Yauwana Janam

chillsam · Senior Member>>>ஒளி வீசுக..!

RE: "இளம் பங்காளர் திட்டம்" எனும் மோசடி திட்டம்..!

navarajan · Newbie>>>வருக..வருக..!

"இளம் பங்காளர் திட்டம்" எனும் மோசடி திட்டம்..!

chillsam · Senior Member>>>ஒளி வீசுக..!

RE: "இளம் பங்காளர் திட்டம்" எனும் மோசடி திட்டம்..!

colvin · Senior Member>>>ஒளி வீசுக..!

//என்னைப் போன்றோர் மிகப் பெரிய ஸ்தாபனங்களை எதிர்ப்பதைவிட சிறுகுழுக்களிடமிருந்து ஒரு சில அப்பாவிகளை மீட்பதையே பிரதானமாகக் கருதுகிறோம்;//

நல்ல வாக்குமூலம் மிக்க நன்றி.

chillsam · Senior Member>>>ஒளி வீசுக..!

// உங்கள் சகோதர‌ருக்கே இது விடயத்தில் ஆலோசனை சொல்ல முடியாத நீங்கள் பிறருக்கு எப்படி இத்தகைய மோசடித் திட்டங்கள் குறித்து அறிவுரை கூற இயலும் என நினைக்கிறீர்கள்.... முதலில் சொந்த சகோதரனை இரட்சிப்புக்குள் வழிநடத்துங்கள். பின்னர் பால் தினகரன் குடும்பத்தின் மோசடிகளை எழுதுங்கள். அதற்கு பின் மற்றவர்களை பற்றி பிறகு பார்க்கலாம். //

கொல்வின் அவர்களே, நான் எனது சகோதரரைக் குறித்து எழுதியதைக் குறித்து வருந்தும் அளவுக்கு செய்தியின் மையத்தை விட்டு எங்கேயோ போய்க் கொண்டிருக்கிறீர்கள்; இங்கே நான் எனது சகோதரரை விவாதப் பொருளாக்க விரும்பவில்லை; அது என் தனிப்பட்ட குடும்ப விவகாரமாகும்; எனவே நமது எல்லைகளைக் குறித்து கவனமாக இருப்போம்; எனது சகோதரரை இரட்சிப்புக்குள் வழிநடத்துவதில் எனக்கு இருக்கும் அக்கறை வேறு யாருக்கு இருக்கமுடியும்? முதலில் உன்னை இரட்சித்துக் கொண்டு பிறகு எங்களையும் காப்பாற்று என்று சிலுவையிலறையப்பட்ட இயேசுவானவரை இகழ்ந்தவர்களின் தொனி உங்கள் எழுத்துக்களில் தெறிக்கிறது.

நான் எடுத்துக்கொண்ட பிரச்சினையும் சொல்லவந்த செய்தியும் இளம் பங்காளர் திட்டம் நல்லதா கெட்டதா என்பதல்ல என்பதை எனது கட்டுரையிலேயே சொல்லிவிட்டேன்; ஆனால் இதனை அனுபவப் பாடமாக‌ மாத்திரம் கொள்ளாமல் விவாதமாகவும் யாரோ சிலரை தூஷிக்கவும் பயன்படுத்துவது முறையல்ல; நான் ஏற்கனவே பலமுறை குறிப்பிட்டது போல இயேசு அழைக்கிறார் ஊழியம் கிறித்தவர்களை நம்பி நடைபெறவில்லை; அதன் ஆதரவாளர்களில் பெரும்பகுதியானவர்கள் வேற்று மார்க்கத்தைச் சார்ந்தவர்களாவர்; அல்லது முறைப்படுத்தப்படா மார்க்கத்தைச் சார்ந்தவர்கள்.

