Yauwana Janam

golda wrote:

---

To Bro Peter Samuel,

நான் ஒரு இரகசியத்தை உங்களுக்கு சொல்கிறேன். சகோ. சில்சாமுக்கு சாது ஆகவே ஆகாது. எனவே அவரோடு இணைந்து ஊழியம் செய்யும் எவரையும் அவருக்கு பிடிக்காது...அது மோகன் சி லாசரஸாக இருந்தாலும் கூட! 

---

 நீதிமன்ற நடைமுறைகளில் பிரபலமான‌ சொல்வழக்கு ஒன்றுண்டு, "ஒரு குற்றவாளி தண்டிக்கப்படவேண்டும் என்பதைவிட ஒரு நிரபராதி தண்டிக்கப்படக்கூடாது", என்பதாக; அவ்வாறே ஒரு நல்ல போதனையை ஆதரிப்பதைவிட ஒரு துர்ப்போதனையை ஆதரிக்காதிருத்தல் முக்கியமானது; அப்படியும் என்னுடைய சிற்றறிவுக்கு எட்டியவரை முழுவதும் சரியானவர் யாருமில்லை; அதில் மோகன்.சி‍- யும் விதிவிலக்கல்ல; எப்படியெனில் ஒருவர் குற்றஞ்செய்வதால் மட்டுமல்ல, குற்றவாளிக்கு உடந்தையாகவோ அல்லது குற்றம் நடைபெறுவதையறிந்தும் மனதார எதிர்க்காதிருப்பதோ கூட குற்றமே; எனவே அவர்களுடைய பணப் பரிவர்த்தனை சம்பந்தமான மோசமான செய்திகளுக்குள் நான் போகிறதில்லை; ஆனாலும் குறைந்தபட்சம் செயல் திட்டம் (Common Minimum Programme) என்பார்களே அதுபோல, அவர்கள் "இயேசுகிறித்துவை தொழத்தக்க தெய்வமாக.." ஏற்பவர்கள் என்ற வகையில் பெரும்பாலானோரை நான் கண்டுங்காணாமல் இருக்கிறேன்.

ஏனெனில் நான் நீதிபதியோ நீதிமானோ அல்ல, நானும் ஒரு பாவி தான்; காலஞ்சென்ற சகோதாரர் டிஜிஎஸ் அவர்கள் தனது பரலோக தரிசனங்கள் எனும் புத்தகத்தில் எழுதியிருந்த வரிகள் என்னை மிகவும் பாதித்தது;அது என்னவெனில், "என் ஆவிக்குரிய வாழ்வைப் பொறுத்தமட்டில் நான் ஒரு எளிய மனிதன்,கிருபையால் இரட்சிக்கப்பட்ட ஒரு பாவி..". அப்படியானால் நான் என்ன சொல்லுவேன், நானும் அதைவிட இன்னும் கீழாகவே நிற்கிறேன்; நான் விமர்சிப்பவர்களெல்லாம் உலகப் பார்வையில் மிகப் பெரிய சாதனையாளர்கள் மற்றும் சமுதாயத்தில் அந்தஸ்தும் மரியாதையும் பெற்றவர்கள் ஆவர்; அப்படியானால் அவர்களை நான் துணிகரமாக எதிர்க்கக் காரணமாக இருப்பது எனது மதியீனமோ மேதாவித்தனமோ அல்ல; (மேசியாவின்) எதிரி சொல்லுவதுபோல "நான்" என்ற அகங்காரமும் அல்ல.

