Yauwana Janam

chillsam · Senior Member>>>ஒளி வீசுக..!

RE: ஆசீர்வாதம் டிவியின் புரட்சிகரமான கருத்து..!

sam · Member>>>முன்னேறிச் செல்க..!

தங்கள் ஆதங்கத்தையும் யோசனையையும் படித்தேன்.

நல்ல யோசனைதான். நன்கு யோசித்து நிபந்தனைகளையும் விதிமுறைகளையும் வகுத்து செயல்படுத்துவது அவசியம்.

ஏனெனில், ஒருவருக்குத் தவறானவராகத் தோன்றும் ஊழியர் மற்றொருவருக்கு சரியானவராகத் தெரிவார். இதுதான் தவறான ஊழியர்களின் மிகப்பெரிய பலம்.

ஓர் ஊழியர் ஒரு விஷயத்தில் தவறினாலும் அவர் தேவஊழியர் எனப்படுவதற்கு தகுதியானவர் அல்ல எனும் கருத்து எப்போது மேலோங்குகிறதோ அப்போதுதான் தங்கள் எண்ணம் ஈடேறும் என்பது எனது கருத்து.

chillsam · Senior Member>>>ஒளி வீசுக..!

எனது "வலைப்பூ"வின் அண்மைய பதிவுகள்...

“கிறித்தவ விழிப்புணர்வு இயக்கம்”

http://chillsam.wordpress.com/2010/10/04/christian-revival/

மாயாவி ஜட்சன் ஆபிரகாம் கையில் விஷ்ணு சக்கரம்..!

http://chillsam.wordpress.com/2010/10/02/fraud/

chillsam · Senior Member>>>ஒளி வீசுக..!

இது தமிழ் கிறித்தவ தளத்தில் நண்பர் இராஜ்குமார் அவர்கள் அளித்துள்ள மற்றொரு பின்னூட்டமாகும்;இதற்கு பிந்தைய கருத்துகளுக்கே நான் பதிலளித்துள்ளேன்; இந்த குறிப்பிட்ட கருத்துக்கு இன்னும் பதிலளிக்கவில்லை; எத்தனை நீளமாக- தெளிவாக- தாழ்மையுடன் நாம் பதிலளித்து, இசைந்து சென்றாலும் அவரவருக்கென்று உருவாக்கிக் கொண்ட வட்டத்திலிருந்து ஒருவரும் வெளியே வருவதாக இல்லை; அவ்வளவு ஏன், சற்று சிரமம் பார்க்காமல் இங்கே ஒரு பின்னூட்டமிடக் கூட ஒருவருக்கும் மனமில்லை;காரணம்தான் புரியவில்லை;

நானோ நேர்மையுடன் அவர்களுடைய தொடுப்புகளைத் தருவதிலிருந்து முழு விவரத்தையும் காப்பி பேஸ்ட் செய்து அதற்குரிய பதிலையும் விவரமாகப் பதித்து வருகிறேன்...தமது சிங்காசனத்திலிருந்து அனைத்தையும் கண்காணித்துக் கொண்டிருக்கும் தேவன் தாமே அவரவருக்குரிய பலனைத் தருவாராக;இவையெல்லாமே அவர் ஒருவருடைய நாம மகிமைக்காக மட்டுமே...

By Rajkumar@TCS
அன்பு சகோ சில்சாம் அவர்கள் சொன்ன தேவ இரகசியம் தொடர்பான அந்த செய்தி ஆசீர்வாதம் தொலைக்காட்சியில் ஒளிபரப்பானபோது நானும் பார்த்துக்கொண்டிருந்தேன்.

சகோ ஆலன்பால் அவர்கள் இந்த வெளிப்படுத்தல் தொடர்பான செய்தியில் சொல்ல வந்த காரியம் (நான் புரிந்து கொண்டது)

செய்தியின் அடிப்படை: தேவனிடத்திலிருந்து பதில் வரவில்லையானால் சோர்ந்து போகாதிருங்கள் என்பதின் அடிப்படையில் அமைந்திருந்தது

அப்போஸ்தலர் 1:6 & 7ஆண்டவரே, இக்காலத்திலா ராஜ்யத்தை இஸ்ரவேலுக்குத் திரும்பக் கொடுப்பீர் என்று கேட்டார்கள்.அதற்கு அவர்: பிதாவானவர் தம்முடைய ஆதீனத்திலே வைத்திருக்கிற காலங்களையும் வேளைகளையும் அறிகிறது உங்களுக்கு அடுத்ததல்ல.

