Yauwana Janam

" இயேசுவை தொழமறுக்கும் புரட்டர்களுக்கு பதில் தெரியாத கேள்விகள் " எனும் திரியில் பேத மாணவர்களுடன் சுவிசேஷம் அறிவிப்பது குறித்தும் மிஷினரி பணிகள் குறித்தும் நண்பர் ஜோசப் அவர்கள் வாதிட்டு வருகிறார்; அது குறிப்பிடத்தகுந்த நிலையை எட்டியுள்ளதாலும் அந்த திரியில் ஜாண் அவர்கள் கேள்வி மேல் கேள்வி கேட்டு (மேசியாவின்) எதிரிகளைத் திணறடித்து வருவதாலும் வாதத்தின் தன்மையைக் கூர்மைப்படுத்தும் பொருட்டு சுவிசேஷம் மற்றும் மிஷினரி பணிகள் சம்பந்தமான கருத்துக்களைத் தனியே பிரித்து தனி திரியாகப் பதிக்கப்படுகிறது;

நண்பர் ஜோசப் அவர்கள் இங்கே தன்னுடைய வாதங்களைத் தொடர அன்புடன் வேண்டுகிறேன்.

Kovai:

///கிறிஸ்துவின் நாமத்தை கூப்பிடுகிறவர்களுக்கு இரட்சிப்பு என்று தான் வசனமே தவிர, கிறிஸ்துவின் நாமத்தை தொழுதுகொள்வோருக்கு இரட்சிப்பு என்று நீங்கள் சொல்ல்லுவதால், அல்லது நம்பிக்கை வைப்பதால் அப்படி ஆகாது!! ஒரு காலத்தில் நிலவில் பாட்டி வடை சுட்டுக்கிட்டு இருந்தாங்க என்று தான் நம்பியிருந்தோம், இன்று அதே நிலவுக்கு மனிதன் வடை (சாரி சமோசா) எடுத்துக்கொண்டு போயிருக்கிறான்!! நம் நம்பிக்கை என்பது உண்மை அறியப்படும் வரை தான்!! அதன் பின் அந்த உண்மை தான் நம் நம்பிக்கையாக இருக்கவேண்டும்!!///

Joseph on Sat Apr 16 07:29:25 2011

ஆகா, என்ன அருமையான கண்டிபிடிப்பு, பின்னிட்டேள் போங்கோ. கூப்பிடுதல் வேறு, தொழுதுகொள்ளுதல் வேறு..?! தொழுதுகொள்ளும் எண்ணத்தில் இருப்பவன் தான் கூப்பிடுவான், தொழுதுகொள்ள எண்ணாதவன் எப்படி கூப்பிடுவான். கூப்பிட்டால் வருவார் என்பது உண்மை தான், அதற்காக அவரை 108 ஆம்புலன்ஸ் ரேஞ்ச்சுக்கு மாத்திரம் கற்பனை செய்ய வேண்டாம். பல ஆங்கில வேதாகமங்களை காட்டியிருக்கீங்க. அதே வேதாகமத்தில்...

New American Standard Bible (©1995)

'Call to Me and I will answer you, and I will tell you great and mighty things, which you do not know.'

King James Bible

Call unto me, and I will answer thee, and shew thee great and mighty things, which thou knowest not.

American King James Version

Call to me, and I will answer you, and show you great and mighty things, which you know not.

American Standard Version

Call unto me, and I will answer thee, and will show thee great things, and difficult, which thou knowest not.

Douay-Rheims Bible

Cry to me and I will hear thee: and I will shew thee great things, and sure things which thou knowest not.

Darby Bible Translation

Call unto me, and I will answer thee, and I will shew thee great and hidden things, which thou knowest not.

English Revised Version

Call unto me, and I will answer thee, and will shew thee great things, and difficult, which thou knowest not.

Webster's Bible Translation

Call to me, and I will answer thee, and show thee great and mighty things, which thou knowest not.

World English Bible

Call to me, and I will answer you, and will show you great things, and difficult, which you don't know.