ஒரே நாளில் ஒரு சட்டத்தின் மூலமோ அல்லது ஏதோ ஒரு கலவரத்தின் மூலமோ ஒரு ஊழியத்தையே அழித்துவிடமுடியும் என்றா எண்ணுகிறீர்கள்? அப்படியானால் ஆதாமை அன்றைக்கே அழித்துவிட்டு வேறு நல்ல உலகை ஆண்டவர் படைத்திருக்கலாமே? இன்னும் நோவாவின் குடும்பத்தையுங் கூட காப்பாற்றியிருக்க வேண்டிய அவசியமில்லை;நோவாவுக்குக் கர்த்தருடைய கண்களில் கிடைத்த கிருபை அதற்கு முழு தகுதியுமில்லாத அவருடைய மூன்று பையன்களுக்கும் அவர்தம் மனைவியருக்கும் கிடைத்ததல்லவா?

நாம் இங்கே ஏற்படுத்த முயற்சிப்பது கருத்தாக்கத்தையும் கருத்தொற்றுமையையுமே; கலகத்தையும் கலக்கத்தையும் கலவரத்தையுமல்ல‌.

இங்கே எங்கள் சமுதாயத்தில் தங்கள் சம்பாத்தியத்தை பல்வேறு வகைகளில் மக்கள் செலவிடுகின்றனர்; பெரும்பகுதியான பணமானது கேளிக்கைகளுக்கும் கொண்டாட்டங்களுக்கும் பூஜைகளுக்குமே செலவிடப்படுகிறது; சேமிப்பு என்பதைவிட பெருமைக்காக கடன் வாங்கி செலவிட்டு பிறகு அதன் பாதிப்பினால் புலம்புவோர் அதிகம்; யாருக்கும் யார் மீதும் அக்கறை கிடையாது; அவர்கள் சேமிப்புக்காகத் தேர்ந்தெடுக்கும் முறைகளும் நேர்மையானதாக இல்லாததால் அதிலும் நட்டங்களும் குழப்பங்களும் தோல்விகளுமே ஏற்படுகிறது.

உதாரணத்துக்கு ஒரு சாதாரண சுமை சுமக்கும் கூலியாள் வீட்டில் கூட டிவி எனும் பொழுதுபோக்கு சாதனம் இருக்கிறது;அதற்கு மாத்திரமே ஒரு மாதத்துக்கு சராசரியாக ரூபாய் 250 செலவிடப்படுகிறது;வாராவாரம் சாமி பூஜைக்கு மாத்திரமே குறைந்தது 100, ஆக மாதத்துக்கு 400 ரூபாய் ஆகிவிடும்;அதிலும் குடும்பமாக எங்காவது அருகிலிருக்கும் ஒரு கோவிலுக்கு சென்று வந்தாலும் எப்படியும் குறைந்த பட்சமாக 2000 ரூபாய் ஆகிவிடும்;மேலும் ஸ்பெஷல் நேர்த்தி கடன், புண்ணிய க்ஷேத்திர பயணம் மற்றும் தான தர்மங்களுக்கென்று ஒரு வருடத்துக்கு சுமார் 10,000 ரூபாய் செலவிடுகிறோம்;அதற்கும் மேலாக ஜாதகம் ஜோதிடம் குறிகேட்டல் பரிகாரப் பூஜைகள் என திடீர் செலவுகளும் 5000 ரூபாய்க்கு குறையாமலும் அதிகப்பட்சம் 50,000 ரூபாய் வரையிலும் ஆகிறது;இதையெல்லாம் தவிர வீட்டுத் தலைவரின் சந்தோஷ செலவுகள் மதுபானம் மற்றும் இத்தியாதி செலவுகளுக்கு ஒரு மாதத்துக்கு எப்படியும் 5000 ரூபாய் தேவைப்படும்; இன்னும் மருத்துவ செலவுகள் - விபத்துகளால் உண்டாகும் செலவுகளையும் கணக்கில் கொள்ளவேண்டும்; இவ்வளவும் ஜீவாதார செலவுகளான உணவு இருப்பிடம் உடை மற்றும் பிள்ளைகளின் கல்வியையும் எதிர்காலத்தையும் கணக்கில் கொள்ளாத செலவினங்கள்; இதுவே இன்றைய சாமான்ய கூலியாளின் வாழ்க்கை முறை..!

