Yauwana Janam

கவலைப்படாதீங்க நண்பா.., நம்மை இன்னும் ஒரிசாவில் ஊழியர்கள் அடிக்கப்பட்ட மாதிரி யாரும் அடிக்கலையே...?!

Ashokkumar wrote:

---

சகோ.சில்சாம்,

எனக்கென்னமோ, சுந்தர் அவர்கள் அவர்களின் கூற்று தவறாக தெரியவில்லை (ஆனால், அவருடைய வார்த்தைகளை தவறாகவும் அர்த்தம் பண்ணிக்கொள்ள முடியும் என்பதை மறுக்கவில்லை). "ஏட்டு சுரைக்காய் கறிக்கு உதவாது" என்று அவர் கூறுவது, வேத வசனங்கள் வல்லமை அற்றவை என்ற அர்த்தத்தில் அல்ல என்றே நினைக்கிறேன். ஆனால், வேத வசனங்கள் உள்வாங்கப்படாமல், ஆவிக்குரிய அனுபவமாக மாறாமல் இருந்தால், அவைகள் நம் வாழ்வில் கிரியை செய்யாது என்று சொல்லுகிறார் என்றே நான் நினைக்கிறேன்.

தவறுகள் இருந்தால் விளக்கி சொல்லவும்.

---

 மதிப்பிற்குரிய நண்பர் அசோக் அவர்களே,
சுந்தர் அவர்களின் சாமர்த்தியமே இதுதான்;சர்ச்சைக்குரியதை வெளிப்படையாகவும் மொத்தமாகவும் எழுதவே மாட்டார்; ஆனாலும் ஆதாரத்துடன் எழுதும் தோற்றத்தை ஏற்படுத்த நாலைந்து வசனங்களைப் போட்டுவிட்டு பொதுவான சில கருத்துக்களையும் எழுதிவிட்டு இறுதியிலோ அல்லது நடுவிலோ தன்னுடைய ஞானத்தை செருகிவிடுவார்;

கடந்த மூன்றுவருடங்களாக இவருடைய எழுத்துக்களை வாசித்துக் கொண்டிருக்கிறேன்; பொதுவாக நல்ல மனிதர்; ஆனால் நான் எதிர்ப்பது சத்தியத்துக்கு விரோதமான கருத்துக்களை மட்டுமே; இதற்கெல்லாம் காரணம் அவர் மறுபிறப்பை நம்புவதே; அதை அவ்வப்போது எழுதி எச்சரித்தும் என்னைப் புறக்கணித்துவிட்டு, ஏற்பதற்கு இஷ்டமில்லாமல் அமைதியாக இரு என்றார்; பிறகே அவருடைய தளத்தைவிட்டு வெளியேறினேன்.

தற்போதும் நீண்ட இடைவெளிக்குப் பிறகு சத்திய வசனத்தை சிறுமைப்படுத்தி எழுதியிருக்கிறார்; இதற்கு பின்னால் அவர் ஏற்கனவே எழுதி என்னால் கண்டிக்கப்பட்ட திரிகள் இங்கே உண்டு; அவற்றில் ஒன்றை உதாரணத்துக்குக் கொடுத்துள்ளேன்;

http://chillsam.activeboard.com/t39713289/topic-39713289/

அவருடைய திரிகளுக்கு நாம் அளிக்கும் பதிலை தனி ஃபோரம் ஆகவும் தொகுத்து வைத்துள்ளேன்;அதன் தொடுப்பும் தரப்பட்டுள்ளது;

http://chillsam.activeboard.com/f498687/quotquot/

இவையெல்லாவற்றையும் வாசிக்க நமக்கு நேரமில்லை;ஆனால் பானை சோற்றுக்கு ஒரு சோறு பதம் என்பார்களே அதுபோல‌ ஒரு சில வரிகளை வாசித்தாலே முழுவதையும் யூகிக்கும் திறமை இருந்தால் எளிதில் விளங்கலாம்;சுந்தரைப் பொருத்தவரை எழுதப்பட்டுள்ள "வேதம் மட்டுமே முழுமையானது அல்ல" என்று ஏற்கனவே எழுதியுள்ளார்;இன்னும் பல இந்து தத்துவங்களையும் பௌத்த நம்பிக்கைகளையும் தழுவிச் செல்லும் கருத்துக்களை ஆங்காங்கே ஆவியானவர் பெயரில் தூவியிருக்கிறார்.

