Yauwana Janam

அன்பு நண்பர் ஜான் அவர்களே, 

//சகோதரரே நல்லமேய்ப்பன் பேதுரு என்கிறீர்களா??//

பேதுரு நல்ல மேய்ப்பன் இல்லையா? ஒரு கெட்ட மேய்ப்பனிடத்தில் தேவன் தம் ஆடுகளை கொடுக்கமாட்டார்.

//லூக்கா 6:40 சீஷன் தன் குருவுக்கு மேற்பட்டவனல்ல, தேறினவன் எவனும் தன் குருவைப்போலிருப்பான்.//

பேதுரு தேரினவன் என்று தான் நான் விளக்க முற்பட்டுள்ளேன். 

//நமக்கு கர்த்தரின் நாமம் தான் தரிக்கபடுமே தவிர வேறெந்த மேய்ப்பனின் நாமமும் அல்ல// 

உண்மையே. இந்த உலகில் இருக்கும் வரை நமக்கு ஆவிக்குரிய மேய்ப்பர்கள் அவசியம் என்று தான் இந்த சம்பவத்தில் இருந்து புரிந்துகொள்ள வேண்டும். இயேசுவே எங்கள் மேய்ப்பர் அதனால் என் சபை போதகரோ, மூப்பரோ என்னிலும் மேற்பட்டவர் அல்ல என்று நினைப்பதே இன்று பல பிரச்சனைக்கும் காரணம். 

//பேதுருவிற்கு கர்த்தர் காட்சி அளிக்கும் முன்புவரை கர்த்தர் உயிர்த்தார் என அவர் விசுவாசிதிருந்தாரா? வேத ஆதாரம் தாருங்கள்.//.

முதல் தரிசனம் வரை அறியாதிருந்தார் -->  யோவான் 20: 9 

யோவான் 21இல் நடந்த சம்பவம் மூன்றாவது தரிசனம். 

//இப்போது பேதுருவிற்க்கும், மற்ற சிஷருக்கும் என்னவாயிற்று..உணவிற்காக கடலை சார்ந்துகொள்ளுங்கள் என தேவன் கட்டளை இடவில்லையே.. சுவிஷேத்தை பிரசங்கித்து தேவ சித்தம் செய்யாமல் உணவை இரவு வேலையில் தேடி ஜீவனை வளர்க்க நம் கர்த்தராகிய இயேசு அவர்களை பழக்கு வித்தாரா.//

ஆமாம், சுவிசேஷம் சொல்ல வேண்டியது தேவ சித்தம், பசிக்கு உணவு தேடுவது தேவன் மனிதனுக்கு தந்திருக்கும் வடிவமைப்பு. சுவர் இருந்தாலே சித்திரம் வரைய முடியும்.

இதன் மூலம் நாம் புரிந்து கொள்ள வேண்டியது "அப்போ. பவுலும் பின் வாங்கிப் போனவர் தான்". ஏனென்றால் பவுலும் திடீர் திடீரென அவர் தொழிலுக்கு திரும்பிசென்று விடுகிறார்.

1 தெசோ 2:9 சகோதரரே, நாங்கள் பட்ட பிரயாசமும் வருத்தமும் உங்களுக்கு ஞாபகமாயிருக்கும்; உங்களில் ஒருவனுக்கும் பாரமாயிராதபடிக்கு, இரவும் பகலும் நாங்கள் வேலைசெய்து, தேவனுடைய சுவிசேஷத்தை உங்களிடத்தில் பிரசங்கித்தோம். 

2தெசோ3:7-8 இன்னவிதமாய் எங்களைப் பின்பற்ற வேண்டுமென்று நீங்கள் அறிந்திருக்கிறீர்களே; நாங்கள் உங்களுக்குள்ளே ஒழுங்கற்று நடவாமலும், 8ஒருவனிடத்திலும் இலவசமாய்ச் சாப்பிடாமலும், உங்களில் ஒருவனுக்கும் பாரமாயிராதபடிக்கு இரவும் பகலும் பிரயாசத்தோடும் வருத்தத்தோடும் வேலைசெய்து சாப்பிட்டோம்.

