Yauwana Janam

இனிய பிறந்தநாள் வாழ்த்துக்கள் யௌவன ஜனம் 

இன்று என்னோடு தொடர்புகொண்ட நண்பர் சொன்ன தகவல் எனக்கு உள்ளபடியே ஆச்சர்யமாகவும் ஆனந்தமாகவும் இருந்தது. அது என்னவென்றால் அண்மையில் அவர் சந்தித்த ஒரு நண்பருடைய வீட்டில் நம்முடைய தளத்தில் நாம் இதுவரை எழுதியுள்ள கட்டுரைகளின் பெரும்பாலான பிரதிகள் இருந்தனவாம். இது என்ன என்று அவர் கேட்டதற்கு, இதிலுள்ள விஷயங்கள் பலவும் உபயோகமாக இருக்கிறது.எப்போது வேண்டுமானாலும் எடுத்து வாசிக்க ஏதுவாக இதனைப் ப்ரிண்ட் அவுட் எடுத்துவைத்திருக்கிறேன், என்றாராம் அந்த வாசக நண்பர். இவரைப் போன்ற நண்பர்கள் உலக முழுவதும் இருப்பார்களே என்று நினைக்கும் போது மெய்யாகவே ஒருவித அச்சமும் பொறுப்புணர்வும் மேலிட்டது. நம்முடைய உழைப்புக்கு ஒரு நாளில் பலன் இருக்கும் என்ற தைரியமும் உண்டானது. எத்தனை எதிர்ப்புகளும் தூஷணங்களும் பெருகினாலும் நம்முடைய பணியை அயராது தொடரவும் நிறைவேற்றவும் உறுதியெடுத்துக்கொண்டேன். இன்னும் என்னை இதுவரை தொடர்புகொள்ளாமலும் நேசித்து ஆதரவு தரும் ஒவ்வொரு அன்புள்ளங்களுக்காகவும் ஆண்டவருக்கு நன்றி செலுத்துகிறேன். தங்கள் மேலான ஆலோசனைகளைத் தந்துதவுமாறு அன்போடு வேண்டுகிறேன்.நன்றி..!

எனது பேரன்புக்கும் மரியாதைக்குமுரிய வாசகர்களுக்கும் தள நண்பர்களுக்கும் சந்தோஷமானதொரு செய்தியினைப் பகிர்ந்துகொள்ள விரும்புகிறேன்; கடந்த மாதத்தில் மட்டும் ஒரு இலட்சத்துக்கும் அதிகமான வாசகர்கள் நம்மை கவனித்துச் சென்றிருக்கிறார்கள்;வெறும் 5000 வாசகருடன் துவங்கியது இந்த பயணம்,ஆனால் இன்றோ ஒவ்வொரு மாதமும் நம்முடைய எல்லைகள் விரிவடைந்துகொண்டே செல்லுகிறது; எதிர்வரும் காலத்தில் இன்னும் புதிய முயற்சிகளைத் துவக்க இருக்கிறோம்; இதன் அமைப்பு பணிகளில் ஆர்வமுள்ள நண்பர்கள் தயவுசெய்து தொடர்புகொண்டு த்ங்களால் இயன்ற உதவிகளைச் செய்யுமாறு  அன்புடன் வேண்டுகிறேன்;நாளது தேதிவரையிலும் வாசகர்கள் அளித்துவரும் பேராதரவுக்கும் அன்புக்கும் என்றென்றும் நன்றியுடையவனாக இருப்பேன்.

இந்த வெற்றியானது ஒரு கூட்டு முயற்சியாகும்;நம்முடைய நோக்கங்களில் எந்தவித‌ சூழ்ச்சியோ உள்நோக்கங்களோ சுயலாப நோக்கோ இருந்ததில்லை என்பதற்கு நம்மை நடத்தும் ஆண்டவரே சாட்சியாக இருக்கிறார்; இந்த வெற்றிக்குப் பின்னால் களங்கமில்லாத அன்போடும் உணர்வுள்ள இருதயத்தோடும் மாயமற்ற விசுவாசத்தோடும் உறவாடும் யௌவன ஜனம் தளத்தின் நண்பர்கள் இருக்கின்றனர்; பலர் நேரடியாகவும் பின்னணியிலிருந்தும் ஊக்குவித்து வருகின்றனர்; அடியேன் அமைத்துக் கொடுத்த இந்த மேடையில் தங்கள் அருமையான கருத்துக்களையும் எண்ணங்களையும் பகிர்ந்துகொண்டு வரும் ஒவ்வொரு உறுப்பினரையும் மனதார வாழ்த்துகிறேன்;கர்த்தர் தாமே உங்கள் பிரயாசங்களுக்குரிய பலன்களை அருளிச்செய்வாராக..!