Young's Literal Translation

Call unto Me, and I do answer thee, yea, I declare to thee great and fenced things -- thou hast not known them.

-என இருக்கிறதை கவனிச்சியளா. அதுவும் யேகோவா தேவனே கூப்பிட்டால் பதில் அளிப்பார், அதுவும் இஸ்ரவெலின் தொழுகைக்கு பாத்திரமான தேவன். எப்படி இந்த வசனத்தை வெறும் கூப்பிடுதல் என்று மாத்திரம் வைத்துக்கொள்ளலாமா..?

Kovai:

//ஆங்கிலேயர்கள் இந்த பெரிதான தேசத்தை சுமார் 350 வருடங்கள் ஆண்டார்கள், அப்போ ஜனத்தொகையும் மிகவும் குறைவு தான், மிஷனரிகள் அந்த நேரத்தில் தான் மிகவும் அதிகமாக இந்த தேசத்தில் இருந்தார்கள், நிறைய கல்விக்கூடங்கள், மருத்துவமனைகள், சேவை மைய்யங்கள் என்று கிறிஸ்துவின் அன்பை நிச்சயமாக அறிவித்தார்கள், அதிகாரத்தில் இருந்தார்கள், இருந்தாலும் இந்த நாடு ஏன் கிறிஸ்தவ நாடாக மாறவில்லை!? தேவனுக்கு சித்தம் இல்லை என்று தான் சொல்ல முடியும்!! நாம் நம் ஊழியம் மூலம், தேவனுக்கு உதவிசெய்கிறோம் கட்டளையிடுகிறோம் என்றெல்லாம் நினைத்து ஏதேதோ செய்து வருகிறோம், ஆனால் தேவன் அனைவரையும் இரட்சிக்க தீர்மானித்திருக்கிறார், அதுவே அவரின் சித்தமாகவும் இருக்கிறாது என்று மேலே வசனத்தில் காண்பித்தேன், என்றால் தேவனின் சித்தம் நிறைவேறும் என்று நான் விசுவசித்து, அதையே அறிவிக்கிறேன்!! இதில் எந்த தவறும் இருப்பதாக நான் நினைக்கவில்லை!!

இன்று ஊழியங்கள், நற்செய்தி பெருவிழாக்கள், அற்புத கூட்டங்கள் இப்படி நடக்கும் எந்த ஒரு கூட்டத்திற்கும் செல்பவர்களில் 99% ஏற்கனவே சபைகளில் இருப்போர் தான்!! மீதம் உள்ள 1%த்தில் எத்துனை பேர் இந்த நற்செய்தியை கேட்டு, சத்தியத்தை அறிந்து, ஞானஸ்நானம் எடுத்து, ................ என்று இருப்பார்கள்!! யாருக்கு லாபம் இருக்கிறதோ, இல்லையே, கூட்டத்தை நடத்துவோருக்கு காணிக்கையும், கூட்டத்தில் பேசியவருக்கு சூட்கேஸும் நிறம்பும்!! இதற்கு தானே இத்துனை ஆர்ப்பாட்டம்!! இதை நீங்கள் தவறாக எடுத்துக்கொண்டாலும், உண்மை இதுவே!! யாரோ கஷ்ட்டப்பட்டு உழைத்து கொடுக்கும் பணத்தில் யாரோ குடும்பத்துடன் காரில் சுற்றுகிறார்கள், விடுமுறை என்று அமேரிக்கா, ஆஸ்த்ரேலியா சென்று வருகிறார்கள், வியர்வை சிந்தி அனுப்பும் பணத்தில் ஏசியில் குடும்பத்துடன் பதுங்கும் சோஃபாவில் அமர்ந்து வசனம் பேசுகிறோம் என்று சொல்லுகிறார்கள்!! இது தான் நற்செய்தியா!! //

Joseph on Sat Apr 16 07:29:25 2011

ஊழியங்களை பற்றி புரிந்துகொள்ளாமல் எதையாவது எழுதாதீர்கள். ஆங்கிலேய ஆட்சியின் காலத்தில் மிஷனரிகள் வந்தார்கள். ஆனால் இந்தியாவில் இருந்த ஆங்க்கிலேய ஆட்சியின் பிரதி நிதிகள் எந்த அளவுக்கு மிஷனரிகளுக்கு பாதகமாக இருந்தார்கள் என்பது மிஷனரி வரலாறு தெரிந்தவர்களுக்கு தான் புரியும். மக்கள் தெளிவடைந்து முன்னேறுவது ஆங்கிலேய ஆட்சியாளர்களுக்கு பிடித்தம் இல்லாமல் தான் இருந்தது.