அப்போ 20:34,35 நீங்கள் அறிந்திருக்கிறபடி, எனக்கும் என்னுடனேகூட இருந்தவர்களுக்கும் வேண்டியவைகளுக்காக இந்தக் கைகளே வேலைசெய்தது. இப்படிப் பிரயாசப்பட்டு, பலவீனரைத் தாங்கவும், வாங்குகிறதைப்பார்க்கிலும் கொடுக்கிறதே பாக்கியம் என்று கர்த்தராகிய இயேசு சொன்ன வார்த்தைகளை நினைக்கவும் வேண்டுமென்று எல்லா விதத்திலேயும் உங்களுக்குக் காண்பித்தேன் என்றான்.

//ஆடு மேய்த்து கொண்டிருந்த தாவீது கர்த்தரால் ராஜாவாய் அபிஷேகம் பண்ணப்பட்டார். தாவீது ராஜ்யபாரம் கையில் கிடைக்கும் வரைக்கும் சவுலுக்கு மறைந்து வனாந்திரத்தில் ஆடு மேய்த்து கொண்டிருக்கவில்லை.//

தாவீது அபிஷேகம் பண்ணப்பட்ட பின்னர் ஆடு தான் மேயத்தார்.

அபிஷேகம் பண்ணப்பட்டார்:

1 சாமு 16:13அப்பொழுது சாமுவேல்: தைலக்கொம்பை எடுத்து, அவனை அவன் சகோதரர் நடுவிலே அபிஷேகம்பண்ணினான்; அந்நாள்முதற்கொண்டு, கர்த்தருடைய ஆவியானவர் தாவீதின்மேல் வந்து இறங்கியிருந்தார்

சவுலுக்கு ஆயுததாரி ஆனார்:

 1 சாமு 16: 21 தாவீது சவுலிடத்தில் வந்து, அவனுக்கு முன்பாக நின்றான்; அவன் இவனை மிகவும் சிநேகித்தான்; அவனுக்கு இவன் ஆயுததாரியானான்

மீண்டும் ஆடு மேயத்தார்:

1 சாமுவேல் 17:15 தாவீது சவுலைவிட்டுத் திரும்பிப் போய் பெத்லெகேமிலிருக்கிற தன் தகப்பனுடைய ஆடுகளை மேய்த்துக்கொண்டிருந்தான்

//சகோதரரே அப்போஸ்தலர்களில் தலைவன் என்று ஒருவர் இல்லை என்பதை அறிவீர்களாக ..//

நான் அப்போ. பேதுருவை பிரதான அப்போஸ்தலர் என்று சொல்லவில்லை. முதன்மையானவர் என்றே குறிப்பிட்டுள்ளேன். அப்போச்தலருக்குள் மிகுந்த மரியதைகுரியவராய் விளங்கியதை வேதத்தில் நாம் காணலாம். 

அவரே சபையில் பல காரியங்களுக்கு முன்னோடி என்ற கண்ணோட்டத்தில் தான் அப்படி குறிப்பிட்டேன். 

நீங்கள் கேட்பது "இயேசு தெய்வமே" என்று எழுதி இருக்கும் ஒரு வசனத்தை காட்டுங்கள் என்பது போல இருக்கிறது. இயேசு தெய்வம் என்பதை நாம் பல வசன்களில் உள்ள கருத்துகளிக் கொண்டும், அவரால் செயப்பட்ட காரியங்களை  வைத்தும் நிதாநிக்கிறோம்.

அதுபோலவே, கீழ்க்கண்ட வசனங்களை சிரமம் பாராமல் ஜெபத்தொடு ஆராய்ந்து பாருங்கள்.

அப்போ 1:13 - மேல் வீட்டில் இருந்தவர்களின் பட்டியலில் பேதுருவுக்கே முதல் இடம்.

அப்போ 1:15 -யூதாஸின் இடத்தில் மற்றொரு சீஷனை தேர்ந்தெடுக்க பேதுருவே எழுந்து நின்று பேசுகிறார். ஒருவரும் அவரை எதிர்த்து பேச துணியவில்லை.

