Yauwana Janam

Moderator

காரியம் அறியாத இந்த மூடர்களுடன் விவாதமே வேண்டாம் என்று நான் ஒதுங்கினாலும் சபைகளைக் குறித்ததான பக்தி வைராக்கியத்தினால் மீண்டும் எழுத வேண்டியதாகிறது;இந்த பக்தி வைராக்கியமானது (மேசியாவின்) எதிரிகள் கூறுவது போல பவுலடிகள் காலத்தோடு எல்லாம் முடிந்துபோகிறதில்லை; நாம் பவுலடிகளின் உணர்வுக்கும் ஊழியத்துக்கும் உடன்பங்காளிகளாக இருக்கிறோம் என்பதே நம்முடைய விசுவாசமாகும்;

• "...எல்லாச் சபைகளைக்குறித்தும் உண்டாயிருக்கிற கவலை என்னை நாள்தோறும் நெருக்குகிறது. ஒருவன் பலவீனனானால் நானும் பலவீனனாகிறதில்லையோ? ஒருவன் இடறினால் என் மனம் எரியாதிருக்குமோ? " (கொரிந்தியர்.11;28,29)

இத்தனை நிதானமாக எடுத்துக்கூறியும் விளங்கமறுப்போர் மற்றவரையும் குழப்பாதிருக்கும் வண்ணமாக தொடர்ந்து போராடவேண்டியதிருக்கிறது; கடந்த வாரத்தில் இவர்களால் உண்டான கடுமையான மனக்கொதிப்பிலிருந்து தட்டுத்தடுமாறியெழுந்து மீண்டும் இதோ சில வரிகளை நேற்றிரவு எழுதினேன்;

"எல்லோருக்கும் இரட்சிப்பா..? "

http://chillsam.activeboard.com/t43305641/topic-43305641/

ஆனால் இவர்கள் செய்த அவதூறுக்கும் தூஷணத்துக்கும் கொஞ்சமும் மனம்வருந்தாமல் இதோ என்னுடைய மேற்கண்ட வரிகளை எடுத்துக்கொண்டு அவர்களுடைய பாணியில் கீழ்த்தரமான வார்த்தைகளால் ஒருமையில் அர்ச்சிக்கிறார்கள்;இனி இவர்களுடன் நமக்கு போராட்டம் இல்லை;ஆனாலும் சத்தியத்துக்கு எதிரான இந்த மாயப் பிசாசுகளின் வேதப்புரட்டுக்குரிய பதில்களை இயன்றமட்டும் எழுதுவேன்;(மேசியாவின்) எதிரி எழுதியுள்ள  மேற்கண்ட வரிகளில் கிறிஸ்துவின் ஈடுபலி எனும் வார்த்தை என்னை மீண்டும் பாதித்ததால் ஈடுபலி எனும் வார்த்தைக்கும் பரிகார பலி எனும் வார்த்தைக்குமான வித்தியாசத்தை விளக்கக்கோரி எழுதியிருந்த இந்த திரியானது நினைவுக்கு வந்தது;

முதலில் ஈடுபலி அல்லது ஈடு என்பதற்கான ஆங்கில வார்த்தையினை யோசித்ததில் அது காம்ப்பன்ஸேஷன் (compensation) என்பதாக இருக்கலாம் என்ற முடிவுக்கு வந்து அந்த வார்த்தைக்கான பொருளையறிந்தேன்;

compensation - something (such as money) given or received as payment or reparation (as for a service or loss or injury)