இவற்றை நாம் யௌவன ஜனம் தளத்தில் பதித்து எச்சரிக்கும் நோக்கமானது சுந்தர் ரொம்ப பெரிய ஆள் என்பதால் அவரைக் கெடுக்கவேண்டும் என்ற தீய எண்ணமம் அல்ல; மாறாக இதுபோன்ற மாறுபாடான போதனைகளே இன்று நாம் எதிர்கொள்ளும் அனைத்து மார்க்கபேதங்களுக்கும் எண்ணற்ற சபைகளுக்கும் காரணமாக இருக்கிறது;தமிழ் கிறித்தவ இணையத்திலாவது நாம் இயன்ற மட்டும் இதுபோன்ற தவறான உபதேசங்களை அடையாளம் காட்டிவைத்தால் புதியவர்கள் தெளிவடைய ஏதுவாக இருக்குமே என்பது நம்முடைய எண்ணமாகும்.

குறிப்பாக என்னை அதிகமாக பாதித்தது கீழ்க்கண்ட வரிகளே;மற்ற காரியங்களில் வெளிப்படையாக இல்லாவிட்டாலும் உள்விவகாரங்கள் உண்டு;அது எனக்கு மட்டுமே தெரிந்த இரகசியம்;அவர் என் நிமித்தமாக பதுங்கியிருந்து அடக்கிவாசிக்கிறார்;இதனை அவரே அறிவித்துமிருக்கிறார்; ஆனாலும் அவரால் அடக்கிக்கொள்ள முடியாமல் சிதறி விழுபவற்றின் மூலம் நான் எச்சரிக்கிறேன்.
 
// "ஏட்டு சுரைக்காய் கறிக்கு உதவாது" என்றொரு பழமொழி எல்லோரும் அறிந்ததே. அதேபோல் வெறும் எழுதப்பட்ட வசனத்தை மட்டும் படித்து ஆண்டவரை சரியாக அறிந்துவிட முடியாது. //

என்று சொல்லுகிறார்,சுந்தர்; நீங்களும்,அதனை நீங்கள் விளங்கிக்கொண்ட முறை நேர்மையானது; எனவே பிரச்சினையில்லை;ஆனால் சுந்தரின் நோக்கம் அதுவல்லவே; எழுதப்பட்டு கரங்களில் தரப்பட்டுள்ள வேத வசனங்களில் ஏதோ மர்மம் இருப்பதாகவும் அதற்கு மற்ற வேதங்களிலிருந்தும் ஆதாரத்தை தேடவேண்டும் என்றும் புத்தர் போன்ற எல்லா பெரியவர்கள் மூலம் ஆண்டவர் ஏன் பேசியிருக்கக்கூடாது என்றும் வாதிடுகிறார், அவர்; இதன்படி எழுதப்பட்டு நம்முடைய கரங்களில் தவழும் வேதத்தை மட்டுமே வைத்துக்கொண்டு இறைவனை அடையமுடியாது,அவரை அடைய விசேஷித்த ஆவி வேண்டும் என்பது சுந்தரின் நிலை; ஆனால் நீங்களும் சரி நானும் சரி வேதத்திலுள்ள அதிசயங்களைக் காணவே ஜெபிக்கிறோம்;அல்லவா..?

அப்படிப்பட்ட வேதத்தை இழிவுபடுத்துவது போல ஏட்டு சுரைக்காய் கறிக்கு ஆகாது என்று சொல்லலாமா என்பதே என்னுடைய கேள்வியாகும்; வசனத்தின் மூலம் வராத தேவனைக் குறித்த அறிவு அவருடைய ஆவியின் மூலம் வந்துவிடுமா என்ன‌..? அப்படியானால் அவருடைய வார்த்தையே ஆவியும் ஜீவனும் வல்லமையும் உள்ளதாக இருக்கிறது என்ற வார்த்தையின் பொருள் என்ன‌.?