அப்போ 2:14 - பரிசுத்த ஆவியை பெற்ற பிறகு சுவிசேஷத்தை பிரசங்கம் செய்த முதல் அப்போச்த்தலர் பேதுருவே.

அப்போ 2:38 -சபையில் பாவ மன்னிப்பை குறித்தும், ஞான ஸ்நானத்தை குறித்தும் பிரசங்கித்த முதல் அப்போச்த்தலர் பேதுருவே.

அப்போ 3:1,3,4 - ஜெப ஆலயத்துக்கு சென்ற சம்பவத்தில் சொல்லப்பட்ட முதல் அப்போச்த்தலர் பேதுருவே..

அப்போ 3:6-7 - சபை ஸ்தாபிக்கப்பட்ட பின் முதல் சுகமாக்கும் அற்புதம் செய்தவர் அப்போச்த்தலர் பேதுருவே..

அப்போ 3:12-26, 4:8-12 - ஆதி சபைக்கு கிறிஸ்துவினால் உண்டாகும் சுகத்தையும், பாவ மன்னிப்பையும் பிர்சங்கித்தவர் அப்போச்த்தலர் பேதுருவே.

அப்போ 5:3 - பரிசுத்த ஆவிக்கு விரோதமாய் செயல்பட்டவர்களை கண்டித்த முதல் அப்போச்த்தலர் பேதுருவே..

அப்போ 5:15 - பேதுருவின் நிழலாகிலும் சுகம் ஆக்குமா என்ற எதிப்பார்ப்ப்பு இவர் வாழ்க்கையில் நடந்தது வேறு எந்த அப்போச்தலருக்கும் இந்த கனம் கொடுக்கப்படவில்லை.

அப்போ 8:14 -  சபையின் முதல் திடப்படுத்துதல் இவர் மூலமே நடந்தது.

அப்போ 9:38-40 - மரிதவரை எழும்பப் பண்ணின முதல் அப்போஸ்தலர்..

அப்போ 10:5 - தரிசனம் கண்ட முதல் அப்போச்தலன்.

அப்போ 10:34-48, 11:1-18 - புற ஜாதிக்கு சுவிசேஷம் பிரசங்கித்த முதல் அப்போச்த்தலன்

அப்போ 12:5 -முழு சபையும் அவனுக்காக வேண்டுகிறது 

அப்போ12:6-11 - அதிசபையில் தூதர்கள் இடைப்பட்ட முதல் மனிதன்

அப்போ 15:7-12 - விருத்த சேதனம் குறித்த சர்ச்சையை முடிவுக்கு கொண்டு வந்தவன். ஒருவரும் இவனை எதிர்த்து பேசவில்லை.

அப்போ 15:13-14 - யாக்கோபு பேதுருவின் கருத்தை வலியுறுத்துகிறார்.

1 கொரி. 9:5 – கேபா என்பது பேதுருவை குறிக்கிறது. மற்ற அப்போச்தலரிலும் வித்த்யாசப்படுத்தி பவுல் குறிப்பிடுகிறார்..

1 கொரி 15:4-8 - இயேசு தரிசனம் கொடுத்த முதல் அப்போச்த்தலர்.

மத்தே. 23:11; மாற்கு 9:35; 10:44 - எல்லோரிலும் பெரியவனாய் இருந்தவன் எல்லோருக்கும் ஊழியகாரனாய் இருந்தான். 

//பின்மாற்றத்திற்க்கு முன்குரிக்கப்பட்டவர்கள் பின்மாற்றதிற்க்கு திரும்பும் போது தேவன் இடைபடுகிறதில்லை..இதுவே இதுவே இந்த இரண்டாம் கட்டுரையின் சாராம்ச//

பின்மாற்றத்திற்கு தேவன் யாரையும் முன் குறிப்பாரா? இந்த தலைப்பில் உங்களிடம் இருந்து ஒரு கட்டுரை எதிர்பார்க்கிறேன். :)

அன்புடன், 

உங்கள் சகோதரன், உடன் வேலையாள் 

-- Edited by Rajan In Christ on Thursday 1st of March 2012 06:00:03 PM

அன்பு நண்பர் ஜாண் அவர்களுக்கு,

இந்த சம்பவத்தை பலரும்"பேதுருவின் பின்வாங்கிப் போன நிலை" என்றே வியாக்கியானம் செய்கின்றனர். எனக்கு இது குறித்து பல காலமாகவே வருத்தம் உண்டு. 

