Yauwana Janam

இன்று காலை தமிழ் ஆராதனையில் போதகர் ரெவ்சாம் அவர்களது போதனையிலிருந்து...

ஆதாம் பாவம் செய்தான்,எனவே அவன் சந்ததியாரும் பாவிகளாயினர்; அவன் சந்ததியினர் பாவிகளானதற்கு ஆதாமின் பிள்ளைகளாக இருப்பது  மாத்திரமே காரணம் அல்ல‌, அந்த பாவத்துக்காக தேவன் ஏற்படுத்திய பலியையே புறக்கணிக்கும் பெரிய பாவத்தை செய்யும்போதுதான் பாவிகளாகின்றனர்.

ஆதாம் செய்த பாவத்தைவிட பெரிய பாவம் அந்த பாவத்துக்கான தேவனுடைய தீர்வைப் புறக்கணிப்பதே..!

சாத்தான் தந்திரமாக விசுவாசம் மாதிரியே பல வழி குழிகளை வைத்துள்ளான். நாம் கவனமாக இருக்க வேண்டும். ஆபிரகாமிற்கு தேவன் செழிப்பைத் தந்தார் என்று கூறுபவர்கள் முதலில் மக்களை ஆபிரகாம் போல தேவனை விசுவாசிக்கவும்,அவர் வழிநடக்கவும் போதிக்க மறப்பதேனோ? இல்லை ஆபிரகாம் போன்று விசுவாசமுடையவர்களுக்கு தான் போதிக்கிறார்கள் என்றால் அவர்களுக்கும் இந்த போதனை பயன் தராதே.தேவனிடமே விசுவாசம் இல்லையென்றால் நிச்சயமாக அவர் வார்த்தைகளிலும் நமக்கு இருக்க முடியாது.

இங்கே ஜனங்கள் தேவனை விசுவாசிக்காமல் அவர் தரும் ஆதாயத்துக்காக அவரை தேடினார்கள் அப்பொழுது இயேசுவும் அவருடைய சீஷரும் அங்கே இல்லாததை ஜனங்கள் கண்டு, உடனே அந்தப் படவுகளில் ஏறி, இயேசுவைத் தேடிக்கொண்டு, கப்பர்நகூமுக்கு வந்தார்கள்.கடலின் அக்கரையிலே அவர்கள் அவரைக் கண்டபோது: ரபீ, நீர் எப்பொழுது இவ்விடம் வந்தீர் என்று கேட்டார்கள். இயேசு அவர்களுக்குப் பிரதியுத்தரமாக: நீங்கள் அற்புதங்களைக் கண்டதினால் அல்ல, நீங்கள் அப்பம் புசித்துத் திருப்தியானதினாலேயே என்னைத் தேடுகிறீர்களென்று மெய்யாகவே மெய்யாகவே உங்களுக்குச் சொல்லுகிறேன்.அழிந்து போகிற போஜனத்திற்காக அல்ல, நித்தியஜீவன் வரைக்கும் நிலைநிற்கிற போஜனத்திற்காகவே கிரியை நடப்பியுங்கள்.....யோவான்.6:24-27

”அதற்கு இயேசு அவர்களை நோக்கி: நீங்கள் மனுஷகுமாரனுடைய மாம்சத்தைப் புசியாமலும், அவருடைய இரத்தத்தைப் பானம்பண்ணாமலும் இருந்தால் உங்களுக்குள்ளே ஜீவனில்லை என்று மெய்யாகவே மெய்யாகவே உங்களுக்குச் சொல்லுகிறேன்.யோவான்.6:53”

இதனைக் கேட்டு அனேக சீஷர்கள் கிறிஸ்துவை விட்டு பின்வாங்கினார்கள். காரணம் அவர்கள் அவர் கூறினதை மாத்திரமே பார்த்தனரே தவிர கூறினவர் யார் எப்படிபட்டவர் என்பதை உணரவில்லை.

சில்சாம்:
//இந்த திரியின் நோக்கத்துக்கு வெளியே நாம் சென்று விடாதிருக்க முயற்சிக்க வேண்டும்; ஏனெனில் போதகர் சாம் அவர்கள் அற்புத ஊழியத்தில் நம்பிக்கையுள்ளவரல்ல; எனவே அவருடைய உபதேசம் தொடர்பான கருத்துக்களையும் முன்வைக்க வேண்டுகிறேன்.//

சகோ.சில்சாம், போதகர் சாம் அவர்கள் அற்புத ஊழியம் செய்கிறாரா என்பது எனக்குத் தெரியாது. அவருடைய செய்தியை ஓரிரு முறை மட்டும் பல மாதங்களுக்கு முன் நான் கேட்டுள்ளேன். அதில் எதுவும் எனக்கு ஞாபகமில்லை. அவரது உபதேசம் செழிப்பு உபதேசம் என்பதை உங்கள் பதிவிலிருந்துதான் நான் அறிகிறேன்.

