Yauwana Janam

எச்சரிக்கை: இது தமிழ் கிறிஸ்தவ தளத்தில் பதிக்கப்பட்டது.

நம்முடைய சமுதாயத்தில் பல்வேறுபட்ட கலாச்சார மக்கள் வாழுகின்றனர்;அவர்களுடைய விசேஷ தினங்களுக்கு நாம் வாழ்த்து கூறுவதும் நம்முடைய விசேஷ தினங்களுக்கு வாழ்த்துகூறுவதும் ஒருவித நாகரீகமாகும்; ஆனால் பரிசுத்த வேதாகமத்திலிருந்து மாத்திரமல்ல, நம்முடைய வேர்களிலிருந்தும் ஆதாரத்துடன் கொண்டாடப்படும் ஒரு பண்டிகைக்கு நாம் அந்நியராக இருப்பது வருத்தமளிக்கிறது;அதில் இணையாவிட்டாலும், அறிந்துகொள்ள முயற்சிக்காவிட்டாலும் வாழ்த்துகூறும் பெரிய மனதுகூட இல்லாத கிறிஸ்தவர்களை நினைத்தால் கவலையாக இருக்கிறது.

அந்த அளவுக்கு யூத எதிர்ப்புணர்வு உரோம சாம்ராஜ்யத்தால் உண்டாக்கப்பட்டு அவர்களுடைய இரத்தத்தில் கலந்திருக்கிறது; யூதர்கள் இயேசுகிறிஸ்துவை சிலுவையில் அறைந்து கொன்றவர்கள் என்ற கசப்பு நம்மிடையே மறையும்வரை நமக்கும் மன்னிப்பே இல்லை..!

"எருசலேமின் சமாதானத்துக்காக வேண்டிக்கொள்ளுங்கள்; உன்னை நேசிக்கிறவர்கள் சுகித்திருப்பார்களாக." (எரேமியா.122:6)

Chill Sam ‎

Arputharaj Samuel // கிறிஸ்துவைக் கொண்டாடாமல் யூதருடைய பண்டிகைகளைக் கொண்டாடிதான் என்ன பிரயோஜனம்? //

சரி, நாம் கிறிஸ்துவைக் கொண்டாடுவது எப்படி என்று கொஞ்சம் சொல்லுங்களேன்..?

Arputharaj Samuel

Arputharaj Samuel

• நான் கிறிஸ்து மட்டுமே நம் கொண்டாட்டமாகவும் பண்டிகையாகவும் இருக்க வேண்டுமென்று சொல்லுகிறேன். நீங்களோ நிழலாக இருந்தவை தொடர வேண்டுமா அல்லது பாபிலோனிய மார்க்கத்தில் இருந்து ச்பைக்குள் நுழைந்த பண்டிகைகள் போதுமா என்று கேட்கிறீர்கள். எல்லா விடயத்திலும் நீங்கள் யூதர்களையே பின்பற்ற விரும்புகிறீர்களா?

Chill Sam

• நண்பரே நான் யூதரையல்ல,வேதத்தையே பின்பற்ற விரும்புகிறேன்; வேதம் அருளப்பட்ட காலத்துக்கும் தற்போதைய காலத்துக்குமான தொடர்புகளை அறிய விரும்புகிறேன்; அதனை யூதர் வழியே அறிந்து மகிழ்கிறேன்; யூதர் நமக்கு அந்நியர் என்பீர்களா? யூதருடைய வேதத்தை அவர்களுடைய அனுமதியில்லாமல் மொழிபெயர்த்து வைத்துக்கொண்டு அதற்கு அவரவர் இஷ்டப்படி வியாக்கியானம் செய்வதெல்லாம் போக அவர்களுடைய காலக் கணக்கீட்டு முறையையும் குறை சொல்லுவீர்களா?
  
  "உன்னைச் சந்திக்குங்காலத்தை நீ அறியாமற்போனபடியால்..." (லூக்கா 19:43)

நம்முடைய யௌவன ஜனம்  தளத்தில் வந்து பதிவிட சிலருக்கு கௌரவம் தடுக்கிறது; ஆனாலும் நாம் கௌரவம் பாராது, பெரிய மனது பண்ணி அவர்களோடு கலந்துரையாடி, அந்த கருத்துக்களை சிந்தாமல் சிதறாமல் இங்கே கொண்டு வந்து சேர்க்கும் அரும்பணியைச் செய்துகொண்டிருக்கிறோம். அவ்வாறு நம்முடைய தளத்தைப் புறக்கணிக்கும் நண்பர்களில் ஒருவரான திரு.அற்புதம் அவர்களின் கருத்துக்கள் வதனநூலில் எனது பக்கத்தில் பதிக்கப்பட்டுள்ளது, அதனை இங்கே பகிர்கிறேன்.