கல்லில் நார் உரிப்பது போலவும் மணலால் கயிறு திரிப்பது போலவும் நம்முடைய மக்களிடமிருந்து எதையாவது சொல்லி காசு பிடிப்பது எப்படிப்பட்ட சாதனையல்லவா? அதில் நம்முடைய தலைவர்கள் நிச்சயமாகவே ஜெகஜ்ஜால கில்லாடிகள் தான்; இதற்காக சத்தியத்தை வளைப்பதுதான் வருத்தமாக இருக்கிறது; இந்த திரியின் ஆரம்பத்தில் ஆல்வின் இலங்கை சுற்றுப்பயணம் குறித்து நான் குறிப்பிட்டுள்ளவற்றை யாரும் கவனத்தில் கொண்டதாகத் தெரியவில்லை; நண்பர்களுடைய பின்னூட்டத்திலிருந்து நான் அறிந்துகொள்ளுவது யாதெனில் நான் எல்லோரையும் குற்றஞ்சொல்லுகிறேன், என்பதே; அப்படியெல்லாம் ஒருபோதும் கிடையாது என்று நான் சொன்னால் ஒருவரும் நம்பப்போவதில்லை; ஒவ்வொருவருமே அவரவருக்குப் பிடித்தமானவரை நான் எதுவும் சொல்லாதிருந்தால் போதும் என்றெண்ணுவதாகவே தோன்றுகிறது; ஆனால் இந்த தலைவர்களெல்லாரும் சேர்ந்து சர்வ வல்லவருடைய நாமத்துக்கு தூஷணத்தைக் கொண்டு வருகிறார்களே அதைக் குறித்து யாரும் கவலைப்படுவதில்லை; இந்த போக்கு மாறவேண்டும்; ஆண்டவருடைய காரியத்தில் ஒருமித்த கருத்து உருவாக்கப்படவேண்டும் என்பதே என்னுடைய உள்ளத்தின் அவா.

எனது அன்புக்குரிய தோழி கோல்டா சொல்லுகிறார்,

// "நான் ஒரு இரகசியத்தை உங்களுக்கு சொல்கிறேன். சகோ சில்சாமுக்கு சாது ஆகவே ஆகாது. எனவே அவரோடு இணைந்து ஊழியம் செய்யும் எவரையும் அவருக்கு பிடிக்காது...அது மோகன் சி லாசரஸாக இருந்தாலும் கூட!" // என்பதாக;

இதனை நான் தீர்க்கமாக மறுக்கிறேன்;ஏனெனில் சாதுவை எனக்கு பிடிக்காது என்பது, ஏதோ எனக்கு பாகற்காய் சாம்பார் பிடிக்காது என்பது போன்ற விஷயமல்ல, அவருடைய உபதேசமே வி(வ)காரமானது என்பதே; அதன் ஆழங்களுக்குள் செல்ல எனக்கு அவகாசமில்லை; எனவே வெளிப்படையான காரியங்களை மட்டுமே கண்டித்துவருகிறேன்; இன்னும் அவரே அவ்வப்போது கான்ட்ரவர்ஷியலான காரியங்கள் வேண்டாம் என்று மூடிமறைத்து பொடிவைத்து பேசி மழுப்புவது எல்லோருக்கும் தெரியும்;

அவர் தன்னுடைய சானலை பிரபலப்படுத்தவும் மோகன்.சி -யின் ஆதரவாளர்களை வளைத்துப்போடவுமே அவருடன் மிக அண்மையில் கூட்டணி அமைத்தார் என்பது அப்பட்டமாகத் தெரியவரும் வியாபாரத் தந்திரமாகும்; இதே காரணத்துடனே ஆல்வின் தாமஸ் வளைக்கப்பட்டிருக்கிறார்; அவரிடமுள்ள இளைஞர் கூட்டம் ஏஞ்சல் டிவிக்கு வேண்டும்; ஆல்வினுக்கோ ஏஞ்சல் டிவியின் மூலம் தான் செலவில்லாமல் பிரபலமாக வேண்டும்; இது ஏஞ்சல் டிவியின் நெருக்கமான வட்டாரங்களிலிருந்து தெரியவரும் தகவல்;