சில்சாம்:
//நாம் இரட்சிக்கப்பட்டு பரலோகம் செல்ல வேதம் கொடுக்கப்படவில்லை;வேதத்திலுள்ள டெக்னிக்குகளைப் பயன்படுத்தி இந்த உலகிலேயே நீண்ட காலம் சௌக்கியமாக செல்வ செழிப்புடன் வாழவே வேதம் கொடுக்கப்பட்டது என்கிறார்; இந்த கூற்றை நிறுவ அவர் ஏழை ஊழியர்களையும் அவர்களது தரித்திர நிலைமையும் பரியாசம் செய்யத் தவறுவதில்லை.//

//போதகர் சாம்.P.செல்லத்துரை அவர்கள் மீண்டும் மீண்டும் ஆசீர்வாதத்தைக் குறித்தும் வெற்றிகரமான வாழ்க்கையைக் குறித்தும் மட்டுமே போதிப்பதால் மக்கள் எழுச்சி கொள்ளுகின்றனர்,ஊக்கப்படுத்தப்படுகின்றனர் என்பதை மறுக்க முடியாது;ஆனாலும் இந்த செழுமை உபதேசமானது (Prosperity Gospel) முழுமையான சீஷத்துவ பணியை நோக்கி அவர்களை நடத்துகிறதா என்பதில் மிகப் பெரிய கேள்விகுறி எழுகிறது.//

உங்களது இப்பதிவுகளின் அடிப்படையில் நான் சொல்வது:

செழுமை உபதேசம் என்றாலே அதில் உலகத்திற்குரியதை சொல்லியேயாக வேண்டும். ஆனால் வேதாகமமோ இப்படிச் சொல்கிறது.

1 யோவான் 4:5 அவர்கள் உலகத்துக்குரியவர்கள், ஆகையால் உலகத்துக்குரியவைகளைப் பேசுகிறார்கள், உலகமும் அவர்களுக்குச் செவிகொடுக்கும். (இவ்வசனத்தில் அவர்கள் எனும் வார்த்தை கள்ளத்தீர்க்கதரிசிகளையே குறிக்கும் என வசனம் 1-லிருந்து அறியலாம்)

யாக்கோபு 4:4 விபசாரரே, விபசாரிகளே, உலக சிநேகம் தேவனுக்கு விரோதமான பகையென்று அறியீர்களா? ஆகையால் உலகத்துக்குச் சிநேகிதனாயிருக்க விரும்புகிறவன் தேவனுக்குப் பகைஞனாகிறான்.

இத்தனை தெளிவாக வசனம் கூறியுள்ளதால், சாம் செல்லத்துரை மட்டுமின்றி வேறு யாராக இருந்தாலும், அவர் உலகத்திற்குரியதைச் சொன்னால் அவர் கள்ளத்தீர்க்கதரிசியே என்றும் அவரது உபதேசம் கள்ள உபதேசமே என்றும் திட்டவட்டமாகச் சொல்லலாம்.

சந்தோஷ் எழுதியது:
//பவுலின் கண் பார்வை போகவில்லை எனில், மீண்டும் அது அதிசயத்தக்க விதமாக கிடைக்கவில்லை எனில் பவுல் இயேசுவை ஏற்று கொண்டிருக்க மாட்டார்.//

இது ஒரு தவறான தகவல். பவுல் சந்திக்கப்பட்ட சம்பவத்தை நன்கு படித்துப்பாருங்கள். அப். 9:3-ம் வசனத்தின்படி சடிதியான/பிரகாசமான ஒளியைக் கண்ட மாத்திரத்தில் அதன் பிரகாசத்தைத் தாங்கமுடியாமல் கண்களை மூடி பவுல் கீழே விழுந்துவிட்டார். பின்னர் இயேசு பவுலிடம், “சவுலே, சவுலே, நீ என்னை ஏன் துன்பப்படுத்துகிறாய், நீ துன்பப்படுத்துகிற இயேசு நானே; முள்ளில் உதைக்கிறது உனக்குக் கடினமாம்” என்று சொன்ன உடனேயே பவுல் இயேசுவிடம், “ஆண்டவரே, நான் என்ன செய்யச் சித்தமாயிருக்கிறீர்” எனச் சொல்லிவிட்டார் (4,5,6 வசனங்கள்). அதற்குப் பிறகு பவுல் தனது கண்களைத் திறந்து பார்த்தபோதுதான் தனது கண்கள் குருடாகிப் போனதை அறிந்தார் (8-ம் வசனம்). இயேசுவோடு நடந்த உரையாடல் நேரம் முழுதும் பவுல் கண்களை மூடியே இருந்ததால் அப்போது அவரது கண்கள் குருடானதை அவர் அறிந்திருக்க மாட்டார்.

எனவே பவுலின் மனமாற்றத்திற்கும் “அவரது கண்கள் குருடாகி அது அதிசயமாக் கிடைத்ததற்கும்” சம்பந்தமில்லை.

ஒளியாக வந்த இயேசுவைப் பார்த்ததும் அவரது சத்தத்தைக் கேட்டதும்தான் பவுலின் மனமாற்றத்திற்குக் காரணமாக இருந்திருக்கமுடியும். இயேசு ஒளியாக வந்தது, பவுலிடம் பேசியது ஆகியவற்றை அற்புதமாக எடுத்துக்கொண்டு, அந்த அற்புதத்தால் பவுல் மனம் மாறினார் என வேண்டுமானால் சொல்லிக்கொள்ளுங்கள்.