இங்கேயும் அங்கேயும் அடியேன் பதித்திருந்த சில எளிமையான வாதங்களுக்குரிய பதிலை இதுவரை தராத நண்பர்கள் பலர் அமைதியாக இருக்க நண்பர் அற்புதம் அவர்களாவது மனமுவந்து சில வரிகள் எழுதியது குறித்து அதிகமகிழ்ச்சி...

http://www.facebook.com/chillsam/posts/279420925411213?notif_t=share_comment

Arputharaj Samuel

• நீங்கள் கூறும் வேதாகமப் பண்டிகைகளை அப்போஸ்தலர்கள் ஏன் ஆசரிக்கவில்லை, உபதேசமாகக் கூட கூறவும் இல்லை? ஏனெனில் அவர்களுக்கு கிறிஸ்துவே கொண்டாட்டமாக இருந்தார். நமக்கு கொண்டாட சில பண்டிகைகள் தேவைப்படுகின்றன. இஸ்ரவேலருக்கு ஏழு பண்டிகைகள் கொண்டாட வேண்டுமென்று தேவன் கூறினதை லேவியராகமத்தில் வாசிக்கிறோம். அவை வருங்காரியங்களுக்கு நிழலாயிருந்தன. அவை கிறிஸ்துவைப் பற்றினவை. கிறிஸ்து வந்த எல்லாவற்றையும் செய்து முடித்த பின் அவை தானாகவே Void ஆகிவிடுகின்றன.

Chill Sam  @Arputharaj Samuel

• நண்பரே நிழல் என்பதால் கேட்கிறேன், நிழல் என்பது உண்மையின் பிரதிபலிப்புதானே, அப்படியானால் நிழல் ஒழிந்தது என்றால் உண்மையே ஒழிந்தது என்று ஆகுமே..? எனவே நிழலை நிஜமென்று எண்ணாமல் நிழலின் நிஜத்தையறிய வேண்டுமென்றே வேதம் சொல்லுகிறது..! அதைவிட கொடுமை,நிழலையும் நிஜத்தையும் தொலைத்துவிட்டு கட்டாயத்தின்பேரில் புறசாதிகளின் மார்க்கத்தைக் கற்றுக்கொண்டு அதனை மேன்மைப்படுத்தும் ராஜ்யத்தின் புத்திரர்..!

• "புறஜாதிகளுடைய மார்க்கத்தைக் கற்றுக்கொள்ளாதிருங்கள்; வானத்தின் அடையாளங்களாலே புறஜாதிகள் கலங்குகிறார்களே என்று சொல்லி, நீங்கள் அவைகளாலே கலங்காதிருங்கள்." (எரேமியா.10:2)
  

• இஸ்ரவேலரின் ஏழு பண்டிகைகளும் கிறிஸ்துவில் நிறைவேறிவிட்டது என்பதை உங்களால் நிரூபிக்கமுடியுமா,நண்பரே..?

Arputharaj Samuel

• அப்படியல்ல சகோ. Chill Sam . நிழலைப் பார்த்துக் கொண்டிருக்காமல் நிஜத்தை பாருங்கள் என்று சொல்லுகிறேன். அவை வருங்காரியங்களுக்கு நிழலாயிருக்கிறது என்று வேதம் சுட்டிக் காட்டும்போது, அவற்றின் பொருள் கிறிஸ்துவைப் பற்றினது என்று சொல்லும் போது..... இல்லை இல்லை என்ன இருந்தாலும் நிழல் நிழல்தான். அதில் தான் அதிக ஆசீர்வாதம் என்று சொல்ல முடியுமா. நிஜம் இருந்தால் தானே நிழல் உண்டாகும். அந்த நிஜம் (இயேசு ) வருகிற வரைக்கும் நிழல் அவர்களுக்குத் தேவையாயிருந்தது. அதன் பின் இயேசுவே வந்த பின்னர் நிழல் எதற்கு? 

• ஏழு பண்டிகைகள் குறித்து உங்களுக்கு உண்மையிலேயே தெரியாதா என்ன?

Chill Sam To Arputharaj Samuel

// ஏழு பண்டிகைகள் குறித்து உங்களுக்கு உண்மையிலேயே தெரியாதா என்ன? //

• அண்ணாச்சி, நாம் ஒருவரையொருவர் உளவு பார்த்துக்கொண்டிருக்கிறோம்; உங்களுக்குத் தெரிந்ததை நீங்கள் சொல்லுங்கள், உங்கள் மூலம் நான் எதையாவது அறிந்துகொள்ளவே ஆவலாக இருக்கிறேன்; எனக்குத் தெரிந்ததெல்லாம் மிகமிக சாதாரணமாகவும் தேவையற்றதாகவும் கூட இருக்கலாம்..!