இந்த செலவுகளையும் சமாளிக்க முடியாமல் தற்கொலை செய்து மாண்டு போவோர் எத்தனை பேர், அல்லது இதிலிருந்து மீள விபச்சாரம் மற்றும் திருட்டு, இலஞ்சம் ஆகிய கீழ்த்தரமான வாழ்க்கை முறையை நோக்கி நழுவிச் செல்வோர் எத்தனை பேர்?

இப்படிப்பட்டவர்களே கிறித்தவ ஊழியர்களின் இலக்கு;இவர்களுடைய வாழ்க்கையில் பெறும் சிறு நம்பிக்கை கீற்றுங் கூட காலாகாலத்துக்கும் அவர்களை கிறித்தவ ஊழியர்களின் பின்னே போக வைத்துவிடுகிறது.

சரி,மறுபுறத்தில் ஒரு ஊழிய ஸ்தாபனத்தை நடத்திச் செல்ல தங்கள் பேர் புகழைக் காப்பாற்றிக் கொள்ள நிறைய பணம் வேண்டும்;எனவே தங்களால் ஈர்க்கப்பட்ட மக்களிடமிருக்கும் பணத்தைக் குறிவைத்து திட்டங்களை தயாரிக்கிறார்கள்;ஏனெனில் ஒரு சபைக்குக் கட்டுப்பட்டவர்கள் தங்கள் சபையை தங்கள் சம்பாத்தியத்தினால் தாங்குவார்கள்;ஆனால் சபைக்குட்படாமலும் மதம் மாற விரும்பாமலும் இறைவன் அருள் மாத்திரம் இருந்தால் மட்டும் போதும் என்று எண்ணும் புதியவர்கள் முழு சத்தியத்தை அறியும்வரை அவர்களுக்கான தற்காலிக பராமரிப்பு ஸ்தலம் தேவைப்படுகிறது;அப்படிப்பட்ட இடைவெளியை அதாவது இயேசுவின் அற்புத சக்தியை உணர்ந்தும் அவருடைய தெய்வீகத் தன்மையை அறிந்தும் உடனடியாக மதம் மாற விரும்பாதவர்களின் தேவையை இதுபோன்ற சுயாதீன ஊழியங்கள் நிரப்புகிறது;இது சரியா தவறா என்று நான் தீர்ப்பு செய்யவில்லை;ஆனால் அதுவே தற்போதய நிலவரம்; சரி,இதுபோன்ற தற்காலிக முகாம்களும் (அகதிகள் முகாம் என்றே வைத்துக்கொள்ளுவோம்..!) இராதிருந்தால் நிலைமை என்னவாகும்?

எனவே சீர்திருத்தல் நிறைவேறும் வரைக்கும் இயேசு அழைக்கிறார் ஊழியமும் தன் பங்கை நிறைவேற்றும்;அந்த ஊழியத்தின் தேவைகளுக்காக புதுப்புது திட்டங்களை யோசித்து ஆண்டவர் பெயரால் அறிவிக்கிறார்கள்;அதில் அவரவர் விரும்பி இணைகிறார்கள்; யாரும் மிரட்டவோ வற்புறுத்தப்படவோ இல்லை; நம்பிக்கை பெருகும் அளவுக்கு பணமும் பெருகுகிறது; பணம் பெருகினால் வழக்கமாகவே பெருகக்கூடிய பெருமையும் ஏனையோரின் பொறாமையும் தவிர்க்க இயலாத அளவில் பெருகுகிறது.