அற்புதத்தால் பவுல் மாறினார் என்றே வைத்துக் கொள்வோம். உண்மையில் அக்கால கட்டத்தில் அற்புதம் அவசியமாகத்தான் இருந்தது. பேதுரு போன்ற அப்போஸ்தலர்கள் மூலம் அற்புதமும் அடையாளமும் நடக்கவேண்டும் என பேதுருவைவிட அவர்களோடிருந்த மற்ற சீஷர்கள் பெரிதும் விரும்பி, அதற்காக ஜெபிக்கவும் செய்தனர்.

யூதரின் தலைவர்களான வேதபாரகர் மற்றும் ஆசாரியரால் புறக்கணிக்கப்பட்ட இயேசுவைப் பிரசங்கிப்போரின் உயிர் போகக்கூடிய அளவு அக்காலத்தில் ஆபத்து இருந்தது. இதற்கு ஸ்தேவானின் மரணம் ஒரு நல்ல எடுத்துக்காட்டாகும்.

ஒரு சப்பாணியைக் குணமாக்கி வெகுஜனங்களால் ஈர்க்கப்பட்ட பேதுருவையும் யோவானையும் ஆசாரியர்கள் அழைத்து விசாரித்து பயமுறுத்தி விடுதலைசெய்ததாக அப். 4:1-21 கூறுகின்றன. இந்நிலையில் பேதுருவும் யோவானும் மீண்டும் தைரியமாக வசனத்தைப் பிரசங்கிக்க வேண்டுமெனில், அற்புதம் அவசியமாயிருந்தது. எனவேதான் அவர்களோடிருந்த மற்ற சீஷர்கள் இவ்வாறு ஜெபம் பண்ணினார்.

அப். 4:24-30 அவர்கள் அதைக் கேட்டு, ஒருமனப்பட்டுத் தேவனை நோக்கிச் சத்தமிட்டு: கர்த்தாவே, நீர் வானத்தையும் பூமியையும் சமுத்திரத்தையும் அவைகளிலுள்ள யாவற்றையும் உண்டாக்கின தேவனாயிருக்கிறீர். 25 புறஜாதிகள் கொந்தளித்து, ஜனங்கள் விருதா காரியங்களைச் சிந்திப்பானேன் என்றும், 26 கர்த்தருக்கு விரோதமாகவும் அவருடைய கிறிஸ்துவுக்கு விரோதமாகவும் பூமியின் ராஜாக்கள் எழும்பி நின்று, அதிகாரிகள் ஏகமாய்க் கூட்டங்கூடினார்கள் என்றும் தேவரீர் உம்முடைய தாசனாகிய தாவீதின் வாக்கினால் உரைத்தீரே. 27 அந்தப்படி உம்முடைய கரமும் உம்முடைய ஆலோசனையும் முன்குறித்தவைகள் யாவையும் செய்யும்படி, 28 ஏரோதும் பொந்தியுபிலாத்தும், புறஜாதிகளோடும் இஸ்ரவேல் ஜனங்களோடுங்கூட, நீர் அபிஷேகம்பண்ணின உம்முடைய பரிசுத்த பிள்ளையாகிய இயேசுவுக்கு விரோதமாய், மெய்யாகவே கூட்டங்கூடினார்கள். 29 இப்பொழுதும், கர்த்தாவே, அவர்கள் பயமுறுத்தல்களைத் தேவரீர் கவனித்து, 30 உம்முடைய பரிசுத்த பிள்ளையாகிய இயேசுவின் நாமத்தினாலே அடையாளங்களும் அற்புதங்களும் நடக்கும்படி செய்து, பிணியாளிகளைக் குணமாக்கும்படி உம்முடைய கரத்தை நீட்டி, உம்முடைய ஊழியக்காரர் உம்முடைய வசனத்தை முழு தைரியத்தோடும் சொல்லும்படி அவர்களுக்கு அநுக்கிரகஞ்செய்தருளும் என்றார்கள்

அற்புதங்களும் அடையாளங்களும் ஜனங்களுக்காக என்றில்லாமல், வசனத்தைப் பிரசங்கித்த ஊழியர்களுக்காகவே நடக்கவேண்டியதாயிருந்தது. மற்றபடி, தனிப்பட்ட ஒருவன் அற்புதத்தைக் கண்டுதான் இயேசுவை விசுவாசித்து ஏற்றுக்கொள்ள வேண்டும் எனும் கருத்துக்கு ஆதாரமான வசனம் வேதாகமத்தில் இருப்பதாகத் தெரியவில்லை.

வசனத்தைச் சொல்லும்போது ஒருவன் ஏற்றுக்கொண்டால் நல்லதுதான்; ஏற்காவிடில், அவனுக்கெதிராக காலில் படிந்த தூசியை உதறிவிட்டு அடுத்தவனிடம் செல்லவேண்டும் என்றே இயேசு கூறினார். மற்றபடி ஒருவன் இயேசுவை ஏற்றுக்கொள்ளத்தக்கதாக அற்புதம் நிகழவேண்டும் என்பது அவசியமில்லை.