மருத்துவமனைகள், கல்விக்கூடங்கள் அமைத்தது அந்த காலத்தில் இந்திய தேசத்தின் தேவையாக இருந்தது, ஆனால் அதன் மூலமாக மாத்திரம் சுவிஷேஷம் அறிவிக்கப்படவில்லை. நீங்கள் நாசரேத் மற்றும் தென் தமிழகத்தின் பகுதிகளில் உள்ள வயதானவர்களிடம் கேளுங்கள், அவர்கள் சொல்வார்கள் மிஷனரிகள் எப்படி ஊழியம் செய்தனர் என்பதை. மக்களின் பிரச்சனைகள் தேவைகள் போன்றவற்றை நேரடியாக சந்தித்தனர். இப்போதும் ஆர்.எஸ்.எஸ் போன்ற இந்து அமைப்புகள் கிறிஸ்தவ மிஷனரிகளை பின்பற்றி கல்விக்கூடங்கள், ஆஸ்பத்திரிகள் என வைத்திருக்கிறார்கள் ஆனால் அவை கிறிஸ்தவ மிஷன் போன்று செயல்படவில்லை, பெயர் பெறவும் இல்லை. மிஷனரிகளிடம் கிறிஸ்தவ அன்பு இருந்தது. அதன் மூலமாகவே பல ஆத்துமாக்களை சுதந்தரித்தனர்.

மிஷனரி ஊழியம் தேவ சித்தம் இல்லையா, இதைபோன்ற ஒரு அறிக்கையை என் வாழ் நாளில் கேட்டதேயில்லை. நீங்கள் புறப்பட்டு போய் சகல ஜாதிகளையும் சீஷராக்கி, பிதா, குமாரன், பரிசுத்த ஆவியின் நாமத்தினால் ஞானஸ்னானம் கொடுங்கள் என இயேசு இறுதி கட்டளை கொடுத்தாரே, இது மிஷனரி ஊழியத்துக்கான அறை கூவல் இல்லையா? ஒருவேளை பிதா, குமாரன், பரிசுத்த ஆவி என சொல்வதால் உங்களுக்கு இந்த வசனம் பிடிக்கலையோ என்னவோ.

அன்றைக்கு மிஷனரிகள் ஊழியம் செய்தது தான் இன்றைக்கு இந்தியாவில் கிறிஸ்தவம் வளர்ந்துவருகிறது. நீங்கள் வெறும் இந்திய மக்கள் தொகை கணக்கெடுப்பு அறிக்கையை மாத்திரம் வைத்து இந்தியாவில் கிறிஸ்தவர்கள் எங்கே வளர்ந்திருக்கிறார்கள் என்கிறீர்கள், எத்தனையோ பேர் வெளிப்படையாக பல்வேறு காரணங்களுக்காக தங்களை கிறிஸ்தவர்கள் என அறிவிக்காமல் ரகசிய கிறிஸ்தவர்களாக இருக்கிறார்கள் தெரியுமா? ஏதோ ஒரு ஊழியம் மூலமாக, சபையின் மூலமாக தனி நபரின் மூலமாக சத்தியத்தை அறிந்து கொண்டு, பைபிளை மறைத்து வைத்துக்கொண்டு, வெளியே வேற வேலையாக போகிறேன் என சொல்லிக்கொண்டு ஆலயத்துக்கு செல்லும் ரகசிய கிறிஸ்தவர்கள் எத்தனை பேர்.

