Yauwana Janam

chillsam wrote:

---

 பரலோகத்திலுள்ள அனைத்து ஜீவராசிகளின் அமைப்பின் மற்றொரு பிரதியே இந்த பூமி என்கிறார்; அதாவது இந்த பூமியிலுள்ள அனைத்து ஜீவன்களில் ஒரிஜினல் பரலோகத்தில் இருக்கிறதாம். எந்த அடிப்படையில் இவ்வாறு சொன்னார் என்பதை இந்த் நிகழ்ச்சியைப் பார்த்துக்கொண்டிருப்போரே விளக்கிடவேண்டும்.

---

இப்படி அவர் சொன்னது போல் எனக்கு ஞாபகமில்லை!

பரலோக மாதிரியின்படி தான் ஆசாரிப்புக் கூடாரம் அமைக்கப்பட்டது என்று ஒரு முறை சொல்லியிருக்கிறார்.அதாவது ஆசரிப்புக் கூடாரத்தில் உள்ள பொருட்கள் எல்லாம் பரலோகத்தில் இருக்கிறது. அதெல்லாம் பரலோகில் உள்ள ஒரு இடம் என்று சொல்லியிருக்கிறார். ஆசாரியர்கள் தங்களை சுத்திகரிக்கும் தண்ணீர் தொட்டி போல் அங்கும் சுத்திகரிக்கும் தண்ணீர் கடல்(கண்ணாடிக் கடல்?) உண்டு. பூமியிலிருந்து பரலோகம் செல்லும் ஆத்துமாக்கள் இதில் மூழ்கி ஒரு இறுதி சுத்திகரிப்பு செய்து கொள்ளுமாம். அது போல், இரத்த சாட்சியாக மரித்த ஆத்துமாக்கள் பரலோகத்திலுள்ள பலி பீடத்தின் அருகில் வைக்கப்பட்டிருப்பார்களாம். இப்படி இவரும், இவர் போன்ற ஊழியரும் சொல்லியிருக்கிறார்கள்!

இன்று 24.08.2011 இரவு 11:20 மணி:ஏஞ்சல் டிவியில் சாதுஜி ஆனந்துவுடன் உரையாடுகிறார்;"புறம்பான இருளில்..." என்று ஆண்டவர் சொன்னாரே அது இவ்வளவு நாளும் நரகம் என்று நினைத்துக்கொண்டிருந்தேன்;ஆனால் புறம்பான இருள் என்பது நரகமோ பாதாளமோ அல்ல அது பரலோகத்திலேயே இருக்கும் மற்றொரு பகுதி என்கிறார்,சாது; மேலும் விளக்குவதற்கு அவருடைய ஆவி தடுப்பதால் அத்துடன் நிறுத்திக்கொண்டார். பரலோகத்திலுள்ள அனைத்து ஜீவராசிகளின் அமைப்பின் மற்றொரு பிரதியே இந்த பூமி என்கிறார்; அதாவது இந்த பூமியிலுள்ள அனைத்து ஜீவன்களில் ஒரிஜினல் பரலோகத்தில் இருக்கிறதாம். எந்த அடிப்படையில் இவ்வாறு சொன்னார் என்பதை இந்த் நிகழ்ச்சியைப் பார்த்துக்கொண்டிருப்போரே விளக்கிடவேண்டும்.

Bro Chillsam: எருசலேமில் நடந்து, நேரடி ஒளிபரப்பான (2007) ஓப்பன் ஹெவன் தீர்க்கதரிசன மாநாட்டின் உச்சக்கட்டத்தில் தூதர்களெல்லாம் இறங்கி வந்ததாகவும் அதற்கு அத்தாட்சியாக அந்த இடத்தில் ஏராளமான பிராய்லர் கோழியின் வெண்ணிற சிறகுகள் சிதறிக்கிடந்ததாகவும் அறிவித்தார்களே அப்போதே இவர்களை உங்களைப் போன்றவர்கள் விலக்கியிருக்க வேண்டாமா? அந்த செய்தி இப்போதும் இணையத்தில் இருக்கிறது; உங்க‌ளுக்குத் தேவையானால் எடுத்து தருகிறேன்.

Golda: அந்த நேரடி ஒளிபரப்பை நான் பார்க்கவில்லை. ஆவிக்குரிய அனுபவங்கள் எல்லாமே பொய் என்று சொல்வதும் மிகத் தவறு.