நான் ஏற்கனவே சுட்டிக்காட்டியிருந்த பவுலின் வசனங்களை (2 தெச. 2:9-12) மீண்டும் சுட்டிக்காட்டுகிறேன். அக்கிரமக்காரனின் வருகையால் வல்லமையும் அடையாளங்களும் பொய்யான அற்புதங்களும் நடக்கத்தான் செய்யும். இவைகள் யாருக்கு நடக்குமென்றல், (பரலோக ராஜ்யத்திற்கான) சத்தியத்தை விசுவாசிக்காமல் (உலகத்துக்கான) அநீதிகளில் பிரியப்படுகிறவர்களுக்கே நடக்கும். இவர்கள் ஆக்கினைக்குள்ளாகும்படி பொய்யை விசுவாசிக்கத்தக்கதாக, அந்தக் கொடிய வஞ்சகத்தை தேவனே அனுப்புவார் எனப் பவுல் தெளிவாகக் கூறுகிறர்.

எனவே அற்புதங்களின்மேல் மனதை வைப்பதென்பது நாம் வஞ்சிக்கப்படுவதற்கே ஏதுவாகும். எனவே தற்காலத்தில் அற்புதங்களைச் செய்வதாகக் கருதப்படுவோரிடம் நாம் சற்று ஜாக்கிரதையாயிருப்பதே நல்லது.


-- Edited by sam on Tuesday 11th of January 2011 06:40:12 AM

நாவினால் தேவனுக்கு பிரியமானவற்றையும் பேசலாம் மற்றும் தேவன் விரும்பாதவற்றையும் பேசலாம். நாம் எதை தேர்வு செய்கிறோமோ அதற்கேற்ற பலன் கிடைக்கும். ஏனெனில் நாம் பேசும் வீணான வார்த்தைகள் யாவையும் குறித்து நியாயத்தீர்ப்புநாளிலே கணக்கொப்புவிக்கவேண்டும் என்று வேதம் சொல்கிறது. இதுவே இந்த வசனத்தின் அர்த்தமாக இருக்கலாம் என்று எனக்கு தோன்றுகிறது.

தேவனோடு இணைந்த ஒரு வாழ்க்கை வாழவே கிருத்துவன் அழைக்கபட்டிருக்கிறான். சபைகள் எனப்து மனிதனின் இந்த வாழ்க்கைக்கு உதவி செய்வதற்காக இருப்பவையே. ஒரு மனிதன் தன் வாழ்னாளில் 90 சதவீத பகுதியை வெளியில் சமுதாயத்தை சந்திப்பதில் கழிக்கிறான் ஒரு பத்து சதவீத நேரம் மட்டுமே சபையில் இருக்கிறான்.

சபையிலும் மற்றும் இந்த 90 சதவீத நேரத்திலும் தேவனோடு இணைந்த வாழ்வு எவ்வாறு வாழ்வது என்பதை பற்றி சொல்வதும், அதற்கு அந்த மனிதனை ஏற்றவனாய் ஆக்குவதும் தான் சபையின் வேலையாகும். இப்படியாக மனிதனே ஆலயம் என்ற நிலையை அடைவதற்க்கு பதிலாக இன்று சபை மட்டுமே ஆலயாக இருக்கிறது.

சபையில் தேவனோடு தொடர்பு கொள்ளும் மனிதன் சமூகத்தை சந்திக்கும் போது அந்த தொடர்பை இழந்து விடுகிறான். சரியான போதகம் என்பது மனிதனின் மனதையும், இருதயத்தையும் ஊடுறுவி அவனை எப்போது தேவனோடு இணைந்து இருக்க செய்வதே. ஆனால் ஒரு சில போதகர்களால் மட்டுமே மனிதர்களின் மனதையோ, இருதயத்தையோ பாதிக்க முடிகிறது.

ஒரு போதகரின் தனிப்பட்ட வாழ்க்கை என்பதும், பிறருக்கு பாதிப்பு ஏற்படுத்துபடி போதிப்பது எனபதும் வேறு வேறு விஷயங்கள்.

ஒரு போதகருக்கு தகுதியாக நாம் பரிசுத்த வாழ்க்கையையும், தேவ பக்தியையும் கூறுவோம். ஆனால் விட்னஸ் லீ என்னும் தேவ ஊழியர் ஒரு போதகருக்கு தகுதியாக இவற்றோடு கூட அந்த ஊழியர் நொறுக்கப்பட்ட அனுபவத்தை கடந்து வந்திருக்க வேண்டும் என்று சொல்கிறார்.

இந்த அனுபவத்தின் வழியாக கடந்து வராத போதகர்களால் மிகுந்த துன்பத்தின் வழியே கடந்து செல்லும் மனிதனை தேவனுக்குள் காத்து கொள்ள முடியாது.

என் வாழ்வில் துன்பத்தின் வழியே கடந்து சென்ற போது எந்த போதகமுமே என்னை தாங்க கூடியதாய் இல்லை. அது செழிப்பின் போதகமானாலும் சரி, துன்பப்படுவதை பற்றின போதகமானாலும் சரி எதுவும் தாங்க முடியவில்லை. அதற்கு காரணம் போதகர்கள் இவ்வாறான மக்களுக்கு சரியான வார்த்தையை சரியான ஆழத்துடன் சொல்லும்படிக்கு அவர்கள் வாழ்க்கையில் அனுபவபடாததே.