இயேசு தொழுதுகொள்ளப்படும் தெய்வம் என்பதை நீங்கள் ஏற்றுக்கொள்ளாதவரை உங்களுக்கு இதெல்லாம் குழப்பமாக தான் இருக்கும். கூப்பிடுகிறவன் தொழுதுகொள்ள கூப்பிடவில்லை என்பது ஏரியனின் கருத்தா, சாரி இதை என்னால் ஏற்றுக்கொள்ள முடியாது.

சுவிஷேஷத்தை அறிவிக்குமுன் மக்களின் அடிப்படை தேவையை சந்திக்க வேண்டும், மிஷனரிகள் தென் தமிழகத்துக்கு வந்த காலத்தில் அப்பகுதி மக்களின் வாழ்க்கைத்தரம் எப்படி இருந்தது என்பதை நீங்கள் தென் தமிழக மாவட்டங்களை சார்ந்தவராக இருந்திருந்தால் அறிந்திருப்பீர்கள். அடிப்படை கல்வி, மருத்துவ வசதி போன்றவை மறுக்கப்பட்ட நிலையில் இருந்த அம்மக்களை சந்திக்க அடிப்படை வசதிகள் செய்துகொடுப்பது இன்றியமையாததாக இருந்தது, சுவிஷெஷம் அறிவிக்கப்பட இது ஒரு காரணி மாத்திரமேயன்றி இந்த கல்வி, மருத்துவ வசதிகளை மாத்திரம் மிஷனர்கள் செய்துகொண்டிருக்கவில்லை.

நீங்கள் திரித்துவத்தை ஏற்றுக்கொள்ள மாட்டீர்கள் அதை போல திரித்துவம் இல்லை என்ற உங்கள் ஏரியனிஸ்டு கருத்துக்களை நானும் ஏற்றுக்கொள்ள மாட்டேன்.

வைராக்கியமான பிற மத நம்பிக்கைகளை விட்டு இயேசுவை ஏற்றுக்கொண்ட ரகசிய கிறிஸ்தவ வாழ்க்கை வாழ்ந்து பார்த்திருக்கிறீர்களா? அதில் உள்ள கஷ்டம் தெரியுமா? ரகசிய கிறிஸ்தவர்கள் பெரும்பாலும் கடைசி வரை அப்படி வாழ்வதில்லை. கத்திரிக்காய் முற்றினால் கடைக்கு வந்தாகவேண்டும் என்ற வகையில் என்றோ ஒரு நாள் அவர்களது விசுவாசம் அவர்களது குடும்பத்திற்கு, சமுதாயத்துக்கு முன்னால் அவர்களால் அறிக்கை பண்ணப்படும். சில காரணங்க்களுக்காக தாங்கள் கொண்ட விசுவாசத்தை குறிப்பிட்ட காலம் வரைக்கும் மறைத்து வாழ வேண்டிய வாழ்க்கை அவர்களுக்கு. உங்களுக்கு எங்கே அந்த கஷ்டம் தெரியப்போகிறது.

Kovai:

//எப்படி, இயேசு கிற்ஸ்து தன் அப்போஸ்தலர்களிடம், நீங்கள் போய் சர்வ ஜாதிகளுக்கும் சுவிசேஷம் சொல்லும் முன், அவர்களுக்கு மருத்துவ வசதிகள் இருக்கிறதா, அவர்கள் பிள்ளைகள் படிக்க வசதிகள் இருக்கிறதா போன்றவற்றை பார்த்து, அது இல்லாவிட்டால் அதற்கு முதலில் மருத்துவமனைகள், கல்விக்கூடங்கள் திறந்து அதன் பின் அதன் மூலமாக தான் கிறிஸ்துவின் போதனைகளை தரச்சொன்னாரோ!! 

