Yauwana Janam

சிலர் நம்மை ஏற்கிறார்களோ இல்லையோ, அவர்களுடைய சிந்த்னையைத் தூண்டும் காரியங்களுக்கு நம்முடைய கருத்துக்கள் உதவியாக இருப்பது குறித்து அதிக மகிழ்ச்சி. அவர்கள் இதனை வெளிப்படையாக ஒப்புக்கொள்ளாவிட்டாலும் அவர்தம் மனசாட்சிக்கு இது நிச்சயமாகவே தெரிந்திருக்கும். அந்த வகையில் அவர்கள் அண்மையில் வெளியிட்டிருக்கும் கருத்தோவியம் (?) நிரம்பிய் குறிப்பிட்ட கட்டுரையானது அவர்களுடைய மனநிலைக்கும் உபதேசங்களுக்கும் ஒரு அடையாளமாக இருக்கிறது. இதற்கு எதிராக எவரும் எதையும் சொல்ல இயலாது என்பது அவர்களுடைய எண்ணமாகும். இப்படியே பலரை ஈர்த்து வஞ்சித்து சபையைக் குறித்த தாழ்வான அபிப்ராயத்தை தோற்றுவித்து தங்கள் விசுவாசத்தைக் குறித்தும் ஐயத்தைத் தூண்டி எப்படியாகிலும் சில்ரை ஆதாயப்படுத்த எல்லோருக்கும் எல்லாமுமான பவுலடிகளின் எதிரிகளான இவர்கள் ஒரு சிலரையாவது திருச்சபை ஐக்கியத்திலிருந்து பிரித்தெடுத்து தங்கள் பாபிலோனிய வேசிமார்க்க ஐக்கியத்துக்கு தள்ளிக்கொண்டு போக எத்தனிக்கிறார்கள். ஆம், அவர்களே பாபிலோனிய வேசியின் பிடியிலிருக்கும் கள்ளத் தீர்க்கதரிசிகளின் உபதேசத்தினால் மாசுபட்டிருப்பதனாலும் கறைபட்டுவிட்டதாலும் தங்கள் அழுக்காறு எனும் அழுக்கை மறைக்கவும் கீழ்ப்படியாமை எனும் முரட்டாட்டத்தை ஒளிக்கவும் ஐக்கியமில்லாமல் அலைந்துகொண்டிருக்கும் இந்த அபலைகள் கிறிஸ்துவின் சரீரமாகிய சபையைக் குறித்து பாபிலோனிய வேசியின் சபைகள் என்று கூறி ஓயாமல் சர்ச்சையைக் கிளப்பிக்கொண்டிருக்கிறார்கள். ( இதைக் குறித்து நாம் ஏற்கனவே அதிகமாகவே கண்டித்திருப்பதால் இப்போது அந்த வார்த்தையைத் தவிர்க்கிறார்கள். ) உதாரணமாக பழைய ஏற்பாட்டையும் அதிலுள்ள வாக்குத்தத்தங்களையும் கட்டளைகளையும் தீர்க்கதரிசனங்களையும் மறுதலித்து சபையானது புதிய ஏற்பாட்டின்படியே அமையும் என்பவர்கள், தங்கள் வசதிக்காக அவ்வப்போது இதுபோல பழைய ஏற்பாட்டின் புருஷர்களோடு தங்களை இணைத்துக்கொண்டு மனதை மயக்க முயற்சிக்கிறார்கள். எப்படியெனில் இவர்களை எதிர்ப்போரை காயீனாகவும் தங்களையோ ஆபேலாகவும் கற்பனை செய்துகொண்டு பொய்ப் போதகத்தைக் கற்பித்து வருகிறார்கள். இதன்படி சீடனை ஆபேலுக்கு ஒப்பாகவும் மதவாதியை காயீனாகவும் வர்ணித்திருக்கிறார்கள். இதிலுள்ள சூட்சமங்களை நாம் விளக்கும் முன்பதாக அந்த கட்டுரையின் முழுவிவரத்தையும் இங்கே தருகிறோம். அதன்பிறகு நாம் கொடுக்கும் பதிலடியானது இப்படியும் இருக்குமோ என்று உங்களை நிச்சயம் உங்களை யோசிக்கவைக்கும்வண்ணமாக இருக்கும் என்பது நிச்சயம். மதவாதியை எங்களுக்கு தெரியும், நீ யார் மதவாதியா, இல்லை மிதவாதியா என்பதே இப்போது எழும் கேள்வியாகும். நீ உன்னை கிறிஸ்துவின் சீஷன் என்று சொல்லிக்கொள்ளும் தைரியம் உனக்கு நிச்சயம் இருக்காது. ஏனெனில் நீ ஒரு ரெண்டுகெட்டான் அலல்வா ? நீ மதவாதியாக இருக்கிறாயோ இல்லையோ நிச்சயம் கிறிஸ்துவின் சீடனாக இல்லையென்பதை இதோ நிரூபிக்கப்போகிறோம்.

இனி..........

இயேசுவை வழிபடுவதோடு நிறுத்திக்கொள்ளுகிறவன் மதவாதி, இயேசுவை வழிபடுவதோடு அவருக்கு கீழ்ப்படிந்து அவரை பின்பற்றுபவன் சீஷன். உலகத்தார் பார்வையில் இவர்கள் இருவருமே கிறிஸ்தவர்கள். தேவன் பார்வையிலே இவர்கள் நேர் எதிரானவர்கள். மதவாதி காயீனின் வம்சத்தான், சீஷன் ஆபேலின் வம்சத்தான். இருவர் மார்க்கமும் எதிரெதிர் துருவங்கள்..நாம் இதில் யாராக இருக்கிறோம்???

