Yauwana Janam

Ashokkumar wrote:

---

சகோ.கோல்டா,

தலைப்பை தமிழில் பார்த்ததும் ஓடோடி வந்தேன். கொஞ்சம் தமிழில் எழுதலாமே. முடிந்தால், மொழிபெயர்த்தாவது போடலாம். மொழிபெயர்ப்பது ஒரு நல்ல ஊழியமே.

 

---

ஏஞ்சல் டிவியில்  "ஓமேகா கேட்வே" (Omega Gateway) என்ற பெயரில் ஒரு திருடனின் நிகழ்ச்சியை ஒளிபரப்புவார்கள்;அந்த திருடனின் முகத்தைப் பார்த்தாலே சூனியக்காரனின் முகம் போல ஜொலிக்கும்;அவனுக்கு ஒரு பெந்தெகொஸ்தே பாஸ்டர் (இவர் வெள்ளை ஜிப்பா போட்டதைக் குறைகூறி சாது கடந்தவாரத்தில் பேசினார்...) மொழிபெயர்ப்பார்;

அப்படி ஒரு சமயம் அந்த திருடன் கூறியதையே இங்கே கோல்டா அவர்கள் ஆங்கிலத்தில் போட்டிருக்கிறார்கள்; இதெல்லாம் சீஸ் கொழுப்பெடுத்த வெளிப்பாடுகளாம்; அதாவது அந்த திருடன் சொல்லுகிறான்,வியாழன் கிரகத்தையே ஆண்டவர் புதிய உலகமாக சிருஷ்டிக்கப்போகிறாராம்;அதோடு மாத்திரமல்ல, இதனை நிரூபிப்பதுபோல இந்த ஆளையே ஆவியானவர் வியாழன் கிரகத்துக்கு ஒரு ஃப்ரீ டூர் அழைத்துச்சென்றுவந்தாராம்;

இது எப்படி இருக்கு..?

அவனவனுக்கு இங்கே விலைவாசி பிரச்சினையிலேர்ந்து பல பிரச்சினைகள் தலைக்கு மேல இருக்க இவனுங்களுக்கு பொழுதுபோகலையோ என்னவோ , ஒரு டிவி மீடியா கிடைத்தது என்று கண்டதையும் உளறிக்கொண்டிருக்கிறார்கள்;

அதாவது மணவாளன் வருகிறார் என்ற தலைப்பில் கோல்டா சொல்லவருவது யாதெனில் இயேசுவானவரே மணவாளன் என்பது நாம் அறிந்ததே;அவர் யோவான் 14- ல் சொன்னவண்ணமாக ஆயத்தப்படுத்திக் கொண்டிருக்கும் ஸ்தலம், வியாழன் போன்ற ஏதோ ஒரு பிரம்மாண்டமான பிளானட் (Planet) தான் என்பது நம்ம ஆட்களின் யூகம்;யூகிக்கவும் கற்பனை செய்யவும் எல்லோருக்கும் உரிமையுண்டு;ஹாலிவுட்டில் இதுபோன்ற ஆட்களுக்கு நல்ல மவுசு;

ஆனால் இது கர்த்தருடைய காரியம் ஆச்சுதே, அவனுங்களுக்கு தான் பயமில்லாமற் போச்சுன்னா கேட்கிற நமக்கு புத்தி எங்கே போச்சு..?

• "தேவனுடைய ராஜ்யம் எப்பொழுது வருமென்று, பரிசேயர் அவரிடத்தில் கேட்டபொழுது, அவர்களுக்கு அவர் பிரதியுத்தரமாக: தேவனுடைய ராஜ்யம் பிரத்தியட்சமாய் வராது.

• இதோ, இங்கே என்றும், அதோ, அங்கே என்றும் சொல்லப்படுகிறதற்கும் ஏதுவிராது; இதோ, தேவனுடைய ராஜ்யம் உங்களுக்குள் இருக்கிறதே என்றார்."(லூக்கா.17:20,21)

இவ்வாறு ஆண்டவர் தெளிவாகச் சொல்லியிருக்க,பவுலைப் போன்ற அப்போஸ்தலர்களுக்கே வெளிப்படுத்தப்படாத தரிசனங்களெல்லாம் தங்களுக்கு வெளிப்பட்டதாகச் சொல்லி சிலர் கிளம்பியிருப்பதால் என்ன பாதிப்பு தெரியுமா, கிறித்தவம் என்பதே பொதுஜனத்தின் பார்வையில் கேலிக் கூத்தாகியிருக்கிறது;

இவர்களுடைய தரிசனங்களையெல்லாம் இதுபோல மீடியாக்களில் அறிவிப்பதைவிட ஆண்டவரும் அப்போஸ்தலர்களும் செய்ததுபோல சிறு குழுக்களிடம் மாத்திரம் அறிவிக்கலாம் அல்லது கிறித்தவ மார்க்கத்தின் மூத்த தலைவர்களிடம் விவாதித்தபிறகு சத்தியவேதத்துடன் ஒப்பிட்டு பார்த்து பிறகு அறிவிக்கலாம்;அல்லது எல்லாவற்றைக்காட்டிலும் உத்தமமான காரியம் என்னவென்றால் அனைத்தையும் எழுதி முத்திரை போட்டு இவர்கள் செத்தபிறகே வாசிக்கவேண்டும் என்று முத்திரையிட்டு பூட்டி வைக்கலாம்;

தம்முடைய ஜனத்தை எப்படி கூட்டி சேர்க்கவேண்டும் என்பது அவர்களுடைய மீட்பருக்கு தெரியாதா,என்ன‌..?