சர்வ ஜாதிகளுக்கும் போய் சுவிசேஷம் அறிவிக்க சொன்ன கிறிஸ்துவின் கட்டளையை ஏற்று, ஏன் உங்கள் ஆடம்பர ஊழியர்கள் ஆஃப்ரிக்கா கண்டத்திற்கு போக பயப்படுகிறார்கள்!! நீங்கள் சொன்ன தென் தமிழகத்திலிருந்து மாத்திரமே ஊழியர்கள் என்று சொல்லும் ஒரு கூட்டம் இந்தியா முழுவதும் பரவியிருக்கிறார்கள்!! அப்படி இந்திய முழுவதும் இன்று மிஷனரிகள், ஊழியர்கள் என்று இருந்தாலும் இந்தியாவின் கிறிஸ்தவ ஜனத்தொகையை சொல்ல முடியுமா!! இத்துனை ஊழியர்கள் மிஷனரிகள் இருந்தாலும் ஒரே விசுவசத்தில் இருக்கிறார்களா?? இத்துனை ஊழியர்களும் மிஷனரிகள் இருந்தாலும் இந்தியா கிறிஸ்தவ நாடாக இல்லையே, அப்படி என்றால் இது தானே தேவனின் சித்தம்!! மனுஷ குமாரன் வரும் போது விசுவாசத்தை கான்பாரோ என்கிற வசனத்திற்கு அர்த்தம் தெரியுமா!??

முதலாவது ஊழியர்களையும் மிஷனரிகளையும் மக்களுக்கு முன்பாக சாட்சியாக வாழ சொல்லுங்கள், கிறிஸ்தவம் தானாகவே வளரும்!! இவர்களை ஒருவரும் பாடு பட சொல்லவில்லை!! இவர்கள் வேலை செய்துக்கொண்டே ஊழியம் செய்தால் அடுத்தவர்களுக்கு முன்மாதிரியாக இருப்பார்கள்!! டீவி ஊழியம், பத்திரிக்கை ஊழியம், தீர்க்கதரிசின ஊழியம், என்று ஒவ்வொரு பெயராக வைத்துக்கொண்டு அதற்கு பணம் கேட்பதை நிறுத்தினாலே கிறிஸ்தவம் தானாகவே வளரும்!! முதலில் ஒவ்வொரு ஊழியனும், தன் தெருவில் இருப்பவர்களை பரலோகம் கூட்டி போக முடியுமா என்று பார்க்கட்டும், பிறகு நாட்டையோ, உலகத்தையோ பார்க்கலாம்!! தென் தமிழகத்தில் நடக்கும் ஒரு விஷயம் மாத்திரமே கிறிஸ்தவமாகாது!! கீழே இருக்கும் இத்துனை சபைகள் (பதிவு செய்யப்பட்டவைகள் மாத்திரமே) இருந்தும் கிறிஸ்தவ சதவிகிதம் 2.3% மாத்திரமே என்பது உங்களுக்கு தெரியுமா!! நீங்கள் சொல்லும் இரகசிய கிறிஸ்தவர்களை சேர்த்தால் 3% வரும்!! இவர்களை வேதத்தின்படி கிறிஸ்தவர்கள் என்று சொல்லக்கூடாது!! அப்படி என்றால் 350 வருடங்களாக மிஷனரிகளினாலும், நம் ஆடம்பர ஊழியர்களின் கூட்டு முயற்சினாலும் 3% தான் கிறிஸ்தவர்கள் இருந்துக்கொண்டு இருப்பதே, இப்படி பட்ட ஊழியமோ மிஷனரிகளோ தேவனின் சித்தம் தானா என்று யோசித்து பாருங்கள்!! ஒரே பிரசங்கத்தில் 3000 பேர், 5000 பேர், அனுதினமும் சபைக்குள் வந்துக்கொண்டு இருந்த அப்போஸ்தலர்களின் ஊழியம் எங்கே, இன்று நீங்கள் பேசும் ஊழியமும் ஊழியர்களும் எங்கே!!??//

Joseph on Sat Apr 16 07:29:25 2011

உனக்கு நன்மை செய்ய திராணி இருக்கும் போது அதை செய்யாமல் இராதே என்கிறது வேதம். இன்றைக்கும் மிஷனரிகள் ஆரம்பித்து வைத்த பள்ளிகள், கல்லூரிகள் வைத்திய சாலைகள் பலரது வாழ்க்கைக்கு கலங்கரை விளக்கமாக இருந்திருக்கின்றன. இந்த சிறியரில் ஒருவனுக்கு எதை செய்தீர்களோ அதை எனக்கே செய்தீர்கள் என்றார் இயேசு. நல்ல சமாரியன் கூட அடிபட்டு கிடந்தவனை காயம் கட்டி அவனது சிகிச்சைக்கு ஏற்பாடு தான் முதலில் செய்தான். ஒரு இடத்தில் நற்செய்தி அறிவிக்குமுன் அதற்கான பாதையை செவ்வைபண்ண வேண்டும். 