இது போன்ற நேரங்களில் ஒரு மனிதனுக்கு உதவி செய்வது புத்தகங்களே. சபையில் போதகர்களால் அடைந்ததை விட புத்தகங்களால் அடைந்தது அதிகம் என்று கூட சொல்லலாம். ஆனால் அந்த புத்தகத்தை எழுதியவர் யார் என்றோ, அவர் எப்படிபட்ட வாழ்க்கை வாழ்கிறார் என்பதோ எனக்கு தெரியாது மற்றும் அது எனக்கு தேவையும் இல்லை. எனக்கு தேவை எனக்கு முக்கியமான போதகமே.

இது போலவே சொல்லும்படியாக பாவம் எதுவும் செய்யாமல் இரட்சிக்கப்பட்டு போதகர் ஆன ஒருவரால், பாவத்தினால் தடுமாறும் ஒருவரை தேவனுக்குள் நிலை நிறுத்த முடியாது, ஏனெனில் பாவத்தை குறித்து அனுபவபூர்வமாக கண்டித்து உணர்த்த அவரால் முடியாது.

ஒரு போதகர் தேவ பக்தி உள்ளவராக இருப்பாரானால் அவருக்கு தேவனுடைய சரியான வார்த்தை கிடைக்கும். இருந்தாலும் அவர் அந்த வார்த்தையை குறித்த அனுபவம் இல்லாது இருந்தார் என்றால் அவர் செய்தியில் ஆழம் இருக்காது. அதை கேட்பவரையும் மாற்ற முடியாது. அதாவது அவர் நொறுக்கப்பட்ட அனுபவத்தை பெறாதிருந்தால் தேவனுடைய சரியான வார்த்தை அவருக்கு கிடைத்தும், அதை சொன்னாலும் அது துன்பப்படும் மனிதனுக்கு போதுமானதாக இருக்காது.

அது போலவே உருவ வழிபாட்டிலிருந்து புதிதாக வந்து, அதற்க்கும், தேவனுக்கும் இடையே தடுமாறும் ஒருவரை சரியானபடி மாற்ற பரம்பரை கிருத்துவர்களால் முடியாது. ஏனெனில் அவர்களுக்கு உருவ வழிபாட்டிலிருந்து மனம் திரும்பின அனுபவம் இல்லை.

இப்படியே எல்லா தகுதிகளும் உடையவர்களாக ஊழியர்கள் இருக்க வேண்டும் என எதிர்பார்த்தால் ஒருவர் கூட ஊழியம் செய்ய தகுதி இல்லாத நிலையில் உள்ளவர்கள் என தெரிய வரலாம்.

இன்று இருக்கும் அனேக போதகர்கள் நல்லவர்களாக இருந்தும், தேவ பக்தி உடையவராக இருந்தும் சொல்லும் செய்தியில் ஆழம் இல்லை (ஆழம் என்பது அவர்கள் அனுபவத்தினூடே வருவது). பொதுவாக அதிக பணம் சம்பாதிக்கிறார்கள் என குற்றம் சாட்டப்படும் ஊழியரிடமும், அனேகரை தங்கள் பக்கம் கவருகிறார்கள் என்று சொல்லப்படும் ஊழியர்களிடமும் மற்றவர்களை பாதிக்கும் அளவுக்கு அவர்கள் பேச்சில் ஆழம் இருப்பதை காண முடியும்..

ஜாய்ஸ் மேயர் அவர்களின் பிரசங்கங்கள் மனிதர்கள் ஆயிரம் வருட ஆட்சிக்கு வந்து விட்டது போலவும் அவர்கள் மிகவும் சிறிய விசயங்களிலேயே முன்னேற வேண்டும் என்பது போலவும் (நான் கேட்ட வரை) அமைந்திருக்கும். இவரின் பிரசங்கம் ஆன்மிக பிரகாரமாக அவ்வளவாய் ஆழமில்லாதது போல் இருப்பதனால் நான் எப்போதாவது தான் பார்ப்பேன், அது மட்டுமில்லாது இவரின் பிரசங்கத்தால் யார் தேவனை நோக்கி பார்ப்பார்கள் என்றும் நினைத்திருந்தேன்.

என் மனைவி இரட்சிக்கபடாதவர் (இன்று வரை). நான் ஏதாவது கிருத்துவ நிகழ்ச்சி பார்த்தால் டிவியை நிறுத்த சொல்லி சணடையிடுவாள். நான் எதிர்பார்க்காத வண்ணமாக என்னோடு கூட ஜாய்ஸ் மேயர் நிகழ்ச்சியை பார்த்த அவள் இந்த அம்மா நல்லா பேசறாங்க என்றாள். அது மட்டுமல்லாது அவர்களுடைய மார்பகங்கள் உண்மையானது அல்லவென்பதும் இருந்தும் அவர்கள் அந்த அளவு மகிழ்ச்சியாக இருக்கிறார்கள் எனபதும் அவளை மிகவும் பாதித்தது.

அப்போதுதான் என் மனைவி போன்ற ஒருவர் இயேசுவை பற்றி அறிய ஜாய்ஸ் மேயர் மூலம் ஒரு சாத்தியக்கூறு இருப்பதை புரிந்து கொண்டேன்.

ஜாய்ஸ் மேயர் ஆடம்பரமாக வாழ்கிறார்கள் என்று அவர்களை குற்றம் சொல்லி, அவரின் ஊழியம் தடைபெறுகிறது என்று வைத்து கொள்வோம். இப்போது அவரை போன்றவர்கள் மூலமாக மனம் திரும்ப வாய்ப்பு உள்ளவர்களுக்கு போதிக்க யாரால் முடியும்?

