Yauwana Janam

chillsam · Senior Member>>>ஒளி வீசுக..!

RE: திரள் கூட்டத்தோடு சேராதவன் வஞ்சிக்கப்பட்டவனா?

chillsam · Senior Member>>>ஒளி வீசுக..!

mycoimbatore Wrote @TCS on 11-01-2011 22:18:10:
கிறிஸ்துவுக்குள் அன்பான போதகர் சில்சாம் அவர்களுக்கு சுந்தர் அவர்களுக்கு உங்களின் பதில் அருமை.நன்றி கர்த்தர் உங்களை ஆசீர்வதிப்பாராக.

சுந்தர் அவர்களே இப்பொழுது உங்களுக்கு ஒரு சில வெளிப்பாடுகள் வருமானால் அது வேதவசனத்துக்கு வெளியே இருந்தால் அது தேவனுடைய வெளிப்பாடு அல்ல என்பதை அறிந்துகொள்ளுங்கள்.

மதிப்பிற்குரிய சகோதரர் மைகோவை அவர்களுக்கு வாழ்த்துக்கள்; சிரமம் பாராது எனது எழுத்துக்களை வாசித்து கருத்து சொன்னமைக்கு மிக்க நன்றி;

சுந்தர் அவர்களுடைய வெளிப்பாடு வரம் குறித்து...
மென்மையான குணங் கொண்டோர் ஏதாவது கனா கண்டு கொண்டே இருப்பார்கள்; அதனை அவர்கள் பகிர்ந்துகொள்ளும் முதலாவது நபர் பெரும்பாலும் அவருடைய மனைவி அல்லது கணவராகவே இருப்பார்; அவர்கள் அந்த கனாவுக்கு சரியான விளக்கத்தைச் சொல்லாவிட்டாலோ அல்லது புறக்கணித்தாலோ கனா கண்டவருக்கு சொல்லொண்ணா துயரம் ஏற்படும்; அந்த மன அழுத்தத்தின் காரணமாகவே அந்த கனா அடுத்த கட்டத்தை அடையும்; அது இன்னும் தீவிரமாக இருக்கும்;

உதாரணமாக கிராமத்து பூசாரி ஒருவர், ஒரே நாளில் பெறும் வெளிப்பாடு காரணமாக தன்னை "ஆத்தா"வின் மறுபிறவியாக நினைத்துக்கொண்டு சேலை கட்டிக் கொண்டு குறிசொல்லுகிறார்; அதற்குப் பிறகு மற்ற மனிதருடன் பேசுவதையும் குறைத்துக் கொண்டு தனிமையிலும், தனக்குத் தானே ஏதேதோ பேசிக் கொண்டும் வாழத் துவங்குகிறார்; இப்படிப்பட்ட குணாதிசயங் கொண்டோர் இயேசுவிடம் வந்தால் எப்படியிருக்கும் என்று சற்று யோசித்துப் பாருங்கள்; அவர்கள் விகர்ப்பமானதும் கலப்படமானதுமானவற்றையே தரிசித்து அதனை நியாயப்படுத்த வேத வசனங்களையும் மேற்கோள் காட்டுவார்கள்; அதுபோலவே நீங்கள் குறிப்பிட்டது போல சுந்தர் தனக்குக் கிடைக்கும் வெளிப்பாடுகளுக்கும் வேத வசனத்தைக் குறிப்பிடுகிறார்; ஆனால் அந்த வேத வசனங்கள் குறிப்பிட்ட சம்பவங்களின் நிறைவேறுதலுடனே முடிந்துபோனதை உணராமல் அன்றைக்கு அந்த சொப்பனம் நிறைவேறியதே, அன்றைக்குக் கூட எல்லாரும் எதிர்த்தார்களே, அதுபோலவே எனக்கு நேருகிறது என்று தன்னைத் தானே சமாதானம் செய்துகொண்டு தங்கள் தவறான நிலையைத் தொடருகிறார்கள்; இன்னும் சற்று காரமாக இவர்கள் நம்மீது சீற்றத்துடன்,' நீ காணாததைக் குறித்து எதுவும் கருத்து கூறாதே,' என்பதாகும்;

எனவே நாம் காணும் எந்த கனவுக்கும் தரிசனத்துக்கும் அல்லது வெளிப்பாட்டுக்கும் ஏற்ற ஒரு வசனத்தைக் குறிப்பிடுவது பெரிய காரியமல்ல; அது ஏற்கனவே யாரோ ஒருவர்- வேறு ஏதோ ஒன்றைப் பெற்ற பாதிப்பினால் கிடைத்து அதே போல எனக்கும் கிடைக்கக்கூடாதா என்று வாதம் செய்தால் அதனைத் தடுக்க முடியாது; ஆனால் இதையெல்லாம் ஒரு போதனையாக நிறுவாமல் தனிப்பட்ட அனுபவங்களாக மாத்திரம் அணுகினால் ஒருவேளை குழப்பம் ஓரளவு தீரலாம்; மேலும் அந்த சொப்பனங்களையும் தரிசனங்களையும் வெளிப்பாடுகளையும் குறித்து இதுபோன்ற தளங்களில் வெளியிட்டு மற்ற மூத்த உறுப்பினர்களின் கருத்து என்ன என்பதைக் கேட்டால் நாம் நிச்சயமாக உதவிசெய்யலாம்; அல்லது அவருக்கு நெருக்கமான வட்டங்களிலுள்ள நல்ல ஆவிக்குரிய நண்பர்களின் உதவியையும் நாடலாம்;

பொதுவாகவே இனி எந்த தீர்க்கதரிசனத்துக்கும் புதிய வெளிப்பாட்டுக்கும் தேவையில்லை என்ற அளவில் அனைத்தும் வெளியாக்கப்பட்டுவிட்டது; ஆரோக்கிய உபதேசத்துக்கும் இறையியல் கொள்கைக்கும் ஊறுவிளைவிக்கும் வண்ணமாக யார் எழுதி பேசினாலும் தெரிந்துகொள்ள‌ப்பட்டவர்கள் அதினால் வஞ்சிக்கப்படாதிருக்கும் வண்ணம் எச்சரிக்க வேண்டியது நம் மேல் விழுந்த கடமையாகும்.

chillsam · Senior Member>>>ஒளி வீசுக..!

திரள் கூட்டத்தோடு சேராதவன் வஞ்சிக்கப்பட்டவனா?