ஆனானப்பட்ட பவுலே, பொறாமையினாலாவது, என்னத்தினாலாவது சுவிஷேஷம் அறிவிக்கப்பட்டால் சரி என்கிறார். பொறாமையினால் அறிவிக்கப்படும் சுவிஷேஷத்தையே பவுல் சகித்துக்கொள்கிறார், ஏற்றுக்கொள்கிறார், நீங்கள் நல்ல நோக்கத்தினால் செய்யப்படும் மிஷனரி பணியையே குறை சொல்கிறீர்கள். எண்ணிக்கையை மாத்திரம் வைத்து கிறிஸ்தவ சபை எங்கே வளர்ந்திருக்கிறது என்கிறீர்கள், அன்றைக்கு பெருவெள்ளம் வந்த போது நோவாவின் குடும்பத்தினர் மாத்திரம் தானே தப்பித்தனர், சோதோம் பட்டணத்தில் 10 நீதிமாங்களாவது தேறுவார்களா என்றுதானே ஆண்டவர் பார்த்தார். எண்ணிக்கையை விட மனமாற்றத்தின் தன்மையை தானே தேவன் பார்க்கிறார். மனந்திரும்புகின்ற ஒரு பாவியின் நிமித்தம் பரலோகமே சந்தோஷப்படும் என்கிற வசனம் உங்களுக்கு தெரியவில்லையா, இன்றைக்கு இந்திய நாட்டிற்கு வெள்ளை மிஷனரிகள் வந்திராவிட்டால் நீங்கள் ரட்சிப்பை குறித்து அறிந்திருப்பீர்களா? இல்லை இப்படி விவாதம் செய்யவாவது நமக்கு சந்தர்ப்பம் இருந்திருக்குமா, தயவு செய்து மிஷனரிப்பணியை மட்டுப்படுத்தி பேசாதீர்கள். உங்காளுக்கு வேண்டுமானால் மிஷனரிப்பணியில் ஆர்வம் இல்லாமல் இருக்கலாம், அதற்கான ஈடேற்றத்தில் இருப்பவர்களை சந்தேகத்திற்குள்ளாக்காதீர்கள்.

நான் பேசிக்கொண்டிருப்பது நற்செய்தி அறிவிக்கும் மிஷனரிப்பணியை, ஆடம்பர ஊழியர்களை பற்றி அல்ல, அவர்களது ஆடம்பர வாழ்க்கையை நான் ஆதரிப்பவன் அல்ல. ஊழியத்தில் ஆடம்பரம் தேவையில்லை என்ற கருத்துடையவன் தான் நானும். இந்த ஒரு விஷயத்தில் உங்கள் கருத்தில் எனக்கு உடன்பாடு உண்டு.

இந்தியா கிறிஸ்தவ நாடாக இல்லை என அங்கலாய்க்கிறீர்கள், உலகத்தின் எத்தனையோ கிறிஸ்தவ நாடுகளின் ஜனத்தொகையை விட இந்திய கிறிஸ்தவர்களின் எண்ணிக்கை அதிகம் என அறிவீர்களா. நற்செய்தி பணியினால் ரட்சிப்படைந்தோர் உங்கள் கோவை பெரெயன்ஸ் அலுவலகத்திற்கு வந்து தங்கள் பெயரை பதிவு செய்தால் தான் சுவிஷேஷப்பணியின் நம்பகத்தன்மையை அங்கீகரிப்பீர்களோ? தேவன் விரும்புவது மனமாற்றமேயன்றி கெசட்டில் போய் கிறிஸ்தவர்கள் என பதிவு செய்வதை அல்ல. எனவே தான் சொல்கிறேன் இந்திய மக்கள் தொகை கணக்கெடுப்பை வைத்து கிறிஸ்தவர்களின் எண்ணிக்கையை எடை போடாதீர்கள் என.