ஆனாலும் சாதுஜிக்கே கௌண்டர் பண்ணுவதுபோல ஏட்டிக்கு போட்டி தீர்க்கதரிசனம் சொல்லி அலம்பல் பண்ணும் ஆல்வின் விரைவில் அங்கிருந்து ஓரங்கட்டப்படுவார் என்று நம்புகிறேன்; இவர்களெல்லாம் ஒரு குறிப்பிட்ட ஃபார்முலா வைத்து வேலை பார்க்கிறார்கள்; எப்படியெனில் சாதுஜி தனது ஊழியத்தின் ஆரம்பகாலத்தில் தீர்க்கதரிசனமெல்லாம் சொன்னதில்லை; "குணமாக்கும் அன்பு" எனும் எளிமையான நிகழ்ச்சியை நடத்திவந்தார்; ஆனால் ஒரு கட்டத்தில் தன்னை வல்லமையான தீர்க்கதரிசியாகப் பிரகடனப்படுத்திக்கொண்டார்; அது மிகச் சரியாக சகோதரர் டிஜிஎஸ் மறைவுக்குப் பிறகே நடந்தேறியது; அப்படியானால் அவருடைய மாஸை யார் வளைத்துப்போடுவது என்பதில் பெரிய போட்டியே நடந்திருக்கிறது; இவையெல்லாவற்றையும் ஆவியானவரும் வேடிக்கை பார்த்துக்கொண்டிருக்கிறார்; இவர்கள் அனைவருமே கள்ளத் தீர்க்கதரிசிகள் என்பதையும் தாங்கள் யூகிப்பதையே சொல்லுகிறார்கள் என்பதையும் சாதாரண மனிதன் கூட நன்கு அறிவான்; ஆனால் வேதத்திலுள்ள தீர்க்கதரிசிகள் அப்படிப்பட்டவர்கள் அல்ல; அவர்கள் பேசும்போது தேசத்தின் இராஜா முதல் கடைக் குடியானவன் வரை கலங்கினர்;தேசம் அசைக்கப்பட்டது;அந்த நாட்கள் இவர்கள் மூலம் வரப்போவதில்லை என்பதே நிதர்சனமான உண்மையாகும்;

மோகன்.சி இதுவரை மோசடியான காரியங்களைச் செய்திராவிட்டாலும் பல தவறான நபர்களுடன் அவர் தொடர்பு வைத்துள்ளது அனைவரும் அறிந்த உண்மையாகும்; இவையெல்லாம் மேலிடத்து சமாச்சாரங்கள் அல்லவா? உதாரணமாக மலேசியாவில் ஒரு பிரபல ஊழியருக்கு மந்திரி ஒருவருடைய மனைவியுடன் கள்ளத்தொடர்பு இருந்தது; அதன்காரணமாக அவர் கையும் களவுமாகப் பிடிக்கப்பட்டு தண்டிக்கப்பட்டார்;ஆனால் அவருடைய சபைக்குச் சென்ற மோகன் சி.அதைக் குறித்து அந்த ஊழியரைக் கண்டிக்க தைரியமில்லாமல் (நாகரீகம் கருதி..) அவர் கொடுத்த காணிக்கை பணத்தை மட்டும் வாங்கிக்கொண்டு ஊர் திரும்பினார் என்பது பழைய செய்தியாகும்;

இதுபோல நம்முடைய ஊழியர்கள் சென்று வரும் வெளிநாட்டு சுற்றுப்பயணம் ஒவ்வொன்றிலும் ஒரு சுவாரசியமான செய்தி இருக்கிறது; இவர்களுக்கு அவர்களுடைய பணம் வேண்டும்;அங்கிருப்பவர்களுக்கோ பிரபலமானவர்களுடன் நெருக்கமாக இருக்கிறோம் என்ற பெருமையும் எப்போதாவது இங்கு வந்தால் இங்கேயுள்ள மாஸ் அவர்களுக்கு ஒரு போதை..! நாய் வித்த காசு குரைக்காது என்பார்களே அதுபோல நடக்கிறது தற்கால ஊழியம், இவர்களெல்லாம் எப்படி தங்களை எலியாவுடனும் எலிசாவுடனும் ஒப்பிட்டுக்கொள்ளத் துணிகிறார்களோ..?!