உதாரணமாக இளம் பங்காளர் திட்டத்துக்காக ஒரு குடும்பம் ஒரு பிள்ளைக்காக செலுத்தும் மாதா மாதம் செலுத்தும் 100 ரூபாய்க்கு அல்லது வருடத்துக்கு 1200 ரூபாய்க்கு மாதா மாதம் அஞ்சல் செலவுக்கும் மற்றும் அலுவலக செலவுக்கும் எப்படியும் ஒரு வருடத்துக்கு 500 ரூபாய் செலவிடப்படும்; மறுபுறத்தில் இந்த குடும்பத்துக்கு ஒருவித ஆத்மதிருப்தி ஏற்பட்டதன் காரணமாக சற்று சௌகரியமாகவும் மனோ தைரியத்துடனும் வாழ்கிறார்கள்;அவர்கள் முன்பு செய்து வந்த எத்தனையோ பூஜைகளிலிருந்தும் அது சம்பந்தமான செலவுகளிலிருந்தும் விடுதலை கிடைத்துவிட்டதே அவர்களுக்கு பெரும் சந்தோஷம்.

மேலும் இயேசு அழைக்கிறார் எனும் ஸ்தாபனம் ஒரு சமுதாயம் (Community) போல உருவாகியிருப்பதால் அதில் தானும் ஒரு உறுப்பினர் என்பதையும் அவர்களுடைய காலண்டரோ டைரியோ தன் வீட்டில் இருப்பதையும் அவர் பெருமையாக நினைக்கிறார்.

எல்லா அரசியல்வாதியும் மக்களுக்கு சேவை செய்வதற்காகவே தான் இருப்பதாகக் கூறினாலும் எல்லோரும் அப்படியில்லை என்பதற்காக அரசியல் அமைப்பையே குற்றஞ் சொல்லுவோமா?

இப்படியே நீதிமன்றங்களும் காவல் நிலையங்களும் அநீதியினாலும் கொடுமையினாலும் நிறைந்திருப்பதால் அவற்றை மூடிவிடமுடியுமா?

அதுபோலவே கிறித்துவின் இராஜ்யத்தில் ஒவ்வொரு ஊழிய ஸ்தாபனத்துக்கும் ஒரு சிறப்பான இடமும் விசேஷித்த தன்மையும் உண்டு;ஆனாலும் அவனவனுக்குரிய புகழ்ச்சி கர்த்தருடைய நாளில் விளங்கும்;அதுவரை ஊழியத்துக்காகப் பணம் சேகரிப்பதையோ புதிய திட்டங்களை அறிவிப்பதையோ தவறு என்று சொல்லமுடியாது;ஆனால் அதில் வெளிப்படைத் தன்மையும் பொதுத் தன்மையும் இல்லாததையே கண்டிக்க வேண்டும்.

போர்க்காலங்களிலும் இயற்கை சீற்றங்களின் போதும் அரசாங்கமே மக்களிடம் பணம் கேட்கிறது;அதுபோல ஊழிய ஸ்தாபனங்கள் தங்களிடம் எவ்வளவு தான் பணமிருந்தாலும் அவற்றை அசையா சொத்துக்களாகப் பதுக்கிவிட்டு, "என்றும் பரதேசியாக" பொதுமக்களிடம் பிச்சைகேட்டு நிற்பது வெட்கக்கேடானது; அதற்குக் காரணம் அவர்கள் தங்கள் சேமிப்பு குறையாமலும் இன்னும் பணம் சேர்க்கவும் வெறி கொள்ளுகிறார்கள்; தங்களிடம் குவியும் பணத்துக்கு தங்களையே அதிகாரிகளாக நினைத்துக்கொள்ளுகிறார்கள்; இதனைக் கண்டிப்பதால் இவர்கள் திருந்தப்போவதில்லை என்பதுடன் யாருக்கும் அடங்காமல் இவர்களிடம் அதிசயமாக அடங்கிவிட்ட புது விசுவாசி தடுமாறிப்போகிறார்; எனவே ஒரு குறிப்பிட்ட ஸ்தாபனத்தின் அபிமானியாக இருப்பவரை தடாலடியாகத் திருப்ப முயற்சிக்காமல் வேறு சில வழிமுறைகளைப் பின்ப‌ற்றியே திருப்பவேண்டும்.