http://www.thefreedictionary.com/compensation

இதன்படி ஈடுபலி எனும் வார்த்தை முற்றிலும் கிறிஸ்துவானவரின் தியாகத்தைக் கொச்சைப்படுத்துவதாக இருக்கும் என்ற முடிவுக்கு வந்தேன்; பரிகார பலி என்பதிலிருக்கும் தியாகமும் மேன்மையும் ஈடுபலி என்பதில் இல்லை என்பதே என்னுடைய ஆவியில் நான் செய்த தீர்மானம் ஆகும்;அப்படியானால் வேதமாணாக்கர் என்று சொல்லிக்கொள்ளும் இவர்கள் வேதம் சொல்லாத ஈடுபலி எனும் வார்த்தையை எங்கிருந்து பிடித்தார்கள்;வேதம் சொல்லும் பரிகார பலி எனும் வார்த்தை ஏன் தவிர்க்கிறார்கள் என்று யோசித்தால் அதற்கான காரணம் வேறொன்றுமில்லை, இவர்கள் இரஸல் எழுதிக்கொடுத்ததை மாத்திரமே வேதமாக பாவிக்கிறார்கள்;இரஸல் எனும் கள்ளப்போதகனுடைய 6 நிருபங்கள் அல்லது 6 தொகுதியான வசனங்களே இவர்களுக்கு பிரதான வேதம் என்பதும் அவனுடைய கண்ணாடியை மாட்டிக்கொண்டு வேதத்தை வாசிப்பதாலேயே இப்படிப்பட்ட வி(வ)காரமான உபதேசங்கள் வெளிப்படுகிறது என்பதும் நமக்கு தெரியவருகிறது.

• "நம்முடைய பாவங்களை நிவிர்த்தி செய்கிற கிருபாதாரபலி அவரே; நம்முடைய பாவங்களை மாத்திரம் அல்ல, சர்வலோகத்தின் பாவங்களையும் நிவிர்த்திசெய்கிற பலியாயிருக்கிறார்." (I யோவான் 2:2)

• "கிறிஸ்து இயேசுவினுடைய இரத்தத்தைப்பற்றும் விசுவாசத்தினாலே பலிக்கும் கிருபாதார பலியாக அவரையே ஏற்படுத்தினார்." (ரோமர். 3:26)

இறுதியாக கிறிஸ்துவானவரின் தியாகத்தை ஏன் ஈடுபலி என்று சொல்லக்கூடாது என்பதற்கான என்னுடைய கருத்தை முன்வைக்கிறேன்; ஆதாம் காலத்திலிருந்து ஒருவனுடைய பாவத்துக்காக செலுத்தப்பட்டதெல்லாம் ஈடுபலியே; ஆனால் கிறிஸ்துவோ அனைத்து ஈடுபலிகளையும் நிறைவேற்றி பாவங்களை பரிகரிக்கும் கிருபாதார பலியானார்; பாவங்கள் அன்று மூடப்பட்டிருந்தது,இன்றோ நிவர்த்தி செய்யப்பட்டுள்ளது;ஈடுபலிகளெல்லாம் பரிகார பலியான இயேசுவானவருக்கு நிழலாக இருந்தது;எனவே ஈடுபலி எனும் வார்த்தையானது இயேசுவானவரின் மேன்மையான பலியைக் கொச்சைப்படுத்துவதாகவே இருக்கும் என்கிறேன்;ஏனெனில் இயேசு பாவமில்லாத பூரணப் புருஷன் என்பது மாத்திரமல்ல,அவர் தேவாதி தேவனின் ஒரு பாகம் அல்லது அவரே சர்வத்துக்கும் மேலான தேவன்;

"...மாம்சத்தின்படி கிறிஸ்துவும் அவர்களில் பிறந்தாரே, இவர் என்றென்றைக்கும் ஸ்தோத்திரிக்கப்பட்ட சர்வத்திற்கும் மேலான தேவன். ஆமென். " (ரோமர் 9:5 )

இதைக் கேட்க சகிக்காவிட்டால் அகற்றும் அகற்றும்...தேவதூஷணம்  என்று கூச்சலிட்டு காதுகளைப் பொத்திக்கொண்ட அன்னா காய்பா கூட்டத்தாரைப் போல (மேசியாவின்) எதிரிகள் தங்கள் காதுகளைப் பொத்திக்கொள்ளட்டும்;இயேசுவானவர் தொழத்தக்க தெய்வமே என்று நான் நிரூபிக்க எழு(து)வதைக் கண்டால் இவர்களுக்கு காதுகளில் ஈயத்தைக் காய்ச்சி ஊற்றியது போலிருக்கிறதாம்..!