எனக்கு அருமையான யௌவன ஜனம் தளத்தின் நண்பர்களுக்கு, வாழ்த்துக்கள்;கடந்த சுமார் ஒரு வருடத்துக்கும் மேலாக தாங்கள் நம்முடைய தளத்துக்கு அளித்துவரும் பேராதரவுக்கு இந்த தளத்தின் நிர்வாகி என்ற முறையில் எனது மனமார்ந்த நன்றிகளைக் கூறிக்கொள்ளுகிறேன்.மேலும் இந்த தளத்தில் பங்கேற்காதவர்களும் தத்தமது கருத்துக்களை இங்கே பதிக்கவோ அல்லது மின்னஞ்சல் மூலம் தங்கள் ஆலோசனைகளைக் கூறவோ உற்சாகப்படுத்துகிறோம்.

இப்பவும் நம்முடைய தளமானது ஒரு குறிப்பிட்ட கௌரவமான ஸ்தானத்துக்கு முன்னேறியுள்ள சந்தோஷமான செய்தியை  அறிவிக்கவே தற்போது எழுதிக் கொண்டிருக்கிறேன்; இதுவரை சுமார் மூன்றரை இலட்சத்துக்கும் அதிகமான வாசகர்கள் நம்மை கவனித்துள்ளார்கள்; ActiveBoard- எனும் இணையத்தின் கீழ் தொகுக்கப்பட்டுள்ள தளங்களில்  (Most Popular Forums) ஒரு குறிப்பிட்ட வகையில் Christianity ( 187 forums ) Apologetics, Bible Study, Catholicism, Christian Youth Groups, Evangelism... நாம் சிறப்பானதொரு இடத்தைப் பெற்றுள்ளோம் என்பதை தொடுப்பில் சென்று பார்க்கவும்.

இதில் ஆச்சரியமானதொரு உபதகவல் என்னவென்றால் நாம் கிறித்தவ தளமாக நினைத்துக்கொண்டிருக்கும் இறைவன் தளம் Culture and Religion பொதுப்பிரிவிலேயே பதிக்கப்பட்டுள்ளது;நாமோ வகையில் உபதேசக் குழப்பங்களுக்கெதிராக‌ தற்கா(ப்பு)க்கும் பணியினை மேற்கொண்டுள்ளோம்; இரஸலியன் வேசிக்கூட்டத்தாரோ பைபிள் ஸ்டடி Main - Culture and Religion - Christianity - Bible Study கொடுக்கிறார்களாம், கொடுக்கட்டும், ஏமாளிகளைக் கெடுக்கட்டும்..!

தற்போது நீங்கள் செய்யவேண்டியதெல்லாம் அந்த வரிசையில் குறிப்பிடப்பட்டுள்ள தொடுப்பின் மூலம் http://www.activeboard.com/directory/preview.spark?aBID=134567 நம்முடைய தளத்திற்கு வந்து அதன் மேற்புறத்தின் வலது மூலையில் தரப்பட்டுள்ள பெட்டியை சொடுக்கி நம்முடைய தளத்தைக் குறித்த உங்கள் கருத்தை ஓட்டாகப் பதிவு செய்யவேண்டுகிறேன். இதன் மூலம் நம்முடைய தளம் இன்னும் சிறப்பான வரிசையில் இடம்பெற்று இன்னும் பலரையும் சென்றடையும் வாய்ப்பு உண்டாகும்.

தங்கள் மேலான ஆதரவுக்கு மீண்டும் ஒருமுறையாக நன்றி..!

Dear Brother Chillsam,

    Congrats, and thank you so much for running such a nice Blog for the Glory of GOD ( I MEAN The Father, The Son and The Holy Spirit ).

    Your zeal for the name of Christ makes me to admire you.

May GOD Bless you, Increase your territories and the Hand of GOD be with you.

In Christ,

Ashok

chillsam wrote:

---

 (Pls Post in max.12pts.Thanks..!)

---

OK. I do have difficulty in formatting and posting here! Preview வில் ஒரு மாதிரியாகவும், போஸ்ட் பண்ணிய பிறகு வேறு மாதிரியாகவும் ஆகி விடுகிறது. அப்புறம் உங்க கைவண்ணத்தில் சரியாகி விடுகிறது போல!

ஆண்டவர் வரும் வரை பணி செய்ய வாழ்த்துக்கள் சில்சாம் அவர்களே!