இறுதியாக என்னுடைய பணியானது,வெளிப்படையாகத் தெரியும் மோசடியையும் எதிரியையும் சற்று தாமதமாகவும் சூழ்ச்சியுடன் மந்தையை சிதறடிக்க வெளியிலிருந்து ஊடுறுவும் எதிரியை தீவிரமாகவும் எதிர்க்கிறேன்.

கத்தோலிக்கமோ இஸ்லாமோ அல்லது வேறெந்த மார்க்கமோ வெளிப்படையாகத் தெரியவரும் எதிர் அமைப்புகளானால் உள்ளே இருந்து குழப்பமான இறையியல் கொள்கைகளையும் சம்சயங்களையும் தோற்றுவிக்கும் சிறுகுழுக்கள் மிகவும் ஆபத்தானவை.

என்னைப் போன்றோர் மிகப் பெரிய ஸ்தாபனங்களை எதிர்ப்பதைவிட சிறுகுழுக்களிடமிருந்து ஒரு சில அப்பாவிகளை மீட்பதையே பிரதானமாகக் கருதுகிறோம்;

colvin · Senior Member>>>ஒளி வீசுக..!

உங்கள் சகோதருக்கே இது விடயத்தில் ஆலோசனை சொல்ல முடியாத நீங்கள் பிறருக்கு எப்படி இத்தகைய மோசடித் திட்டங்கள் குறித்து அறிவுரை கூற இயலும் என நினைக்கிறீர்கள்.

பால் தினகரன் மோடிப் பேர்வழி. அவரது தந்தையும் அவ்வாறானவரே! பரலோகத்திற்கு போய்விட்டு வருகிறவர்களாச்சே!.ஆண்டவருக்கு ஆலோசனை சொல்லும் கமிட்டியில் இவரின் தந்தை தலைவராக இருக்கிறார்.

பால் தினக்கரனின் 2011 தீரக்கதரிசனங்களை வாசிக்கவில்லையா? இது இவ்வளவு கேலிக்கிடமானது என்பது வாசிப்பவர்கள் புரிந்து கொள்வர். இவற்றையெல்லாம் கண்டித்து எழுதாத நீங்கள் மற்றவர்களைப் பற்றி விமர்சனத்தை மட்டும் தவறாது செய்து விடுவீர்கள். முதலில் சொந்த சகோதரனை இரட்சிப்புக்குள் வழிநடத்துங்கள். பின்னர் பால் தினகரன் குடும்பத்தின் மோசடிகளை எழுதுங்கள். அதற்கு பின் மற்றவர்களை பற்றி பிறகு பார்க்கலாம்.

chillsam · Senior Member>>>ஒளி வீசுக..!

இங்கே நான் எழுதியிருப்பது "அனுபவங்கள்" என்ற பகுதியில் எனது சகோதரின் அனுபவமாகும்; இந்த திரியைக் குறித்து நித்திய ஜீவன் தள நிர்வாகியான பெரியவர் திரித்து கருத்து கூறுகிறார் ; இது ஏதோ என்னுடைய அனுபவம் போலவும் நானே ஏமாளி போலவும் இருக்கிறது அவருடைய வர்ணனை; இந்த சமூகத்தில் எல்லோருமே ஏதாவதொரு வகையில் யார் மூலமாகவாவது ஒவ்வொரு நாளும் ஏமாற்றப்பட்டுக் கொண்டே இருக்கிறோம் என்பதை பாவம் அந்த பெரியவர் அறிந்தாரில்லை.

இதோ பெரியவர் அன்பு அவர்களின் விமர்சனம்...

சில மனிதர்களுக்கு தீமையான ஒரு விஷயத்தை அறிகிற அறிவு அதைப் பார்த்த மாத்திரத்தில் வராது; அதன் மூலம் நேரடியாகப் பாதிக்கப்பட்டபின்னரே வரும். இதைத்தான் “பட்டபின் வரும் புத்தி”, அதாவது “பாதிக்கப்பட்டபின் வரும் புத்தி” எனப் பெரியவர்கள் சொல்வார்கள். இதற்கு ஒரு உதாரணமாய் சில்சாம் விளங்குகிறார்.