குறிப்பாக பரி.யோவான் எழுதின சுவிசேஷத்தில் நாம் கருத்தில் கொள்ள வேண்டிய சில காரியங்கள் உண்டு.

• இது யோவானால் எழுதப்பட்டிருந்தாலும் , பேதுருவுக்கு அதிக முக்கியத்துவம் இருப்பதை நாம் காணலாம். ஆகவே தான் பேதுரு இயேசுவானவரோடு கூட செய்த பல உரையாடல்கள் இதில் இடம் பெற்றுள்ளது. (யோவான் 6:66-69, 13:6-37, 18:10-27, 20:2-10, 21:2-22) . இதன் மூலம் அப்போஸ்தலரின் தலைவன் என்று எண்ணப்பட்ட பேதுருவின் தகுதியை தம் வாசகருக்கு சொல்ல முற்படுகிறார்.
• இந்த சுவிசேஷம் கி.பி 96 - 100 ஆம் ஆண்டுக்குள் எழுதப்பட்டிருக்கலாம். எழுதப்பட்ட வருடம் நமக்கு குறிப்பாக தெரியாத போதும், பேதுரு இரத்த சாட்சியாய் மரித்த பிறகு தான் எழுதப்பட்டிருக்க வேண்டும்.

எதற்கு?

இந்த சம்பவம் எதற்காக யோவானால் எழுதப்பட்டது என்று ஆராய்ந்தால், (யோவான் 21:1,14) இன் படி இயேசு சீஷர்களுக்கு தம்மை உயிரோடிருக்கிறவராக கான்பித்ததை தம் வாசகருக்கு யோவான் அறிய தருகிறார்.  இதன் மூலம் இதை வாசிப்போர் இயேசு உயிரோடு இருப்பதை விசுவாசிக்க ஆதாரமாக அமைகிறது. 

எழுதப்பட்டதன் காரணம்:

இயேசுவானவர் உயிர் தெழுந்த பின் செய்த அநேக அடையாளங்கள், அற்புதங்களை யோவான் சொல்ல முற்படும் போது  இந்த சம்பவம் எழுதப்படுகிறது. யோவானுடைய பார்வையில் இது இயேசுவால் செய்யப்பட்ட அற்புதம் என்று எண்ணப்படுகிறது. பேதுருவின் பின் வாங்கி போன நிலை என்று எண்ணப்படவில்லை. 

(யோவான் 20:30)இந்தப் புஸ்தகத்தில் எழுதியிராத வேறு அநேக அற்புதங்களையும் இயேசு தமது சீஷருக்கு முன்பாகச் செய்தார். 

(யோவான் 21:25)இயேசு செய்த வேறு அநேக காரியங்களுமுண்டு; அவைகளை ஒவ்வொன்றாக எழுதினால் எழுதப்படும் புஸ்தகங்கள் உலகம் கொள்ளாதென்று எண்ணுகிறேன்.

அங்கே என்ன நடந்தது?

தங்களுடைய தொழிலை விடுத்து இயேசுவினுடைய வார்த்தைக்குக் கீழ்படிந்து அவருக்குப் பின் சென்ற சீஷர்கள் அவர் சிலுவையில் மரித்து உயிர்தெழுந்த பின் கூடிவருகின்றனர். இதன் மூலம் யோவானோடு இடைபட்ட பரிசுத்த ஆவியானவர் கிறிஸ்து தங்களிடமிருந்து எடுத்துக் கொள்ளப்பட்ட பின்னரும் சீஷர்கள் சிதறுண்டு செல்லாமல் ஒருவரை ஒருவர் சார்ந்து இணைந்து இருந்ததை நமக்கு அறியத் தருகிறார்.

