையான நட்பு பாராட்டி வந்தேன். 

அவர் துருபதேசங்களை எதிர்த்து போராடி வருவதால் அவரோடு இணைந்து நானும் போராடியிருக்கிறேன். கிறிஸ்தவத்திலுள்ள பலவிதமான குழப்பங்களைக்குறித்து இணைந்து பேசியும் எழுதியும் இருக்கிறோம். பல விஷயங்களில் ஒத்த கருத்துடையவர்களாய் இருந்திருக்கிறோம். 

எந்த மனிதனிடமும் சுமூகமான உறவை விரும்புபவன் நான். உபதேச ரீதியான கருத்துக்களில் வரும் விவாதங்களில் கூட அமைதியாக வேத அடிப்படையில் என் கருத்தை அமைதியாகக் கூறவும், ஆனால் அந்த மனிதரிடம் அன்பாக இருக்கவுமே பெரும்பாலும் நான் முயல்வேன். வேண்டுமென்றே என்னை சீண்டி கோபப்படுத்தி, என்னிடம் ஆவியின் கனி இல்லையென்று விமர்சித்த ஒரு சிலரிடம் தவிர யாரிடமும் சண்டையிடும் விருப்பம் எனக்கு எப்போதுமே இல்லாதிருந்தது. எந்த மதத்தவனாயினும் மனிதரை சமமாக நேசித்து, அவர்கள் உணர்வுகளுக்கு மதிப்பளிக்கும் பண்புடன் இருக்கவே எப்போதும் விரும்புவேன். பிழையான உபதேசத்தை சுட்டிக்காண்பிக்கும்போது அவர்களின் விசிறிகள் வேண்டுமென்றே என்னை சீண்டினாலொழிய நானாக யாரிடமும் பிணக்கு கொள்வதில்லை. யாரையும் தனிப்பட்ட தாக்குதல் நடத்தவும் விரும்புவதில்லை. 

என்னுடைய குணத்திற்கு நேரெதிரான குணமுடைய நண்பர் அவர்கள், என் நண்பர்கள் பட்டியலில் உள்ள அநேகரிடம் பல விஷயங்களில் மோதிக்கொண்டிருப்பவர். அவர் ஆதரித்த சிலரைக்கூட பின்னாட்களில் தொடர்ந்து தனிப்பட்ட முறையில் தாக்கிக்கொண்டிப்பதை விருப்பமான பொழுதுபோக்காக கொண்டிருப்பவர். தன்னை மிகவும் நேசித்து, அவருக்காக மற்றவரிடம் போராடிய ஒரு இளைஞரை இவர் நடத்திய விதம் எனக்கு மிகவும் அதிர்ச்சி. இவரிடம் யாரும் தொடர்ந்து நட்புறவில் இருந்துவிட முடியாது. யாரையும் நேசிக்கும் பண்பு என்பது இவரிடம் இல்லையே என்று நான் பலமுறை வருந்தியதுண்டு. இவருக்கு ஆலோசனை சொல்பவர்களை உடனடியாக எதிரியாக்கிக் கொள்வது இவரது கொள்கை. 

தான் மட்டுமே பெரியவன். தன்னுடைய கொள்கையே உயர்ந்தது. தன்னிடம் வெளிப்படும் கருத்துக்கள் மட்டுமே ஆவியானவர் தருவது என்ற சுய பெருமையில் சிக்கிவிட்ட இவரிடம், மாற்றுக்கருத்தை சொல்லும் யாராயினும் எதிரியாகிவிடவேண்டிய துர்பாக்கிய நிலை. 