தேவஊழியர் எனச் சொல்லிக்கொள்ளும் ஒருவர், எப்போது தனது ஊழியத்துக்கு காணிக்கை கேட்கிறாரோ அப்போதே அவர் தேவஊழியர் எனப்படும் தகுதியை இழந்துபோவார் என்பதை சில்சாம் போன்ற பலர் அறியாததால்தான், அம்மாதிரி ஊழியர்களால் நேரடியாகப் பாதிக்கப்பட்டபின்னரே அவர்களின் மோசடி பற்றிய அறிவை அவர்கள் பெறுகின்றனர்.

சொல்லப்போனால், “பட்டபின்கூட” சில்சாமுக்கு புத்தி வரவில்லை என்றே தோன்றுகிறது. இளம் பங்காளர் திட்டத்திற்கு காணிக்கை கொடுத்து ஆதரித்த தனது சகோதரர், அத்திட்டத்தால் நேரடியாகப் பாதிக்கப்பட்ட பின்னர்கூட, அத்திட்டத்தைத் துவக்கிவைத்த காலஞ்சென்ற டி.ஜி.எஸ்.-தான் அத்திட்டத்தின் மோசடிகளுக்கு மூலகாரணர் என்பதை ஒப்புக்கொள்ள சில்சாமுக்கு மனமில்லை.

டி.ஜி.எஸ்-இடம் எத்தனையோ முரண்பாடுகள் இருந்தாலும், அவரது அன்பின் வார்த்தைகளினிமித்தம் அந்த முரண்பாடுகளை சில்சாம் பொருட்படுத்தாமல் இருந்தாராம். இச்சகப் பேச்சு மற்றும் வசனிப்பான பேச்சால் எப்படியெல்லாம் விசுவாசிகள் மதிமயங்குகின்றனர் என்பதற்கு சில்சாம் ஒரு சிறந்த உதாரணமாக விளங்குகிறார். அவர் ரோமர் 16:18; 1 தெச. 2:5; கலாத்தியர் 1:10 வசனங்களைப் படிப்பாராக.

மோசடி ஊழியர்களின் பிரதான சொத்தே “இச்சகமான பேச்சுதான்”. அதேவேளையில் அவ்வூழியர்கள் உருவாவதற்கு பிரதான காரணமும் விசுவாசிகளின் “இச்சைதான்”.

“இளம் பங்காளர் திட்டத்தை” ஆதரித்த தனது சகோதரருக்கு தற்போது உண்டான அவமானத்தால் படிப்பினை பெற்ற சில்சாம், அத்திட்டம் தொடங்கப்பட்டபோதோ அல்லது அவரது சகோதரர் அத்திட்டத்தில் தனது பிள்ளைகளை சேர்த்தபோதோ, இத்திட்டம் வேதத்துக்கு உட்பட்டதுதானா என சற்றேனும் சிந்தித்துப்பார்த்திருப்பாரா?

ஏசாயா 58:5-9 வசனங்களில் தேவன் சில காரியங்களைச் சொல்லி, அவற்றையெல்லாம் செய்பவன் தம்மை நோக்கிக் கூப்பிட்டால் தாம் உடனே மறுஉத்தரவு கொடுப்பதாகவும் அப்படிப்பட்டவனின் சுகவாழ்வு சீக்கிரத்தில் துளிர்க்கும் எனவும் அருமையான வாக்குத்தத்தங்களைக் கொடுத்திருக்க, “இளம் பங்காளர் திட்டத்தில்” தனது பிள்ளைகளைச் சேர்த்தால் அவர்களுக்கு அபரிதமான ஆசீர்வாதம் உண்டாகும் என சில்சாமின் சகோதரர் நினைக்கக் காரணமென்ன?

தனது பிள்ளைகள் உலகப்பிரகாரமான ஆசீர்வாதங்களைப் பெறவேண்டும் எனும் “இச்சையை” வேதாகமம் காட்டும் வழியில் நிறைவேற்றுவதில் சில்சாமின் சகோதரருக்கு நம்பிக்கை இல்லாததால்தான், “இளம் பங்காளர் திட்டம்” போன்ற குறுக்கு வழியில், தனது இச்சையை நிறைவேற்ற அவர் நினைத்துள்ளார்.