(யோவான் 21:2) சீமோன்பேதுருவும், திதிமு என்னப்பட்ட தோமாவும், கலிலேயா நாட்டிலுள்ள கானா ஊரானாகிய நாத்தான்வேலும், செபெதேயுவின் குமாரரும், அவருடைய சீஷரில் வேறு இரண்டுபேரும் கூடியிருக்கும்போது 

இயேசு அவர்களுடன் இருந்த வரையில் தங்கள் போஜனத்திற்கு அவரையே சார்ந்து இருந்தார்கள். ஒரு குறைவும் இல்லாமல் நம் நல்ல மேய்ப்பர் அவர்களை நடத்தினார். இப்போதோ அவர் தங்களிடம் இருந்து எடுத்துக் கொள்ளப்பட்டதால் மிகுந்த பசியினால் வாடி இருக்க வேண்டும். ஏனென்றால் போஜனம் வாங்கவோ தயார் செய்யவோ தங்களிடம் எந்த ஆதாரமும் இல்லாத நிலை. அவர்கள் தங்கள் தொழிலை விடுத்து வந்துவிட்டனரே! 

தம்மோடு இருக்கும் சகோதரர்களின் உள்ளம் அறிந்த பேதுரு "மீன் பிடிக்க போகிறேன்" என்றான். இரவு வேளையில் மீன் பிடிக்க தனியே செல்ல துணிவது தம் சகோதரர் மீது கொண்டிருக்கும் அன்பை வெளிக்காட்டுகிறது. இது ஒரு நல்ல மேய்ப்பனுக்கான தகுதி.

"மீன் பிடிக்க போகிறேன்" என்று பேதுரு சொன்னதுமே மற்ற அனைவரும் "நாங்களும் உம்முடனேகூட வருகிறோம் என்றார்கள்". இதில் பலருக்கு மீன் பிடிக்கும் அனுபவம் இல்லாதிருக்கலாம். இரவு வேளையில் ஒரு முறையேனும் கடலுக்கு செல்லாதவர்கள் இருந்திருக்கலாம். பேதுரு மீன் பிடித்து கொண்டு வருவார் நாம் அனைவரும் உட்கார்ந்து சாப்பிடலாம் என்று நினைக்காமல், தங்கள் இயலாமையை தள்ளிவிட்டு அவனுக்கு உதவ முன் வந்த மற்ற சகோதர்கள் ஒற்றுமைக்கு சிறந்த எடுத்துக்காட்டு. 

சீஷர்க்ளின் இந்த அன்பும், ஒற்றுமையும் தேவனின் உள்ளத்தை சந்தோஷத்தால் நிறைத்திருக்குமே! 

தேவன் அவர்களை உலகமெங்கும் சென்று இந்த நற்செய்தியை அறிவிக்க தெரிந்து கொண்டிருந்தாலும், பரிசுத்த ஆவி அவர்களிடத்தில் வர காத்திருக்கச் சொல்கிறார். இயேசுவும் பரிசுத்த ஆவியினால் நிரப்படும் வரை தம் தந்தையின் தொழிலை செய்தார். 

(அப்போ 1:4,5) அன்றியும், அவர் அவர்களுடனே கூடிவந்திருக்கும்போது, அவர்களை நோக்கி: யோவான் ஜலத்தினாலே ஞானஸ்நானங் கொடுத்தான்; நீங்கள் சில நாளுக்குள்ளே பரிசுத்தஆவியினாலே ஞானஸ்நானம் பெறுவீர்கள்.ஆகையால் நீங்கள் எருசலேமை விட்டுப் போகாமல் என்னிடத்தில் கேள்விப்பட்ட பிதாவின் வாக்குத்தத்தம் நிறைவேறக் காத்திருங்கள் என்று கட்டளையிட்டார்.