பல ஆயிரம்பேர் கூடிவந்தாலும் மதவாதிகளின் கூடுகை சபையல்ல, சிலர் கூடினாலும் சீஷர்களின் ஐக்கியமே சபை.

மதவாதிகளின் பிரசங்கம் புளித்தமாவு, அது இம்மைக்குரியவைகளைச் சுற்றியே இருக்கும். சீஷர்களின் பிரசங்கம் ஜீவவிருட்சம். அது இயேசுவைச் சுற்றியே இருக்கும்.

மதவாதி உலகத்தோடு ஒத்துப்போய் அதன் மேன்மைகளை அநுபவிக்கிறவன், சீஷனோ எல்லோராலும் தவறாக புரிந்துகொள்ளப்பட்டு உபத்திரவப்படுபவன்.

இருவர் சேர்ந்திருந்தால்கூட மதவாதிகளிடத்தில் அன்பும் ஐக்கியமும் இருக்காது, இருநூறுபேர் கூடிவாழ்ந்தாலும் சீஷர்களிடத்தில் போட்டிபொறாமையும் மாய்மாலமும் இருக்காது.

மதவாதி மற்றவர்களை கட்டுப்படுத்தி அவர்களை வழிநடத்த  முயல்வான், சீஷன் தன்னைத்தானே எல்லோருக்கும் அடிமையாக்கி தொண்டு செய்வான்.

மதவாதி ஊருக்கெல்லாம் உபதேசம் செய்வான், சொந்தக் குடும்பத்தில் சாட்சி இருக்காது, சீஷனோ தனது சாட்சியை குடும்பத்திலிருந்து ஆரம்பிக்கிறான்.

மதவாதி மனிதர்களால் தோற்றுவிக்கப்பட்ட சபைப்பிரிவுகளுக்காக  வைராக்கியம் பாராட்டுவான். சீஷன் கிறிஸ்துவின்  மணவாட்டி சபைக்காக வைராக்கியம் பாராட்டுவான்.

மதவாதி தரித்திரரையும் திக்கற்றவர்களையும் தூரத்தில் நிறுத்திவைப்பான், சீஷன் திக்கற்றவர்களுக்கும் தரித்திரருக்கும் செய்யும் சேவையை தேவனுக்கே செய்யும் ஊழியம் என்பான்.

மதவாதி ஆசீர்வாதங்களை எதிர்பார்த்து கொடுப்பவன், சீஷன் கொடுப்பதையே ஆசீர்வாதமாக நினைப்பவன்.

மதவாதி தனது இச்சைக்கேற்றபடி தேவனை வளைக்க நினைப்பவன், சீஷனோ தேவசித்தத்துக்கு ஏற்றார்போல  தன்னை வளைத்துக் கொள்பவன்.

மதவாதி மனிதரிடம் கற்பவன், அவன் செய்யும் பிரசங்கங்களையும் பேச்சுகளையும் வைத்தே அவன் சபைப்பிரிவை கண்டுபிடித்துவிடலாம். சீஷனோ ஆவியானவரிடம் கற்பவன், அவன் பேசுவது எப்போதுமே புதிதாக இருக்கும்.

மதவாதி அந்தரங்கத்திலும் வெளியரங்கத்திலும் இரட்டை வாழ்க்கை வாழ்பவன். சீஷனோ எலியாவைப்போல எப்போதும் தேவனுடைய முகத்துக்கு முன்பாக நிற்கிறவன்.

மதவாதி பாவத்தை நேசிப்பான் பாவிகளை வெறுப்பான், சீஷன் பாவத்தை வெறுப்பான் பாவிகளையோ கிறிஸ்துவைப்போல நேசிப்பான்.

மதவாதிகளுக்கு பக்தி என்பது நிகழ்ச்சிகள்  நடத்துவதும் அவற்றில் பங்கு பெறுவதும், சீஷனுக்கு பக்தி என்பது அனுதின வாழ்வு.

மதவாதியின் பக்தி அவனுக்கு மனமேட்டிமையை கொண்டுவரும், சீஷனின் ஞானம் அவனுக்கு மனத்தாழ்மையை கொண்டுவரும்.

மதவாதியின் தொழுகை சடங்கு, சீஷனின் தொழுகை ஜீவபலி.

மதவாதி தன் மார்க்கத்துக்காக கொலை செய்வான், சீஷன் தன் சகோதரருக்காக ஜீவனைக் கொடுப்பான்.

மதவாதி செய்யும் ஊழியம் மதமாற்றமே. இடுக்கமான வாசல் வழியாக நுழைந்த சீஷன் செய்யும் ஊழியமோ "சீஷராக்குதல்".

மதவாதி சிலுவையை அணிகிறவன், சீஷன் சிலுவையை சுமக்கிறவன்.

மதவாதி இரண்டத்தனையான நரகத்தின் மகன், சீஷனோ இரட்டிப்பான நன்மைக்கு சொந்தக்காரன்.

இயேசுவின் சீஷர்களுக்கு இம்மையில் உலகத்தோடு பங்கில்லை, மதவாதிகளுக்கு மறுமையில் இயேசுவோடு பங்கில்லை. நீங்கள் மதவாதியா? சீஷரா?

-வாட்ச்மென்