Bro Chillsam:சாதுஜி எனக்கு நெருக்கமானவர்களுக்கு என் பெயரைக் குறிபிட்டு ஒரு மெயில் அனுப்பி , எனக்கு அவர் ஏஞ்சல் டிவியில் வாய்ப்பு தராத காரணத்தினாலேயே நான் அவரைக் குறித்து அவதூறு பிரச்சாரம் செய்வதாக தன்னிலை விளக்கம் கொடுத்திருக்கிறார்;

நீங்க அவ்வளவு பாப்புலரா??

Bro Chillsam:ஆனால் ஒரே ஒரு லாபம் என்னவென்றால் நான் மீண்டும் மீண்டும் ஏஞ்சல் டிவிக்கு போன்செய்து விசாரித்ததால் என்மூலம் எச்சரிக்கப்பட்ட பலரும் அங்கிருந்து வெளியேறி அந்த டீம் கலைந்தது;

அப்படி என்ன எச்சரித்தீர்கள்?

Bro Chillsam:என்ன, ஆனந்தை காப்பாற்ற முடியவில்லையே என்ற வருத்தம் இப்போதும் எனக்கு உண்டு; ஆனால் அதற்குக் காரணம் அவர் அப்பாவி என்பதல்ல, அவருடைய தரிசனம் என்னவென்றால், எப்படியாவது ஒரு நாளில் சாதுஜிக்கு தத்துப்பிள்ளையாக மாறி ஏஞ்சல் டிவியின் முதலாளியாக வேண்டும் என்பதே; ஏனெனில் அவருடைய காதல் மனைவியின் மீது சாதுஜிக்கு கொள்ளைப்பிரியமாம்;அடிக்கடி அவரைக் குறித்தே விசாரிப்பதை நீங்கள் நிகழ்ச்சிகளில் கவனித்திருக்கலாம்.

பாவம் ஆனந்த்! பயங்கரமா சதித்திட்டம் தீட்டுறீங்களே!

குடும்பத்தை விசாரிப்பதில் தவறொன்றும் இருப்பதாக எனக்குத் தெரியவில்லை.

chillsam wrote:

---

கோல்டா போன்று சாதுஜிக்கு "நெருக்கமானவர்கள்" தயவுசெய்து அந்த ஆளிடம் இதைக்குறித்து கேட்டு சொல்லவும்;அதாவது, தூதர்கள் மனு உருவெடுத்து இளங்கன்னியரை அனுபவித்து செல்வதாக சொல்லுகிறீரே,அதனை ஆம் என்றே வைத்துக்கொண்டு யோசிப்போம்,அப்படியானால் மரியாளுக்கும் காபிரியேல் தூதனுக்கும் ஏதாவது கனெக்ஷன் இருந்திருக்குமோ என்று (மேசியாவின்) எதிரிகள் யோசிக்கமாட்டார்களா? வெறும் வாயை மென்றவர்களுக்கு அவலைப் பரிசாகக் கொடுப்பது போல இருக்கிறதே, உங்களுடைய கருத்து..! உண்மையாக சொல்லுங்க, ப்ளீஸ், இதை ப்ரன்ஹாம் தானே முதன்முதலில் கண்டுபிடித்து போதித்தார்..?

---

இது நான் இன்று ஏஞ்சல் டீவீக்கு அனுப்ப இருந்த மெயில். நீங்க பார்ப்பதால் ஒன்றும் மோசமில்லை. என்ன ஒற்றுமை பாருங்கள். நானும் அவல் உபயோகப்படுத்தியிருக்கிறேன்!

 ---

கற்பு:

ஒரு வாலிபர் முகாமில், ஒரு வாலிபப் பெண் இறந்து விட்டதாகவும், அவளுடைய பெற்றோர், அவள் கன்னி கழியாமல் கற்புக்கரசியாக பரலோகம் சென்றாள் என்று சொல்லி ஆறுதலைடைந்தார்கள் என்று சொன்னீர்கள். அது ஒரு விசேஷம் தானே என்று சொன்னீர்கள். இதில் என்ன விசேஷம் இருக்கிறது என்று எனக்கு சுத்தமாக புரியவில்லை. கல்யாணம் ஆனவர்கள் கற்புக்கரசிகள் கிடையாதா? கற்பு என்றால் ஒரே சினேகம் என்பதுதான் வேதத்தின்படியான சரியானஅர்த்தம். Side q: அத்துடன் ஒரு வாலிபன் இறந்திருந்தால் இப்படி வசனம் பேசியிருப்பார்களா? கன்னித்தன்மையும்,கற்பும் ஆணுக்குக் கிடையாதா??