தேவ ஊழியர்களான தினகரன் லாசரஸ் போன்றவர்களின் மேல் குற்றம் சாட்டுவதானால் அவர்கள் ஊழியம் தடைபட்டால் அவர்களால் நடை பெற வேண்டிய ஊழியத்தை அல்லது அவர்களால் நடை பெற்ற ஊழியத்தை போன்ற ஒரு ஊழியத்தை குற்றம் சாட்டுபவர் அவரது ஊழியத்தோடு சேர்த்து செய்வாரா? அல்லது அதுதான் முடியுமா?

ஒரு ஊழியர் தனிப்பட்ட வாழ்க்கையில் சரியில்லாதவராக இருந்தால், அவரை தண்டிக்க தேவன் உண்டு. நாம் பார்க்க வேண்டியது அவரது போதகத்தையும் அதில் உள்ள தேவ வல்லமையையுமே.

கொஞ்சம் ஆராய்ந்து பார்த்தால் மற்றவர்களை குற்றம் சாட்டுபவர்கள் தங்கள் வாழ்க்கையில் பெரிதாக ஒன்றையும் சாதிக்கவில்லை என்பதையும் நாம் அறியலாம்.

உதாரணமாக பிசாசு துரத்தும் ஒரு ஊழியரின் நிகழ்ச்சியை நாம் குற்றம் சாட்டலாம். ஆனால் அதை டிவியில் பார்த்த .வேறு ஒரு ஊரில் இருக்கும் மனிதர் இயேசுவினால் பிசாசை ஓட்ட முடியும் என்பதை உணர்ந்து அசுத்த ஆவி பிடித்த தன் உறவினரை ஒரு கிருத்துவ ஊழியரிடத்தில் அழைத்து செல்ல வாய்ப்புண்டு. இது போல நாமே எதிர்பார்க்காத பல விதங்களில் தனக்கு தேவையான்வர்களை அழைக்க தேவனால் முடியும்.

(இயேசு பிசாசை ஓட்டுவார் என்று யாரும் பிரசங்கிப்பதில்லை. இரட்சிப்பார் என்றே சொல்கின்றனர். இதனால் பிற மதத்தை சேர்ந்த அனேகருக்கு இயேசு பிசாசை ஓட்டுவார் என்பது தெரியாமல் இருக்கிறது. பிசாசினால் பிரச்சனை உள்ளவர்கள் அதற்கென்று உள்ள தர்காவிற்கோ, கோவிலுக்கோ செல்லுகின்றனர். இவர்களில் அனேகர் இயேசுவை ஏற்று கொள்ள வேண்டும் எனில் இயேசு பிசாசை ஓட்டுவார் என்ற செய்தி பிரசங்கிக்கபட வேண்டும் ஆனால் இது கிருஸ்துவர்களின் கெளரவத்தை பாதிக்கும் என்பதால் இந்த செய்தியை பிரசங்கிக்க மாட்டார்கள். ஆனால் இந்த பிசாசு ஓட்டும் ஊழியர் இயேசுவை பற்றின இந்த செய்தியை அறிவிக்கிறவராய் இருக்கிறார்)

ஆடம்பரமாக வாழும் ஊழியர்கள் வேதத்தை படிக்காதவர்கள் அல்ல. அதனால் அவர்களுக்கு வேதத்தின் வழியே புத்தி சொல்வதும் அவசியமற்றது. "சிவன் சொத்து குல நாசம்" என புற மதத்தவர்களாலேயே வழங்கப்பட்டிருக்க தேவனுடைய சொத்தை தன்னுடைய ஆடம்பரத்துக்காக பயன்படுத்துபவர்கள் மேல் எவ்வளவு தேவ கோபம் இருக்கும் என்பதை அவர்கள் உணர்ந்தும் அதை அசட்டை செய்கிறார்கள் எனில். அவர்கள் நரகத்துக்கு போக தன்னை திடப்படுத்தி கொண்டவர்கள் என்றே அர்த்தம். ஆனாலும் சில நேரங்களில் அவர்கள் போதகம் குறையில்லாமல் இருக்க வாய்ப்புண்டு.

ஆடம்பரமாக வாழும் ஊழியர்கள், பாவத்தில் இருக்கும் ஊழியர்கள் போன்றோரின் உண்மை நிலை வெளிப்படுத்தபட வேண்டும். அதன் மூலம் அவர்களுக்கு பணம் கொடுப்பவர்கள் மற்றும் அவரை தாங்குபவர்கள் உணர்வடைய வேண்டும்.