ஏசாயா 58:8,9 வசனங்கள் மற்றும் அவை போன்ற ஏராளமான வசனங்களில் நம்பிக்கை உள்ளவர்கள், நிச்சயம் இம்மாதிரி திட்டத்தை நம்பமாட்டார்கள்.

இளம் பங்காளர் திட்டம் வேதத்துக்குப் புறம்பானதா இல்லையா என்பதைத் தீர்மானிக்க சில்சாம் முன்வரமாட்டாராம். ஆனால் அத்திட்டத்தை அறிவித்த டி.ஜி.எஸ். நல்ல ஊழியர்தான் எனச் சொல்லி அதை பறைசாற்றுவாராம்.

ஓர் ஊழியரின் ஒரு திட்டம் வேதத்துக்குப் புறம்பானதா இல்லையா என்பதை அறியாமல், அவ்வூழியர் நல்ல ஊழியரா அல்லது கள்ள ஊழியரா என்பதை எப்படித் தீர்மானிக்க முடியம்? ஓர் ஊழியர் கள்ள ஊழியர் என்பதை ஆராய்ந்து அறிந்தால்தானே மத்தேயு 7:15-ல் இயேசு கூறுகிறபடி, “கள்ள ஊழியர்களிடம்” எச்சரிக்கையாயிருக்க முடியும்?

உலக சிநேகம் தேவனுக்கு விரோதமான பகை என்றும், உலகத்தார் உலகுக்குரியதைப் பேசுவார்கள் என்றும் வேதாகமம் சொல்லியிருக்க (யாக்கோபு 4:4; 1 யோவான் 4:5), இளம் பிள்ளைகளின் உலகத் தேவைகளை முன்னிறுத்தி அறிவிக்கப்பட்டுள்ள “இளம் பங்காளர் திட்டம்”, நிச்சயமாக வேதத்துக்குப் புறம்பானது என சில்சாம் அறியத் தவறியது எப்படி? அவரது சகோதரரும் அறியத் தவறியது எப்படி?

என்னைக் கேட்டால், சில்சாமும் சரி அவரது சகோதரரும் சரி, உலகத்தேவைகளை சற்றும் பொருட்படுத்தாதிருந்தால், நிச்சயமாக அத்திட்டம் வேதத்துக்குப் புறம்பானதுதான் என்பதை அறிந்திருப்பார்கள். ஆனால் அவர்கள் மனதில் உலகத்தைக் குறித்த இச்சை இருந்ததால்தான், உலகத்திற்குரிய அத்திட்டம் வேதத்துக்குப் புறம்பானது என்பதை அறியத் தவறியுள்ளனர்.

சில்சாமுங்கூட, மாணவர்களின் உலகத்தேவையான கல்விக்காக உபவாசமிருந்து ஜெபித்தவர்தான். அதனால்தான் “இளம் பங்காளர் திட்டம்” வேதத்துக்குப் புறம்பானது என அவரால் சொல்லமுடியவில்லை.

உலகத்தார் சொல்கிற உலகக்காரியங்களுக்கு உலகம் செவிகொடுக்கும் என 1 யோவான் 4:5 கூறுகிறபடியே, சில்சாமின் சகோதரர் “இளம் பங்காளர் திட்டத்துக்கு” செவிசாய்த்து, அத்திட்டதிற்கான கட்டணத்தை இயேசு அழைக்கிறார் நிறுவனத்திற்கு செலுத்தி, தனது பிள்ளைகளை அதில் சேர்த்துள்ளார். ஆனால் அந்தோ, அத்திட்டத்தால் அவரது பிள்ளைகள் “ஆசீர்வாதத்தைப்” பெற்றார்களோ இல்லையோ, அவர் தனக்கு இருந்த கொஞ்ச நஞ்ச ஆசீர்வாதத்தையும் இழந்து, தன் பிள்ளைகளின் ஆசீர்வாதத்தைப் பெறுவதற்கான திட்டத்திற்குக் கட்டணத்தைச் செலுத்த இயலாத நிலைக்கு ஆளாகியுள்ளார்.