ஜாதி:

ஒரு ஜாதிக்கும் இன்னொரு ஜாதிக்கும் பழக்க வழக்கத்தில் வித்தியாசம் இருப்பதால் , ஜாதி விட்டு ஜாதி திருமணம் செய்வது கஷ்டம், ஒத்து வராது என்று ஒருவர் எழுதியதாகவும், இந்த விளக்கம் சரியாகப் படுகிறது என்றும் சொன்னீர்கள். என்ன அநியாயம் இது! இப்படியெல்லாம் சொல்லி ஜாதி வைத்து மனிதர்களைப் பிரிக்கும் அசிங்கத்தை ஆதரிக்க வேண்டுமா? இருதயம் திருக்குள்ளதும், மகா கேடுள்ளதுமாய் இருக்கிறது. ஜாதியை விட மனமில்லா மனது எப்படியெல்லாம் காரணம் கண்டு பிடிக்கிறது பாருங்கள்.

ஒரே ஜாதியிலும், ஒருவர் போல் இன்னோருவர் கிடையாது. இந்த வேறுபாடு தான், பல திருமணங்களில் பிரச்சினை கொண்டு வருகிறது. ஒரு குடும்பம் போல் இன்னோரு குடும்பம் கிடையாது. ஒரு ஊர் போல் இன்னோரு ஊர் கிடையாது.ஒரு மாநிலம் போல் இன்னோரு மாநிலம் கிடையாது .ஒரு நாடு போல் இன்னோரு நாடு கிடையாது. அப்ப யாரைத்தான் திருமணம் செய்வது??

பழக்க வழக்கத்தில் வித்தியாசம் இருந்தால் தான் என்ன? Adjust பண்ணிக் கொள்ள முடியாதா? அந்த அளவுக்கு சகிப்புத் தன்மையற்றவர்களா கிறிஸ்தவர்கள்?

இவங்கள்லாம் வேற ஜாதி. பாவ ஜாதி. நான் பூமிக்குப் போக மாட்டேன் என்று இயேசு கிறிஸ்து சொல்லியிருந்தால் நம் கதி என்னவாகி இருக்கும்? அவர் பரலோக கலாச்சாரத்தை விட்டு, பாவ கலாச்சாரத்திற்கு வரவில்லையா? மாற்றுக் கலாச்சார இடங்களுக்கு/நாடுகளுக்கு மிஷினரிகள் போக வில்லையா? நீங்க நேபாளம் போக வில்லையா? ஆபிரகாம் எங்கே போகிறோம் என்று தெரியாமல் ஆணடவர் சத்தம் கேட்டு கிளம்ப வில்லையா?

ஆண்டவர் பார்வையில் இரண்டே ஜாதிதான். பாவ ஜாதி, பரிசுத்த ஜாதி. விசுவாசி அவிசுவாசியோடே ஐக்கியப்படுவதைத்தான் ஆண்டவர் விரும்புகிறதில்லை

ஜாதி அசிங்கம், கொடுமை, கேவலம். தயவு செய்து எந்த காரணத்தை வைத்தும் இதை ஆதரிக்காதீர்கள். இது கண்டிப்பாக ஆண்டவருக்கு பிரியமற்ற காரியம். இது கிறிஸ்தவ விசுவாசத்திற்கு எதிரானது.

கிறிஸ்தவ பிராமணா சேவா சங்கம், தலித் கிறிஸ்தவ அமைப்பு என்றெல்லாம் ஜாதியுடன் கூடிய அமைப்புகள் எந்தளவுக்கு கிறிஸ்துவுக்கு மகிமை கொண்டு வருகிறது என்று தெரியவில்லை.கிறிஸ்தவ பிராமணா சேவா சங்கம் நடத்துபவர்கள், பிராமணர்கள்(உயர் ஜாதி இந்துக்கள்) மக்கள் மத்தியில் ஊழியம் செய்ய ஆண்டவர் அழைத்திருக்கிறார் என்று சொன்னார்கள். செய்யட்டும். அதற்கு “பிராமண” என்ற பெயர் தேவைதானா? இரட்சிக்கப்படும் வரை தான் உயர் ஜாதி பிராமணர்கள். இரட்சிக்கப்பட்ட பின் எல்லோரும் இயேசுவின் பிள்ளைகள் - அனைவரும் சமம் என்ற வெளிப்பாட்டிற்குள் வர வேண்டாமா? எல்லோரும் ஒரே குடும்பம், ஒரே சரீரத்தின் அங்கம் என்றால் ஒரே ஜாதிதானே எல்லோரும்!