எனற உரையாடல் மூலமாக தேவ இரகசியங்களைக் குறித்த விளக்கங்களையும், அதற்குப் பின் சிறிது இடைவெளியில் வெளிப்படுத்தல் 1:1 . சீக்கிரத்தில் சம்பவிக்கவேண்டியவைகளைத் தம்முடைய ஊழியக்காரருக்குக் காண்பிக்கும்பொருட்டு, தேவன் இயேசுகிறிஸ்துவுக்கு ஒப்புவித்ததும், இவர் தம்முடைய தூதனை அனுப்பி, தம்முடைய ஊழியக்காரனாகிய யோவானுக்கு வெளிப்படுத்தினதுமான விசேஷம்.

என்ற வசனத்தை கூடுதலாக மேற்கோள் காட்டி அவர் சொல்ல முயன்றது இயேசு கிறிஸ்து பல ஆண்டுகள் கழித்து உலகத்தின் முடிவு எப்படி இருக்கும் என்று அப், யோவானுக்கு வெளிப்படுத்தியிருக்கிறார், இனி ஊழியரின் ஊகம் தொடர்கிறது, ஒருவேளை இந்த வெளிப்படுத்தின விஷேசத்தை பிதாவானவர் இயேசு கிறிஸ்துவுக்கே கூட அப்போது தான் வெளிப்படுத்தியிருக்கலாமோ என்னவோ அது நமக்குத் தெரியாது ஆகவே நீங்கள் பதில் கிடைக்கவே இல்லையென்று சோர்ந்து போகாதிருங்கள், இப்படியாக அந்த நற்செய்தி தொடர்ந்தது

ஆனால் பிதா மாம்சத்தில் வெளிப்படவில்லை என்று ஆலன்பால் அவர்கள் அந்த செய்தியில் சொன்னதாக எனக்கு நினைவில்லை

இந்தக்கருத்து ஒருவேளை சரியாக இருக்கலாம் என்பது என்னுடைய தனிப்பட்ட கருத்தாக இருந்தது காரணம் அப்போஸ்தலர் முதலாம் அதிகாரத்தில் அவர் எடுத்துக்கொள்கிறதற்கு முன்னதாக இயேசு என்னவெல்லாம் நடக்கும் என்பதை விளக்கிச் சொன்னதாகவும் அது தொடர்பாக சீஷர்கள் சந்தேகம் கேட்டுத் தெளிவடைந்ததாகவும் விளக்கப்பட்டிருக்கிறது, அதே போல

யோவான் 15:15 இனி நான் உங்களை ஊழியக்காரரென்று சொல்லுகிறதில்லை, ஊழியக்காரன் தன் எஜமான் செய்கிறதை அறியமாட்டான். நான் உங்களைச் சிநேகிதர் என்றேன், ஏனெனில் என் பிதாவினிடத்தில் நான் கேள்விப்பட்ட எல்லாவற்றையும் உங்களுக்கு அறிவித்தேன்.

என்றும் ஒரு இடத்தில் நம்முடைய இரட்சகரே நேரடியாக சொல்லியிருக்கிறார், ஆகவே இது ஆலன்பால் அவர்களால் திரித்து சொல்லப்பட்டதாக எனக்குத் தெரியவில்லை,

என்னுடைய இந்த புரிதல் ஒருவேளை தவறாகக்கூட இருக்கலாம் எனக்குத் தெரியவில்லை, நண்பர் சில்சாம் எந்த கோணத்தில் இதை புரிந்து கொண்டார் அல்லது என்னுடைய புரிதல்களில் உள்ள தவறுகள் என்ன என்பதைச் சுட்டிக்காட்டுவாரானால் என்னுடைய புரிதல்களை மாற்றிக்கொள்ளத் தயாராக இருக்கிறேன்.

மேலும் நான் தலைவராக உருவாகி வருவதாகச் சொல்லியிருந்தார், அது முற்றிலும் தவறு நான் இந்தத் தளத்திற்கு வருவதும், என் வாழ்வின் முழுமுதல் நோக்கமும் கிறிஸ்துவை அதிக ஆழமாக அறிந்து கொண்டு அவர் கிருபையில் வாழ்ந்து முடிப்பதே, இந்த வார்த்தை என்னை மிகவும் வேதனைப்படுத்தியது. நான் தங்களிடமும் மற்றவர்களிடமும் சத்தியத்தைக் கற்றுக்கொள்ளவே வந்திருக்கிறேன். தயவு செய்து என்னைப்பற்றிய புரிதல்களை மாற்றிக்கொள்ளுங்கள்.