நான் எப்போதும் சொல்லுவேன், உலகத்தின் மற்ற புத்தகங்களையெல்லாம் நாம் வாசிக்கிறோம்; ஆனால் பரிசுத்த வேதாகமம் எனும் புத்தகமோ நம்மோடு பேசுகிறது, என்பதாக; ஒரு வசனம் புரியவில்லை என்றால் தேவ பிரசன்னத்தில் அமர்ந்திருந்து கேட்பதோ அல்லது அது சம்பந்தமாக வெளிவந்துள்ள எண்ணற்ற காமெண்டரிகளின் உதவியை நாடுவதோ வழக்கமானது தான்; அப்போதும் கூட பரிசுத்த வேதாகமத்தை ஏட்டு சுரைக்காய் என்று எப்படி சொல்லுவீர்கள்..? ஏட்டு சுரைக்காய் என்பது சுரைக்காயின் வரைபடம் அல்லது சுரைக்காய் என்று ஏட்டில் எழுதப்பட்டதாகும்; அதை வைத்து கறி சமைக்கமுடியாது என்பதே பழமொழி அல்லவா? அதுதான் நான் புரிந்து வைத்திருப்பது; ஆனால் இந்த பழமொழி வேதத்துடன் எப்படி சம்பந்தப்படுகிறது, என்ன விதமான எண்ணத்தை தோற்றுவிக்கும் என்பதை யோசித்தால் மட்டுமே கோபம் வரும்; குரானையோ கிரந்தாசாகிப் எனும் சீக்கிய மதப் புத்தகத்தையோ நீங்கள் ஏட்டு சுரைக்காய் என்பீர்களா? சுந்தருக்கு பரிசுத்த வேதாகமம் ஏட்டு சுரைக்காயாக தோன்றுவதால் அவர் பைபிளை படிக்காமலே தேவ ஆவியானவரிடம் டைரக்டாக டீல் பண்ணிக்கொள்ளலாம் என்கிறார்;இதற்கு துணையாகவே வேதத்தில் உள்ள தீர்க்கதரிசிகளையெல்லாம் மேற்கோள் காட்டி அவர்களோடு இடைபட்ட ஆவியானவர் என்னோடு பேசமாட்டாரா என்கிறார்; பேசுவார், பேசட்டும், சந்தோஷம்; ஆனாலும் அப்படி இடைபடும் ஆவியானவர் வசனத்தை நோக்கியே நடத்துவார்; எல்லாவற்றுக்கும் வசனத்தை ஆதாரம் கேட்காதே, இது எழுதப்பட்ட ஏட்டு சுரைக்காயில் இல்லை; ஆனாலும் இதுதான் உண்மை என்று ஏதோ ஒரு ஆவி வந்து சுந்தருக்கு சொல்லுமானால் அது என்ன ஆவியாக இருக்கும் என்று நீங்களே சொல்லுங்கள்; இதுதான் சுந்தர் சொல்லியிருக்கும் காரியத்தின் முழு பின்னணி காரியமாகும்; மீண்டும் சொல்லுகிறேன், தரிசனம் என்ற பெயரில் நான் எதையாவது சொன்னால் இதற்கு வேத வசனத்தின் ஆதாரத்தை கேட்காதே, ஆண்டவர் ஏட்டு சுரைக்காயான பைபிளின் மூலமாக மட்டுமல்ல, டைரக்ட்டாகவும் பேசுவார் என்கிறார் சுந்தர்; இதுகுறித்து இரண்டு வருடம் முன்பே இவருடன் வாதிட்டோம்; இன்னும் இவர் திருந்தவில்லை, பதுங்கியிருக்கிறார் அவ்வளவே; யாருக்காவது நேரமிருந்தால் இவருடைய கருத்துக்களை நிதானமாக படித்து நான் சொல்லுவதில் உள்ள உண்மைகளை அறிந்துகொள்ளுங்கள்.