அதன் பின்னர்தான் அத்திட்டத்தைத் தந்தவர்களின் “சுயரூபமான” ஓநாய்த்தனம் வெளிப்பட்டது. இப்போது அவர் மட்டுமல்ல, இச்செய்தியை படிக்கிற அனைவருமே “ஆட்டுத்தோல் போர்த்திய ஓநாய்கள்” யார் என்பதைப் புரிந்திருப்பார்கள். ஆகிலும் இன்னமுங்கூட அந்த ஓநாய்களின் சுயரூபத்தை அறியாத அறிவிலிகளும் இருக்கக்கூடும். அவர்களின் கண்களும் திறக்கப்படத்தக்கதாக, இந்த ஓநாய்கள் இன்னும் வெளிப்படையாக தங்கள் சுயரூபத்தைக் காட்டும் நாள் நெருங்கிவருகிறது. //

நான் இதுவரை டிஜிஎஸ் அவர்களுக்கோ இயேசு அழைக்கிறார் நிறுவனத்துக்கோ எந்த காணிக்கையும் அனுப்பியதில்லை; எனவே எனக்கு எந்த தனிப்பட்ட பாதிப்பும் இல்லை;ஆனாலும் எனது சகோதரர் செய்வதை நான் தடுப்பதற்கு எனக்கு உரிமையில்லை;அவரே உணர்ந்துள்ள இந்த நேரத்துக்காகவே நான் காத்திருந்தேன்.

இயேசு அழைக்கிறார் ஊழியத்தையும் நான் தொடர்ந்து விமர்சித்துக்கொண்டே இருக்கிறேன்; அது விரைவில் தனி மன்றத்தில் (forum) தொகுக்கப்படும்; ஆனாலும் மற்றவர்களைப் போலக் காழ்ப்புணர்ச்சியுடன் அல்லாது சமதளத்திலிருந்து நாகரீகத்துடன் அதனைச் செய்வேன்; ஏனெனில் அவர்கள் இந்த தேசத்தில் ஆண்டவருக்காக சாதித்தவைகள் அதிகமாகும்; அவர்களால் தமிழ்க் கிறித்தவ உலகம் இழந்ததைவிட அடைந்தது அதிகமாகும்; இந்த சமநோக்கு பார்வையுடனே நான் அவர்களை விமர்சிப்பேன்.

ஏனெனில் ஒரு குறிப்பிட்ட அடித்தளத்தை இடித்து தரைமட்டமாக்குவதற்கு முன் அதன் மீது எதைக் கட்டப்போகிறோம் என்பதை தீர்மானிக்க வேண்டுமல்லவா? அதாவது இயேசு அழைக்கிறார் எனும் ஊழியத்தின் மீதான நம்பிக்கையைக் குலைத்துவிட்டு அதற்கு மாற்றாக நான் யாரை காட்டப்போகிறேன்? எதைக் கட்டப்போகிறேன்? அப்படி திசைகெட்டுப் போகும் அப்பாவி மக்களை நான் மீண்டும் எப்போது சந்திக்க இயலும்? அதைவிட ஆரம்பக்கட்ட மந்த நிலையிலுள்ளோருடன் தொடர்ந்து பழகி இணக்கமான உறவை ஏற்படுத்திக்கொண்டு அதன்பிறகு சரியான கிறித்தவத்தை அவர்களுக்குக் கொடுப்பேன்; இந்த தந்திரத்தையும் பெரியவர் அன்பு அவர்களைப் போன்ற‌ துருபதேசக்காரர்களிடமே கற்றுக்கொண்டேன்.

chillsam · Senior Member>>>ஒளி வீசுக..!

"இளம் பங்காளர் திட்டம்" எனும் மோசடி திட்டம்..!