இவரது நட்பு வளையத்தில் புதியவர்கள் மட்டுமே இருப்பார்கள். ஏனெனில் யாரோடும் அன்பு பாராட்ட அறியாத, அன்பு என்றால் என்னவென்றே அறியாத இவரது குணத்தை அறியாதவரை, இவரது எழுத்துக்களை நம்பி வரும் புதியவர்கள் இவரிடம் சிலகாலம் நட்பாக இருப்பார்கள். மற்றப்படி முகநூலில் இவரிடம் அதிகநாள் நட்பாக இருப்பவர்கள் இவரது போலி முகவரிகளும் முகநூலில் அதிகமாக வராமல் இவருக்கு தங்கள் முகவரியை தாரை வார்த்தவர்களுமே. 

என்னிடம் இவரது எதிர்பார்ப்பு என்பது இவரது எதிரிகள் அனைவரையும் என்னுடைய எதிரிகளாகவும் நான் ஆக்கிக்கொள்ளவேண்டும் என்பதுதான். ஆனால் அது என்னால் இயலாது. என் ஆண்டவர் அன்பு பாராட்டவே சொல்லியிருப்பதால் நீங்கள் வேண்டுமானால் என் நண்பர்கள் அனைவரையும் நண்பராக்கிக்கொள்ளுங்கள் என்று நான் கூறுவேன். 

எப்படியோ, நட்புக்கு துரோகம் செய்யக்கூடாது என்ற உணர்வில் மாத்திரம் நான் இருந்ததால் இவரது எந்த தவறையும் கண்டுகொள்ளாமல் இருக்கப் பழகிக்கொண்டேன். 

இவரது புகைப்படம் முகநூலில் வெளியாகும்வரை தன்னை ஒரு சத்தியவானாகவும், சத்தியமல்லாத எல்லாவற்றையும் எதிர்ப்பவராகவும் காட்டிக்கொண்டிருந்த இவர் டிஜிஎஸ், மோசிலா, சாது, விசெ போன்றவர்கள் உட்பட எல்லா பிரபல ஊழியர்களையும் விமர்சித்திருக்கிறார். மிகக் கடினமாக எல்லோரையும் தாக்கியிருக்கிறார். இவரது புகைப்படம் வெளியான பின் எல்லா பிரபல ஊழியர்களுக்கும் ஆதரவாளனாக தன்னை காண்பிக்க ஆரம்பித்தார். 

விஜய் போன்றோருடன் இணைந்திருந்தபோது அன்னிய பாஷை பேசும் எல்லோரையும் குண்டலினி ஆவி என்று விமர்சித்த இவர், விஜய் யை விட்டு விலகினபின் விஜய் யை விமர்சிக்க குண்டலினி என்ற வார்த்தையை பயன்படுத்திக்கொண்டார். அப்போதே இவர் நம்பகத் தன்மையை இழந்துவிட்டார். 

விஜய் பயன்படுத்திய மீன் சின்னத்தைக் குறித்து மிகக் கேவலமான பதிவை வெளியிட்டதிலிருந்து இவர்மீதிருந்த நன்மதிப்பு அடியோடு சிதைந்துவிட்டது. ஆனாலும் பொறுமையாகவே இருந்தேன். சாதாரண மனிதனாக இருந்தால் நட்பு அடிப்படையில் குற்றத்தை சுட்டிக்காட்டி திருத்த முயன்றிருக்கலாம். ஆனால் இவரிடம்தான் அது பலிக்காதே. 

அதன்பின் தொடர்ச்சியாக அவர் முன்பு எழுதிய பல கருத்துக்களுக்கு முரணாக நேரெதிர் கருத்துக்களை எழுத ஆரம்பித்தார். சிலரை திடீரென ஆதரிப்பார், திடீரென எதிர்ப்பார். ஏன் ஆதரிக்கிறார், ஏன் எதிர்க்கிறார் என்று ஒன்றும் புரியாது. 