எனவே என்னுடைய வேதனையையெல்லாம் அடக்கிக்கொண்டு இரவும் பகலும் துன்பப்படுகிறேன்; ஒருவர் மீதுகூட பொறாமையோ காழ்ப்புணர்ச்சியோ கிடையாது; ஆனால் இவர்களெல்லாம் கர்த்தர் தங்களுக்குக் கிருபையாகக் கொடுத்த மந்தையை சுயநலமானதும் இழிவானதுமான ஆதாயத்துக்காக நிர்விசாரமாக செய்கிறார்களே என்று பயங்கரமான கோபம் உண்டு; எனவே சிலரைக் குறித்து எழுதவும் பிடிக்கவில்லை; எப்படியும் கெட்டு நாசமாகப் போகட்டும் எனக்கென்ன வந்தது என்றும் அமர்ந்திருக்கிறேன்.

எனது எல்லைகளை வகையறுத்துக்கொண்டேன்; அது என்னுடைய விவரக் குறிப்பு பக்கத்திலேயே இருக்கிறது; அது இதுதான், "துருபதேசக்காரர்களுக்கு சம்மட்டியாகவும் கள்ளத்தீர்க்கதரிசிகளுக்கு சிம்ம சொப்பனமாகவும் இந்த தளம் விளங்கும்..!"

"வேண்டுதல் வேண்டாமை இலானடி சேர்ந்தார்க்கு
யாண்டும் இடும்பை இல."

golda wrote:

---

சில்சாம் அவர்களே! தாங்கள் ஏற்றுக் கொள்ளும் உபதேசமும், ஊழியமுறைகளும் உள்ள கொஞ்சம் பிரபலமான 2 அல்லது 3 ஊழியர்கள் பற்றி சிறு குறிப்பு வரைக!

---

 நமது பள்ளிக் காலத்தில் வருடத்துக்கொரு முறை இன்ஸ்பெக்ஷன் என்று ஒன்றை வைப்பார்கள்;அன்றாடம் டீச்சரையும் எப்போதாவது வரும் பிரின்ஸிபலையும் சமாளித்துவிடும் நாம் டி இ ஓ என்பவரைக் குறித்த அதீத பயத்தினால் நடுங்கிக்கொண்டிருப்போம்;அவர் எப்போது வருவார், என்ன கேட்பார், யாரிடம் கேட்பார் என்று தவியாய் தவிப்போம்.

அதுபோலவே திடீரென் தோழி கோல்டா அவர்கள் நெத்தியடியாக நேரடியாகவும் என்னை நோக்கி கேள்வியெழுப்பியதும் தடுமாறித் தான் போனேன்; நல்லவேளை எனது உற்ற நண்பனான பீற்றர் இடைபட்டு காப்பாற்றினார்; அவர் என்னைக் குறித்து இத்தனை நல்ல அபிப்ராயம் வைத்திருப்பது குறித்து ரொம்ப சந்தோஷம்; ஆனாலும் நண்பர் பீற்றர் சொல்லும் அளவுக்கு நான் மேதாவியல்ல; நான் மிக மிக சாதாரணமானவன்; நான் சார்புநிலை எடுப்பது எனக்கு பாதுகாப்பையும் கௌரவத்தையும் கூட ஒருவேளை தரலாம்; ஆனால் அதில் எனக்கு விருப்பமில்லை; எனது கண்களை எனது மணவாளனாகிய கிறித்துவின் மீதே பதித்திருக்கிறேன்.

எனக்குப் பிரியமான ஊழியர்களும் உண்டு; ஆனால் அவர்களில் யாரும் பிரபலமாக இல்லையே என்ன செய்வது..? பிரபலமானவர்களிலும் சிலரை நான் காரணமில்லாமல் நேசிக்கிறேன்; அவர்கள் யாரென்பது அனைத்து நண்பர்களுக்கும் தெரியும்; சிலரை பொறாமையுடன் இரசிக்கிறேன்; அவ்வளவு ஏன் சாதுஜியைக்கூட‌ எனக்கு ரொம்ப பிடிக்கும்; அதற்குக் காரணம் வேறொன்றுமில்லை, அவருடைய சிரிப்பு தான்.