கடந்த கிறிஸ்மஸ் (25.12.2010) ஆராதனையை (அவர்களுடைய இணையதளத்தின் பெட்டகப் (Archive) பகுதியிலிருந்து...) கவனித்தால், ஆராதனையின் ஆரம்பத்தில் ஜெபிக்கும் போதகர் (?!) இப்படியாக ஜெபிக்கிறார், "அன்புள்ள பரலோகத் தந்தையே இந்த நல்ல நாளுக்காக நன்றி செலுத்துகிறோம், எங்கள் மீதான உமது பேர‌ன்புக்காக நன்றி செலுத்துகிறோம், உம்முடைய வார்த்தை சொல்லுகிறது,தேவன் தம்முடைய ஒரேபேறான குமாரனைத் தந்து இந்த உலகத்தில் அன்புகூர்ந்தார் (யோவான்.3:16) தந்தையே உமக்கு நன்றி செலுத்துகிறோம்,ஏனெனில் இதுபோன்ற ஒரு நாளில் (சற்று தடுமாறி,நிறுத்தி...) சர்வ வல்ல தேவன் -மகாபெரிய யெகோவா குழந்தையாக பெத்லகேமில் பிறந்தார், இந்த உலகில் வந்து மனிதனாக வாழ்ந்த இயேசுகிறித்துவுக்காக உமக்கு நன்றி செலுத்துகிறோம்; இயேசுகிறித்துவின் பிறப்பைக் கொண்டாட எங்களுக்கு கிடைத்த இந்த நல்ல வாய்ப்புக்காக உமக்கு நன்றி செலுத்துகிறோம்;உமது அன்பையும் இயேசுகிறித்துவின் அன்பையும் புரிந்துகொள்ள தேவ ஆவியானவர் உதவிசெய்வாராக,ஆவியானவர் தாமே எங்கள் கண்களைத் திறந்து இந்த உண்மைகளையறிய உதவிசெய்வாராக" என்பதாக ஜெபித்தார்;இது அவருடைய ஜெபத்தின் சுருக்கமான தொகுப்பு மட்டுமே;இதன் விவரங்களை போதகர் சாம்.P அவர்களின் இணையதளத்திலிருந்து பெறலாம்.

மேற்கண்ட போதகரின் ஜெபத்திலிருந்து சத்தியத்துக்கு விரோதமான சில காரியங்கள்...

சர்வ வல்ல தேவனாகிய யெகோவா தேவனே பெத்லகேமில் குழந்தையாகப் பிறந்தார், என்பது;

அடுத்து யாரிடம் ஜெபிக்கிறாரோ அவரிடமே அவரைக் குறித்த வரலாறை விவரிப்பதைப் போல, 'தகப்பனே யெகோவா என்பவர் குழந்தையாகப் பிறந்தாரே, எனவே இயேசுகிறித்துவுக்கும் நன்றி செலுத்துகிறோம்' என்பது தெய்வத்துவத்தைக் குறித்த ஒரு தெளிவில்லாத இவர்களுடைய நிலையினைப் பறைசாற்றுகிறது;இவ்வாறாக ஜெபிப்பது எந்தவிதமான மொழி இலக்கணத்துக்கும் பொருந்தாத தவறான ஜெபமாகும்;"யெகோவா எனும் நாமத்தையுடைய தகப்பனே எங்களுக்காக பெத்லகேமில் குழந்தையாக வ்ந்து பிறந்தீரே" என்று ஜெபித்தாலும் ஓரளவுக்கு இலக்கண சுத்தமும் தெளிவும் உடைய ஜெபமாக அது இருக்கலாம்.

பிதாவை நோக்கி இயேசுகிறித்துவின் மூலமாக ஆவியானவரின் துணையுடன் ஜெபிக்கும் முறையைக் கற்றுக் கொடுத்த அப்போஸ்தலர்களின் போதனைக்கு முற்றிலும் விரோதமாக ஜெபிக்கும்போது இதற்கு எப்படி கேட்பவர் ஆமென் என்று சொல்லலாம்..?

=>அப்படியானால் ஜெபத்தில் பங்கேற்பவர் அதனை ஒரு சடங்காக ஈடுபாடில்லாமல் செய்கிறார் அல்லது வஞ்சகமான ஏதோ ஒரு உபதேசத்தில் சிக்கியிருக்கிறார் என்று அர்த்தமாகும்.

=>அப்படிப்பட்ட ஒரு தெளிவில்லாத ஜெபத்தைத் தொடர்ந்து நடப்பவையும் தாறுமாறாகவே இருக்கும்.

=>இப்படிப்பட்ட ஜெபத்தைச் செய்பவர் தவறான போதனையின் மூலமே இப்படி ஜெபிக்கிறார்.

=>அதுபோலவே இப்படிப்பட்ட ஜெபத்தை அனுமதிக்கும் நிகழ்ச்சியின் தலைவரும் தெரிந்தோ தெரியாமலோ தவறான திரித்துவக் கொள்கையைக் கடைபிடிப்பவராக இருக்கவேண்டும்.

=>மற்றபடி அவருக்குத் தெரியாமல் அவருக்குக் கீழிருக்கும் ஒருவர் இதுபோல ஜெபிக்கமுடியாது.

இதெல்லாம் பெரிய விஷயமா,இதெல்லாம் பெரிய குற்றமில்லை என்போர் தேவனுடைய பயங்கரத்தை அறியாதவர்களாக இருக்கலாம்;இயேசு தேவனல்ல,சாதாரணமான குமாரனே என்பது ஒரு பயங்கரமென்றால் யெகோவா தேவனே குழந்தையாக பெத்லகேமில் அவதரித்தார் என்பதும் வேதத்துக்கு விரோதமானதே;அதுபோன்ற கருத்துடைய ஒரு வசனமும் வேதத்தில் இல்லை.