சமீப காலங்களில் இவர் ஆண்டவருக்காக எழுதியதை விட, தன்னை எதிர்ப்பவர்களை விமர்சித்து எழுதியவைகளே அதிகம். பகல் முழுவதும், இரவும் முழுவதும் கண்விழித்திருந்து தன் நியாயத்தை நிலைநாட்ட போராடிய நேரங்களே அதிகமாக இருந்தது. தன்னுடைய புகைப்படம் வெளியாக்கப்பட்ட ஒரே காரணத்தினால் ஒரு குறிப்பிட்ட பெந்தேகொஸ்தே பாஸ்டரை எதிர்க்கும் இவர், அவரை வேறு எந்த வகையிலும் அறிந்திராதவர், நானும் அவரை எதிர்க்கவேண்டுமென்று எதிர்பார்த்தார். 

வாச்மன் பிரதர்ஸ், தங்கள் விசுவாசத்தை தெளிவாக வெளியிட்டிருக்கிறார்கள். அதில் எந்த தவறும் நான் காணவில்லை. அப்படியிருக்க, அவர்களில் ஒருவரை எப்போதும் பிளாக் ஷீப் என்று கூறி விமர்சித்தாலும் அவர்கள் கண்டுகொள்வதில்லை. அவர்களை நானும் எதிர்க்கவேண்டுமென்று எதிர்பார்த்தார். நான் உடன்படாததால் என்னை விட்டு சிறிது சிறிதாக விலக ஆரம்பித்தார். 

இவர் தன்னை ஒரு பெந்தேகொஸ்தே பாஸ்டர் என்று தான் அறிமுகமாகியிருந்தார். இவரது சுயசரிதை புத்தகத்தில் பாஸ்டர் என்றுதான் தன் பெயரை எழுதியிருக்கிறார். இவர் காண்பித்த கன்வென்ஷன் நோட்டிசில் கூட பாஸ்டர் என்றுதான் எழுதப்பட்டிருந்தது. ஆனால் இவர் ஒட்டுமொத்த பெந்தேகொஸ்தே பாஸ்டர்களையும் தவறாக விமர்சித்தார். இது என் மனதை மிகவும் புண்படுத்தியது. 

பால் தினகரன் போன்றோர், ஏழைகளிடம் பல வித்தைகள் காண்பித்து காணிக்கை வாங்கி தங்கள் வாழ்வை மேம்படுத்திக்கொண்டு வாழ்வதை இவர் இப்போது ஆதரிக்கிறார். இவரது புகைப்படம் வெளியாகுமுன் புனை பெயரில் அவர்களை எதிர்த்தவர், இவரது புகைப்படம் முகநூலில் வெளியான பின் இப்படி செயல்படுவது, இவர்மேல் இருந்த நம்பகத்தன்மையை முற்றிலும் நீக்கிவிட்டது. 

ஏன் இப்படி முரண்படுகிறீர்கள் என்று கேள்விகேட்ட ஒரே காரணத்துக்காக என்னையும் பகைத்து, என் புகைப்படம் போட்டு என்னை விமர்சித்திருக்கிறார். இவர் நேர்மையாளராக இருந்திருந்தால் என் அனுமதி பெற்று என் புகைப்படம் வெளியிட்டிருக்கலாமே. அல்லது குறைந்தபட்சம் எனக்கு விளக்கமளித்து கருத்து எழுதவாவது அந்த பக்கத்தில் வாய்ப்பு தந்திருக்கலாம். 

என் புகைப்படத்தை பயன் படுத்துவதால் நான் ஒன்றும் குறைந்துபோகவில்லை. ஆனால் இவரது புகைப்படம் வெளியானபோது எப்படி குதித்தார் என்பது முகநூல் உலகம் அறியுமே. 

உண்மையில் நான் இவரை வெறுக்கவில்லை. என்னைப்பற்றி எழுந்த விமர்சனத்துக்கு பதிலாகவே இதை எழுதியுள்ளேன். என் இதயத்தில் யாரைக்குறித்தும் எந்த வெறுப்பும் கசப்பும் இல்லையென்பதை ஆண்டவர் மட்டுமே அறிவார்.

அறிக்கையின் பின்னணி...