ஆனால் சத்தியம் என்பது இவற்றுக்கெல்லாம் அப்பாற்பட்டதல்லவா? அதை வார்த்தையினாலோ எழுத்தினாலோ முழுவதுமே வெளிப்படுத்த ஒருவராலும் கூடாது; அப்படி கூடுமானால் நான் திரித்துவத்தைக் குறித்து இந்நேரம் விளக்கியிருப்பேனே..! எனது முன்னோர்களாலேயே கூடாத ஒரு காரியத்தை நான் செய்துவிடமுடியுமா,என்ன..?

• "கற்பனையின் பொருள் என்னவெனில், சுத்தமான இருதயத்திலும் நல்மனச்சாட்சியிலும் மாயமற்ற விசுவாசத்திலும் பிறக்கும் அன்பே."(1.தீமோத்தேயு.1;5)

• "விசுவாசத்தின் இரகசியத்தைச் சுத்த மனச்சாட்சியிலே காத்துக்கொள்ளுகிறவர்களாயும் இருக்கவேண்டும்."  (1.தீமோத்தேயு 3:9)

ஆமாங்க, அது இரகசியம் ஆனால் இரகசியமில்லே..! அது மறைபொருள் போல இருக்கும்; ஆனால் மறைபொருள் அல்ல;அது விளங்காதது போல இருக்கும்; ஆனால் விளக்க ஒன்றுமில்லே..!

அவரவர் எல்லையிலேயே நிற்பது ஒன்றே பாதுகாப்பானதாகும்; இது ஒன்றே நான் கிறித்தவ ஜீவியத்தில் கற்றறிந்த பாடமாகும்;இதுகுறித்து பவுலடிகள் எழுதுவது என்ன,

• "சகோதரரே, எழுதப்பட்டதற்கு மிஞ்சி எண்ணவேண்டாமென்று நீங்கள் எங்களாலே கற்றுக்கொள்ளவும், ஒருவனும் ஒருவனிமித்தம் மற்றொருவனுக்கு விரோதமாய் இறுமாப்படையாதிருக்கவும், நான் உங்கள்நிமித்தம் என்னையும் அப்பொல்லோவையும் திருஷ்டாந்தமாக வைத்து, இவைகளை எழுதினேன்." (1.கொரிந்தியர்.4:6)

• "நீ கற்று நிச்சயித்துக்கொண்டவைகளில் நிலைத்திரு; அவைகளை இன்னாரிடத்தில் கற்றாய் என்று நீ அறிந்திருக்கிறதுமல்லாமல், கிறிஸ்து இயேசுவைப்பற்றும் விசுவாசத்தினாலே உன்னை இரட்சிப்புக்கேற்ற ஞானமுள்ளவனாக்கத்தக்க பரிசுத்த வேத எழுத்துக்களை, நீ சிறுவயதுமுதல் அறிந்தவனென்றும் உனக்குத் தெரியும்." (2.தீமோத்தேயு.3:14,15)

• "அல்லாமலும், எனக்கு அருளப்பட்ட கிருபையினாலே நான் சொல்லுகிறதாவது; உங்களில் எவனானாலும் தன்னைக்குறித்து எண்ணவேண்டியதற்கு மிஞ்சி எண்ணாமல், அவனவனுக்கு தேவன் பகிர்ந்த விசுவாச அளவின்படியே, தெளிந்த எண்ணமுள்ளவனாய் எண்ணவேண்டும்." (ரோமர்.12;3)

சில்சாம் அவர்களே! தாங்கள் ஏற்றுக் கொள்ளும் உபதேசமும், ஊழியமுறைகளும் உள்ள கொஞ்சம் பிரபலமான 2 அல்லது 3 ஊழியர்கள் பற்றி சிறு குறிப்பு வரைக!

சகோ கொல்வின், இக்கூட்டத்தில் கலந்து கொண்டு எப்படி இருந்தது என்று சொல்லுங்கள்!