Yauwana Janam

sjchristopher wrote:

---

”என் பரிசுத்தநாளாகிய ஓய்வுநாளிலே உனக்கு இஷ்டமானதைச் செய்யாதபடி, உன் காலை விலக்கி, உன்வழிகளின்படி, நடவாமலும், உனக்கு இஷ்டமானதைச் செய்யாமலும், உன் சொந்தப்பேச்சைப் பேசாமலிருந்து, ஓய்வுநாளை மனமகிழ்ச்சியின் நாளென்றும், கர்த்தருடைய பரிசுத்த நாளை மகிமையுள்ள நாளென்றும் சொல்லி, அதை மகிமையாக எண்ணுவாயானால்...” (ஏசாயா 58:13)

இதன் படி பார்த்தால் நாம் அந்த ஓய்வுநாளில் நமக்கு இஷ்டமான காரியங்கள் எதுவும் செய்ய கூடாது. (கறி சாப்பாடு கூட நமது இஷ்டமே).

ஆனால் அதில் சொல்லப்பட்ட பிரகாரம்

"கர்த்தருடைய பரிசுத்த நாளை மகிமையுள்ள நாளென்றும் சொல்லி, அதை மகிமையாக எண்ணுவாயானால்..." கண்டிப்பாக மகிமையாக எண்ணிக்கொள்ள வேண்டும்.

இது ஒரு நாள் என்று சொல்வதால், வெறுமனே ஆலயத்திற்கு போய் வரும் 2-4 மணி நேரம் மட்டுமே என்று எண்ணி கொள்ள கூடாது.

"மனுஷகுமாரன் ஓய்வுநாளுக்கும் ஆண்டவராய் இருக்கிறார் என்றார்"- மத்தேயு 12:8

இதிலிருந்து அவர் எல்லா நாட்களுக்குமே ஆண்டவராக இருக்கிறார் என்று சொல்லி இருபது தெரிகிறது. அதனால் எல்லா நாட்களிலும் அவரை நினைத்து அதனை கர்த்தர் கொடுத்த நாள் என்று மகிமையாய் எண்ணி அவரை போற்றினால் போதும்.

நான் எந்த நாட்களில் முகூர்த்தம் வெய்தாலும் கண்டிப்பாக கலந்து கொள்வேன். ஆராதனையும் முக்கியம். எனவே காலை முடியவில்லை என்றால் மாலை ஆராதனையாவது கலந்துகொள்வேன்.

தான் கண்ட சகோதரனிடத்தில் அன்புகூராமலிருக்கிறவன், தான் காணாத தேவனிடத்தில் எப்படி அன்புகூருவான்? - 1யோவான் 4:20

ஏதேனும் கருத்து பிழை இருந்ததால் மன்னிக்கவும்.

---

 நண்பரே,

கருத்து பிழையோ பிழையான கருத்தோ எதுவாக இருந்தாலும் உங்களைப் போன்ற நண்பர்கள் வெளிப்படையாக தத்தமது கருத்துக்களைப் பகிர்வதே ஆரோக்கியமான விஷயம் தான். ஆனாலும் தாங்கள் வெளியிட்டுள்ள கருத்தில் ஒரு தெளிவு கிடைக்காதது போலிருக்கிறது.

ஞாயிற்றுக்கிழமை அல்லது வாரத்தின் முதலாம் நாள் என்பது பழைய ஏற்பாட்டின் பிரமாணமான ஓய்வுநாள் அல்ல என்பதை முதலில் மனதில் தீர்மானித்துக்கொள்ளுங்கள். அடுத்தது ஒரு வாரத்தின் ஏழு நாளை உங்களுக்காகக் கொடுத்த ஆண்டவருக்காக ஒரு நாளை உங்களால் முழுவதுமாக செலவிட முடிகிறதா என்று பாருங்கள்.அந்த நாளில் சொந்த அலுவல்களைப் பார்ப்பது வேதத்தின்படி அதாவ்து நியாயப்பிரமாணத்தின்படியும் சுயாதீனப் பிரமாணத்தின்படியும் சரியாக இருக்குமா என்றும் பாருங்கள்.

ஏனெனில் உங்களுடைய கருத்தின்படி ஒரு நண்பன் அல்லது சகோதரனுடைய விருப்பத்தைப் பூர்த்தி செய்வதும் அவரை நேசித்து இறைவனை சந்தோஷப்படுத்துவதும் சரியே. ஆனாலும் அது முழுவதுமே ஆண்டவருக்கு ஏற்புடையதாக இருக்குமா என்பதே யோசிக்க வேண்டும். நண்பனோடு கடற்கரைக்கு செல்லுவது தவறல்ல, ஆனால் அங்கு சென்று என்ன செய்கிறோம் என்பதே. நண்பனோடு சினிமாவுக்கு செல்லுவது அதிலும் ஞாயிற்றுக்கிழமையன்று செல்லுவது சரியா ?

இப்படியே திருமணத்தின்போது இறைவனுடைய பிரசன்னத்திலேயே நாம் நிற்கிறோம் என்பதால் அது ஞாயிற்றுக்கிழமையாக இருந்தால் இன்னும் சிறப்பாக இருக்கும் என்று சிலர் வாதிடலாம். ஆனால் முன்னோர்கள் வகுத்த நெறியின்படியும் நம்முடைய விசுவாசத்தின்படியும் மனசாட்சி பிரமாணத்தின்படியும் அது சரியாக இருக்குமா என்று யோசியுங்கள். ஞாயிற்றுக்கிழமை என்பதை- அது அரசாங்கமே கொடுத்துள்ள ஓய்வுநாள் என்பதால் அந்த நாளை தியாகத்துடன் தேவகாரியங்களில் மட்டுமே செலவிடவும் குடும்பத்துடன் ஓய்வெடுக்கவும் மட்டுமே பயன்படுத்தினால் என்ன என்பதே நம்முடைய கேள்வி.