ஆப்பிரிக்கா போகவேண்டியது தானே என்கிறீர்கள், நாம் கேள்விப்பட்டதை அறியாத எத்தனையோ இனங்கள் ஜாதிகள் இந்தியாவில் இருக்கின்றனவே. இந்தியாவில் ஊழியம் செய்வது எளிது என தப்புக்கணக்கு போடாதீர்கள், அதுவும் சுவிஷேஷப்பணிக்கு எதிரான மன நிலையில் இருக்கும் இடங்களில் மிஷனரிகள் எப்படி உயிரை பணயம் வைத்து ஊழியம் செய்கிறார்கள் தெரியுமா?

மிஷனரி ஊழியம் பற்றி தெரிந்துகொள்ள வேண்டும் என்றால் ஜெம்ஸ் ஊழியத்தை எப்படி அகஸ்டின் ஜெபக்குமார் ஆரம்பித்தார் என விசாரித்து பாருங்கள். பின் தங்கிய, மிஷனரிகளின் கல்லறை தோட்டம் என்றழைக்கப்பட்ட பீகாரில் ஜெம்ஸ் ஊழியம் கொண்டுவந்துள்ள மாற்றத்தை வாசித்து பாருங்கள் தெரியும். அவரை போன்ற மிஷனரிகள் பென்ஸ் காரில் போகிறவர்கள் அல்லர், அல்லது அமெரிக்காவுக்கோ ஆஸ்திரேலியாவுக்கோ விடுமுறைக்கு செல்கிறவர்கள் அல்ல , ஒரு நாளின் ஒவ்வொரு மணித்துளியையும் எப்படி கிறிஸ்துவின் நற்செய்தியை அறிவிக்கவேண்டும் என யோசிப்பவர்கள். எனவே தயவு செய்து மிஷனரி பணியை தேவசித்தம் உள்ள ஊழியம் அல்ல என மட்டுப்படுத்தவேண்டாம். உங்களால் முடிந்தால் அகஸ்டின் ஜெபக்குமார் எழுதிய "நீ இல்லாவிட்டால்" என்ற புத்தகத்தை வாசித்து பாருங்கள் தெரியும், தேவன் எப்படி அவரது சித்தத்தை நிறைவேற்ற அவரை அழைத்தார் என. நானெல்லாம் அவரை பற்றி வாசிப்பதற்கு அவர் என்ன பெரிய ஆளா என்றால் சாரி, இதற்கு மேல் ஒன்னும் சொல்வதற்கில்லை

இப்போதும் இதையெல்லாம் பெரிதாக நீங்கள் நினைப்பவர் அல்ல என்று தான் எண்ணுகிறேன், ஒருவேளை என் எண்ணம் தவறானால் மிஷனரிப்ணியை பற்றி சிறிதேனும் அறிந்துகொள்ள முயற்சி செய்யுங்கள். உலகப்பிரகாரமான நாட்டின் ராணுவத்தைற்கே இவ்வளவு உணர்ச்சி பெருக்கிட்ட நீங்கள், திறப்பின் வாசலில் நின்று அந்தகார வ்ல்லமைகளோடும் எதிர்ப்புகளோடும் போராடும் மிஷனரிகளை பற்றியும் கரிசனையுடன் சற்று சிந்தியுங்கள். மிஷனரி பணியை பற்றி இவ்வளவு எழுத காரணம். அது முழுமையான தேவ சித்தத்தின் படி நடைபெறும் பணி என்பதை நான் முழுமையாக நம்புவதால் தான். பல மிஷனரிகளை எங்கள் உறவினர்களின் குடும்பத்தினர் களப்பணிக்கு அனுப்பியதால் எனக்கு தெரியும் அது எப்படிப்பட்ட பணி என.