"அன்றியும், தேவபக்திக்குரிய இரகசியமானது யாவரும் ஒப்புக்கொள்ளுகிறபடியே மகா மேன்மையுள்ளது. தேவன் மாம்சத்திலே வெளிப்பட்டார்..,(1.தீமோத்தேயு.3:16)

"ஏனென்றால், தேவத்துவத்தின் பரிபூரணமெல்லாம் சரீரப்பிரகாரமாக அவருக்குள் வாசமாயிருக்கிறது. "(கொலோசெயர்.2:9)

-ஆகிய வசனங்கள் இயேசுவில் வெளிப்பட்ட தெய்வத்தன்மையை மட்டுமே கூறுகிறதேயன்றி யெகோவா தேவனே மாம்சத்தில் வந்துவிட்டார் என்று கூறவில்லை.

இயேசுவின் தெய்வத்தன்மையை மறுக்கும் துருபதேசத்துக்கு கொஞ்சமும் குறையாத குற்றமானது அவரது தனித்தன்மையை மறுத்து அவரை யெகோவா தேவனுடன் இணைத்து விடுவதாகும்;மாம்சத்தில் வெளிப்பட்ட தேவனாகிய இயேசுகிறித்துவுக்கே உரித்தான தனித்தன்மைகளும் அதிகாரங்களும் விசேஷமானதாகும்.

அந்த போதகர் எந்த வசனத்தைச் சொல்லி ஜெபித்தாரோ அந்த வசனத்திலேயே இந்த உண்மைகள் உரைக்கப்பட்டிருக்கிறது;இதைச் சொன்னவர் யாரோ அல்ல,ஆண்டவராகிய இயேசுகிறித்துவே.

"தேவன், தம்முடைய ஒரேபேறான குமாரனை விசுவாசிக்கிறவன் எவனோ அவன் கெட்டுப்போகாமல் நித்தியஜீவனை அடையும்படிக்கு, அவரைத் தந்தருளி, இவ்வளவாய் உலகத்தில் அன்பு கூர்ந்தார். (யோவான்.3:16 )

திரித்துவ உபதேசத்தில் தெய்வத்துவ ஸ்தானங்களை மாற்றாமலும் மறுக்காமலும் இருப்பது சத்தியத்தை அறிய மட்டுமல்ல,அதுவே நம்முடைய ஜெபங்கள் கேட்கப்படுவதற்கும் அவை சரியான இடத்தைச் சென்று சேருவதற்கும் நாம் தேவ கோபத்துக்கு ஆளாகாமல் தப்பவும் உதவிகரமாக இருக்கும்;இதனால் புதியவர்கள் தடுமாறாமல் சரியான சத்தியத்தை அறியவும் வாய்ப்புண்டாகும்.

இன்னும் சிலர் இயேசுவே என்று ஜெபிக்கத் துவங்கி இயேசுவின் நாமத்தில் பிதாவே என்று ஜெபத்தை நிறைவுசெய்வார்கள்;இன்னும் சிலர் மேற்கண்ட போதகரின் ஜெபத்தைப் போல, யாரிடம் யாருக்காக எப்படி ஜெபிக்கிறோம் என்ற உணர்வே இல்லாமல் சத்தியத்துக்கு விரோதமாக ஜெபிக்கிறார்கள்;தகப்பனே என்று யாரை கூப்பிடுகிறார்,யெகோவா தேவனே இயேசுகிறித்துவாக‌ வெளிப்பட்டார் எனில் யாரிடம் அந்த செய்தியைப் பகிர்ந்துகொள்ளுகிறார்? இதெல்லாம் பல்வேறு உபதேசக் கோளாறுகளால் வந்த தீங்காகும்.

இதைக் குறித்தும் வாசக நண்பர்கள் தங்கள் கருத்துக்களைப் பகிர்ந்துகொள்ளலாம்.

[பிரபல போதகரான சாம்.P அவர்கள் இன்றைய கிறித்தவத்தின் ஒரு  குறியீடு மட்டுமே;அவர் மட்டுமே முழு குற்றவாளியல்ல;அவரை இப்படி செயல்பட வைத்தது,இந்த சமுதாயம்;அதன் பின்னணியில் கிறித்து சபையின் எதிரியான சாத்தான்; நித்தியத்துக்குரிய - மேன்மையான‌ அழிவில்லா போஜனத்துக்காக கிரியை நடப்பிப்பதை மறைத்து - மறுத்து அழிவுள்ள அநித்திய சுகங்களைக் குறித்து பேசி மனதை மயக்குபவன் அவனே.]

முழுவதும் உண்மை. மக்களுக்கு பணம் வேண்டும். ஊழியக்காரர்களுக்கும் பணம் தேவைபடுகிறது. கொடுத்தால் நூறு மடங்கு கொடுப்பார் என்று சொல்லி எளிதில் மக்களை மயக்கி கல்லா கட்டி விடுகிறார்கள்!

ஆண்டவரை நேசித்து கொடுப்பவர்கள் எத்தனை பேர்?

'விசுவாச ஊழியம்  செய்கிறோம்' என்று சொல்லும் பலரும் ஆண்டவரின் கொடுக்கும் சக்தியை விட மக்கள் தரும் தசமபாகத்தைதான் அதிகமாக விசுவாசிக்கிறார்கள்.