Detailed Statistics

Views(Impressions) per Month

நம்முடைய தளத்தின் மொத்த பார்வையாளர் மற்றும் பணிகள் சம்பந்தமான அறிக்கை

நம்முடைய யௌவன ஜனம் தளமானது மிக அற்பமாக ஆரம்பிக்கப்பட்டது; ஆனால் குறுகிய காலத்திலேயே இந்த கௌரவமான நிலைக்கு நாம் முன்னேறியுள்ளோம்;இந்த மாதத்தில் மாத்திரமே அதிகபட்சமாக 70,000-க்கும் மேற்பட்டோர் நம்முடைய தளத்தை கவனித்திருக்கிறார்கள்; "பெரியனா,வெறியனா" என்ற ஒரே ஒரு கட்டுரையினை சுமார் 2000 பேர் வாசித்திருக்கிறார்கள்.

நம்மை பலர் கவனிக்கிறார்கள் என்பது ஒருபக்கம் பெருமையான காரியம் போலிருந்தாலும் நம்மிடம் எதையோ எதிர்ப்பார்க்கிறார்கள் என்ற பொறுப்புணர்வும் சேர்ந்துகொண்டால் எல்லாம் சுகமாகும்.ஆரோக்கிய உபதேசத்தைப் போதிக்கும் நல்ல தளங்கள் பல இருந்தாலும் அவற்றை (மேசியாவின்) எதிரிகள் பொருட்படுத்துகிறதில்லை;காரணம் இதனால் அவர்களுக்கு நேரடியாக எந்தபாதிப்பும் இல்லை;ஆனால் நமக்கு பெரிதாக எந்த வேதஞானமும் இல்லாவிட்டாலும் பட்டய அறிவின் மூலமல்ல, பட்டறிவின் மூலமே இவர்களை அடையாளங்கண்டு நடுத்தெருவில் நிறுத்தி இவர்கள் வேஷங்களை வெளியரங்கமாக்குகிறோம்;இதுபோன்ற நம்முடைய முயற்சிகள் சில ஓநாய்களை விரைவாக அடையாளம் காண உதவிய காரணத்தினால் பல்வேறு வகையிலும் அச்சுறுத்தல்கள் இருப்பினும் தொடர்ந்து முன்னேறுவோம்;

நம்முடைய ஒரே குறிக்கோள் என்னவென்றால் "இயேசுவைத் தொழத்தக்க தெய்வமில்லை" என்று யார் பொய்ப் பிரச்சாரம் செய்வோரை அடையாளங் காட்டுவதே;இனியும் அவர்கள் நம்மில் ஒருவரைப் போல வஞ்சகமாக நம்முடன் உறவாடிக் கெடுக்கமுடியாது; இவர்கள் எப்படிப்பட்ட மிருதுவான சொற்களுடன் இதமாகப் பேசி நம்மைக் கவருவார்கள் என்றும் அவர்களுடைய உள்ளத்தில் எந்த அளவுக்கு மூர்க்கத்தனமும் வெறியும் இருக்கிறது என்றும் ஓரளவுக்கு வெளியரங்கமாக்கிவிட்டோம்.

இதனால் தனிப்பட்ட முறையில் அடியேன் மிகவும் துன்பப்பட்ட நேர்ந்தது; ஆனாலும் கிறித்துவினிமித்தம் வரும் இதுபோன்ற நிந்தனைகளையும் அவமானங்களையும் போராட்டங்களையும் சந்திக்க நான் ஏற்கனவே மனதளவில் ஆயத்தப்படுத்தப்பட்டிருந்ததால் இதைக்குறித்து அதிர்ச்சியடையவோ பின்வாங்கவோ சோர்ந்துபோகவோ இல்லை.

இந்த யௌவன ஜனம் தளத்தின் மீது இத்தனை அன்பும் பரிவும் கொண்ட வாசகப் பெருமக்கள் தொடர்ந்து ஆதரவளிக்கவும் தங்களுடைய நண்பர்கள் மற்றும் சபையினர் வட்டாரத்தில் நம்முடைய தளத்தின் நோக்கங்களையும் பிரயாசங்களையும் தெரிவிக்கவும் பட்சமாய் வேண்டுகிறேன்;மேலும் தங்களுடைய மேலதிக ஆலோசனைகளையும் தங்கள் எதிர்பார்ப்புகளையும் ஆவலுடன் எதிர்பார்க்கிறேன்;தேவகிருபை உங்களோடு இருப்பதாக‌..!

Mail to:chillsam@rocketmail.com