ஆகவே நாம் பேதுரு அழைக்கப்பட்ட நோக்கத்தை மறந்து தன் தொழிலுக்கு சென்றதாக சொல்ல முடியுமா? பேதுரு தன் பசியையும் தன் சகோதரரின் பசியையும் ஆற்ற முயல்கிறார். இதை உணர்ந்த நம் ஆண்டவர் அவர்களிடம் வந்து சொன்ன வார்த்தைகளை மட்டும் கவனியுங்கள் 

5. பிள்ளைகளே, புசிக்கிறதற்கு ஏதாகிலும் உங்களிடத்தில் உண்டா

6. நீங்கள் படவுக்கு வலதுபுறமாக வலையைப் போடுங்கள், அப்பொழுது உங்களுக்கு அகப்படும்

தேவனும் அவர்கள் முயற்ச்சியில் இணைந்து கொண்டு உதவுகிறார். இது ஒற்றுமையின் உன்னத நிலையை உணர்த்துகிறது. நாம் ஒன்றுபட்டால் தேவனும் நம்மோடு இணைந்து செயல்படுவார் என்பது நிச்சயம்.

10. நீங்கள் இப்பொழுது பிடித்த மீன்களில் சிலவற்றைக் கொண்டுவாருங்கள்

11. "வாருங்கள், போஜனம்பண்ணுங்கள்"

தம் சீஷர்களின் தேவையை அறிந்த தேவன் அவர்களுக்கு நல்ல போஜனம் கொடுத்து மகிழ பண்ணுகிறார்.

பேதுரு ஒரு நல்ல மேய்ப்பன்,

அவர்கள் போஜனம் பண்ணின பின்பு, இயேசு பேதுருவை நோக்கி "என் ஆடுகளை மேய்ப்பாயாக" என்று சொல்கிறார். ஏன், ஆண்டவர் இந்த அன்பின் கட்டளையை இந்த சூழலில் பேதுருவிடம் சொல்ல வேண்டும்?

தன் சகோதரரின் தேவை அறிந்து துயர் துடைக்கும் உள்ளம் தேவனை கவர்ந்திருக்க வேண்டும். ஆகவே தான் "மேய்ப்பன்" என்ற உன்னத ஸ்தானம் பேதுருவுக்குக் கொடுக்கப்பட்டது. பின் வாங்கிப் போனவனிடத்தில் அல்ல சகோதரருக்காக தன்னையே தந்தவனுக்கு கிடைக்கப்பட்ட அழைப்பை யோவான் வருணித்துக் கூறுகிறார். 

இதை யோவான் எழுதும் போது பேதுரு மரித்து இருக்கலாம். ஆனால் அப்போஸ்தலரில் பெரியவராக எண்ணப்படும் பேதுரு தேவனால் அந்த பட்டத்துக்கு அழைக்கப்பட்ட விதத்தையும், நல்ல மேய்ப்பனான பேதுருவின் தன்மைகளையும் நமக்கு அறிய தருகிறார்.

பரிசுத்த ஆவியை பெற்ற பிறகு இந்த அழைப்பை பேதுரு நிறைவேற்றியதை இந்த உலகமே அறியும். "நல்ல மேய்ப்பன் தன் ஆடுகளுக்காக ஜீவனை கொடுக்கிறான்"

அருமை சகோதரர் ஜாண்12 அவர்களின் நல்லதொரு பதிவுக்காக நன்றி.தாங்கள் தமிழில் எழுத ஏதேனும் பிரச்சினை இருக்குமானால் பின்வரும் லிங்கிலிருந்து ஒரு மென்பொருளை தரவிறக்கி அதனை உங்கள் கணிணியில் அமைத்துக்கொண்டு அதன்மூலம் நேரடியாக தமிழில் எழுதலாம்,முயற்சிக்கவும்.அடுத்தும் ஒரு ஆலோசனை நீங்கள் எழுதும் கட்டுரைகளுக்கு தொடர்புள்ள குறிச்சொற்களை சுமார் மூன்றாகிலும் அமைக்கவும்.இதனால் நாம் பிறிதொரு சமயத்தில் சம்பந்தப்பட்ட கட்டுரையை எளிதாக எடுத்துக்கொள்ளலாம்.

குறிப்பு:தங்கள் கட்டுரையை அமைப்பும் (Justify) அளவும் (font size) மாத்திரம் மாற்றியிருக்கிறேன்.