Yauwana Janam

chillsam · Senior Member>>>ஒளி வீசுக..!

RE: "கிறிஸ்தவ விசுவாசம்" என்றால் என்ன?

chillsam · Senior Member>>>ஒளி வீசுக..!

அன்புள்ள தள சகோதர சகோதரிகளே நான் ஏற்கெனவே பலமுறை குறிப்பிட்டுள்ளபடி நான் யாரும் சொல்லியோ அல்லது யாருடைய நிர்பந்தத்தின் அடிப்படயோலோ இயேசுவை ஏற்றுக்கொள்ளாமல். மிகப்பெரிய பிரச்சனையில் மாட்டி சாவின் விளிம்பில் இருந்த என்னை, ஒரு வேதாகம புத்தகத்தின் மூலம் தேவன் என்னை சந்தித்து அபிஷேகித்த்தால் , கிரிஸ்த்தவம்தான் சரியான மார்க்கம் என்று முடிவு செய்து இயேசுவை ஏற்றுக்கொண்டு கிறிஸ்தவனாக இருக்கிறேன்.

"ஆண்டவராகிய இயேசுவை ஏற்றுக்கொண்டு, ஞானஸ்தானம் பெற்று பாவங்கள் மன்னிக்கப்பட்டு, பரிசுத்த ஆவியானவரின் அபிஷேகத்தை பெற்று, இயேசுவின் கற்பனைகளுக்கு கீழ்படிந்து பரிசுத்தமாக வாழ்வதுதான்" கிறிஸ்த்துவ விசுவாசம் என்று நான் கருதிக்கொண்டு இருக்கிறேன். இந்நிலையில் எனது விசுவாசத்தின் அடிப்படையில் ஆவியானவர் துணையுடன் வேதத்தை ஆராய்ந்தும் எனது அனுபவத்தின் அடிப்படையிலும் நான் எழுதும் அனேக கருத்துக்கள் "கிறிஸ்த்தவ விசுவாசத்துக்கு எதிரானது" என்பது போன்ற கருத்துடன் பலரால் விமர்சிக்கபடுகின்றன. ஆனால் ஒரே விசுவாசம் என்று சொல்லி இருக்கும் சகோதரர்களுக் கிடையேகூட சிலபல கருத்துக்களில் ஒற்றுமை இல்லாத நிலையே இருக்கிறது.

எனவே " அடிப்படை கிறிஸ்த்தவ விசுவாசம் என்றால் என்ன?" என்பது குறித்து அறிந்துகொள்ள ஆர்வமுடன் இருக்கிறேன். உலக தோற்றத்தில் இருந்து முடிவு வரை கிறிஸ்த்தவ விசுவாசம் என்ன சொல்கிறது என்பதை அறிந்து கொண்டால் என்னை நான் சரிபார்த்துகோள்ள எதுவாக அமையும் என்று கருதுகிறேன்.

எனவே தள சகோதரர்களில் யாராவது அவர்கள் சபையில் போதிக்கப்பட்ட அல்லது அவர்கள் அறிந்த கிறிஸ்த்தவ விசுவாசம் என்ன? என்பதை சுருக்கமாக விளக்கினால் எனக்கு பயனுள்ளதாக இருக்கும். அல்லது அதுபற்றிய செய்தி எந்த தளத்தில் இருக்கிறது என்று தொடுப்பு கொடுத்தால் கூட நான் படித்து அறிந்து கொள்ளலாம்.

சகோ. சந்தோஷ் அவர்கள் தமிழ் கிறிஸ்த்தவ தளத்தில் இது குறித்து ஒரு கேள்வியை முன்வைத்திருந்தார்கள். நல்ல சமயத்தில் எழுப்பபட்ட அந்த கேள்விக்கு பதில் வரும் நாமும் உண்மையை அறிந்துகொள்ளலாம் என்று எதிர்பார்ப்புடன் இருந்தேன். ஆனால் அந்த கேள்விக்கு இதுவரை யாராலும் பதில் சொல்லப்படவில்லை.

எனவே அன்பானவர்களே "கிறிஸ்த்தவ விசுவாசத்தை" பற்றி சுருக்கமாகவும் முழுமையாகவும் யாராவது எனக்கு சற்று விளக்குங்களேன்!

மேற்காணும் கேள்வியை எழுப்பி விளக்கம் கோரியிருப்பவர் இறைவன் எனும் தளத்தை நிறுவி ஆயிரத்துக்கும் மேற்பட்ட பதிவுகளைக் கொடுத்திருக்கும் சுந்தர் என்பவர் ஆவார்;அவருடைய தற்போதைய நிலையானது மெய்யாகவே ஒரு சுயபரிசோதனைக் கட்டமாக இருக்குமானால் அதனை யௌவன ஜனம் தளமானது மனதார வரவேற்று அவருக்கு நேசக்கரம் நீட்டுகிறது;இதுபோல அறிந்துகொள்ளும் பாவனையுடனும் ஆர்வத்துடனும் யார் வந்தாலும் அவர்களுக்கு நம்மால் இயன்ற உதவிகளை இன்முகத்துடன் செய்துவருகிறோம்;ஆனால் தீர்மானமாக எதையாவது வெளிப்பாடு என்ற பெயரில் அறிவித்தால் அதனைக் கடுமையாக எதிர்த்து வருகிறோம்;சுந்தர் எழுப்பியிருக்கும் இந்த கேள்விக்கு நாம் அளிக்கும் பதில் அவருக்கு திருப்தியை அளித்து அவரும் நம்மை நண்பராக ஏற்றுக்கொள்வாரானால் அதைவிடப் பெரிய சந்தோஷம் நம‌க்கு எதுவும் இருக்கமுடியாது.

சுந்தரின் கேள்விக்கு பதிலளிக்க முதலில் நண்பர்கள் முயற்சிக்கட்டும், தொடர்ந்து நான் பதிலளிப்பேன்..!