இப்படிப் பட்ட மோசமான இந்திய/இந்து கலாச்சார மனப்பான்மையிலிருந்து வெளியே வருவதுதான் சரி.

நோவாவின் காலம்: லூக் 17:27

நோவாவின் காலத்தில் தேவ தூதர்கள்-மனிதர்கள் கலப்பில் இராட்சதர்கள் பிறந்து பூமியைக் கொடுமையினால் நிரப்பினார்கள். அது போலவே கடைசி காலத்திலும் நடக்கும் என்று ஆணித்தரமாக அடித்து அரைமணி நேரம் பேசினதை ஏஞ்சல் டீவீ யில் பார்த்தேன். இது ஒரு controversial topic அல்லவா. எல்லோராலும் இந்த உபதேசத்தை ஏற்றுக் கொள்ள முடியாதே. இதை எதற்காக நீங்க இவ்வளவு நேரம் செலவழித்து பேச வேண்டும். These type of teachings may push many away from you and angel tv. இப்படிப்பட்ட காரியங்களை நீங்க ”நெஞ்சினிலே” நிகழ்ச்சியில் பேசுவது ஓகே. ஆனால் ஒரு சீரியஸான செய்தியில் பேசுவது சரிதானா? நீங்கள்லாம் (கள்ள தீர்க்கதரிசியான?) பிரன்ஹாம் கோஷ்டி என்று ஒரு கூட்டம் (???) உங்களைப் பற்றி தீவிரமாக பிரச்சாரம் செய்து கொண்டிருக்கிறது. தமிழ் நாட்டை ஏஞ்சல் டீவீ மூலம் வஞ்சிக்க கிளம்பி விட்டீர்கள் என்றும் சொல்லிக் கொள்கிறார்கள். அவர்கள் வாய்க்கு மெல்ல அவல் இப்படி நீங்களே கொடுக்க வேண்டுமா?

லூக் 17:27 வசனமானது ஆவிக்குரிய காரியங்களுக்கு முக்கியத்துவம் கொடுக்காமல், உலகம் உலகம் என்று உலகப் பிரகாரமான படிப்பு, வேலை, கல்யாணம், சாப்பாடு, வீடு கட்டுவது போன்ற காரியங்களிலேயே முழு கவனமும் செலுத்தி, அழிந்து போகும் மனப்பான்மையை குறிப்பதாகத்தான் எனக்குத் தோன்றுகிறது. நான் இம்மைக்காக மட்டும் வாழ்வது பரிதாபத்திற்குரியது என்று சொல்லும் பல வசனங்கள் வேதத்தில் இருக்கிறதே. பவுலும் கூட 1 கொரி 7: 29,32 இல் காலம் கடைசியாக இருப்பதால், திருமணம் குடும்ப வாழ்க்கைக்கு முக்கியத்துவம் கொடுக்காமல் ஆவிக்குரிய வாழ்க்கைக்கும் ஆண்டவருக்கு பிரியமாய் வாழ்வதற்கும் முக்கியத்துவம் கொடுக்கும் படி சொல்கிறார். இப்படி சொல்வதால் திருமணம் தவறு என்று அவர் சொல்வதாக எடுத்துக் கொள்ள முடியாது.

அது போல் லூக் 17:27 க்கு வேறு அர்த்தம் கண்டு பிடிக்க வேண்டிய அவசியம் இல்லை. ஒருவேளை அப்படி ஒரு அர்த்தம் இருப்பதாக ஆண்டவர் உங்களுக்கு வெளிப்படுத்தியிருந்தால், பொதுவான அர்த்தத்தோடு , உங்களுக்குக் கிடைத்த வெளிப்பாட்டையும் , இரண்டையும் சேர்த்து (???) சொல்வது மிகவும் நல்லது. அப்பதான் அது ஒரு balanced செய்தியாக இருக்கும்.

 --