என்னுடைய மற்ற பதிவுகளிலும் கூட நான் இந்த தளத்திற்கு வந்து அதிகமாக ஆண்டவரைப்பற்றித் தெரிந்து கொண்டேன் என்றே சொல்லியிருக்கிறேன் என்பதையும் இங்கே தாங்கள் நினைவில் கொள்ளவேண்டும்.

நான் தேவனுடைய ஊழியக்காரர்களுக்கு விரோதமாகப் பேசவேண்டாம், என்று நான் சொல்ல வந்தது என்னுடைய சொந்த அனுபவத்தில் நான் இப்படி பேசி மிக அதிகமான விலைக்கிரயங்களைச் செலுத்தி ஆண்டவருடைய அளவிடப்பட முடியாத கிருபையால் இரட்சிக்கப்பட்டேன்.

எங்கள் வீட்டு எதிரில் சபை நடத்தும் போதகர் அவர்களை எல்லோரும் பாஸ்டர்(புறஜாதியாரும்) என்றுதான் அழைப்பார்கள், ஆனால் கிறிஸ்தவனான நானோ பொறுக்கி என்று பொருள்படும் ஆங்கில வார்த்தையில் தான் அவரை குறிப்பிடுவேன், இரட்சிப்பின் அனுபவத்திற்கு நேராக அந்த சபை மூலம் பல முறை அழைக்கப்பட்டேன். காசுக்காக ஊழியம் செய்கிறார்கள் என்று எல்லோரிடமும் சொல்லித் திரிவேன். ஆனால் இனி தற்கொலைதான் முடிவு என்ற நிலைக்குப் போய் உடைக்கப்பட்டு பின்பு என் தேவனை இணம் கண்டுகொண்டேன். ஒருவேளை நான் அப்படி அவதூறு பேசியதால் தான் இப்படிப்பட்ட சூழ்நிலைகள் வந்ததோ, அல்லது நான் மேற்சொன்ன நேரடியான அழைப்பைப் புறக்கணித்தால் தான் இப்படிப்பட்ட சூழ்னிலைகளைக் கடக்கவேண்டியிருந்ததோ என்றெல்லாம் இப்போது யோசித்துப் பார்ப்பதுண்டு

ஒருவேளை எனக்கு இனைய ஊழியம் செய்யவேண்டும் என்ற என்னத்தை தேவன் கொடுக்காமல் இருந்திருந்தால் நான் அதற்காக செலவிட்ட நேரங்களையும் சிந்தனைகளையும் நான் இதே இனையத்தைப் பயன்படுத்தி சம்பாதிப்பதற்காகப் பயன்ப்படுத்தியிருக்கலாம் அல்லவா? அப்படியானால் எனக்கு இந்த ஆர்வத்தை கொடுத்தது தேவன் என்று நான் விசுவாசிக்கிறேன். இப்படிப்பட்ட ஆர்வத்தால் தான் எல்லோரும் வருகிறார்கள் என்று நான் எனக்குள்ளாகவே சொல்லிக் கொண்டது உண்டு ஆகவேதான் எபிரெயர் 5:4 ஐ குறிப்பிட்டேன்.

உங்களுக்கு சமீபத்தில் நடந்த அரசியல் சம்பவத்தை நினைவூட்ட விரும்புகிறேன், காஷ்மீரைச் சேர்ந்த ஒரு இராணுவ அதிகாரிக்கு விசா வழங்க சீனா மறுத்து விட்டது, இதற்கு இந்தியா கடும் கண்டனத்தைத் தெரிவித்ததோடு அந்த நாட்டு இரானுவ வீரர்களின் வழக்கமான பயிற்சிக்காக வழங்கப்படும் விசா மறுக்கப்பட்டது உடனே சீனா விபரீதத்தை உணர்ந்து தன்னுடைய தூதரை நேரடியாக வெளியுறவு அமைச்சகத்திற்கு அனுப்பி தன் செயலுக்கு வருத்தம் தெரிவித்தது.

இப்படி உலகப்பிரகாரமான ஒரு சம்பவத்துக்கே இப்படிப்பட்ட எதிர்விளைவுகள் இருக்குமானால், உலகத்தில் இருப்பவரிலும் பெரியவரான நம் தேவன் ஏற்படுத்தியிருக்கும் ஊழியரை நாம் குறை சொன்னால் என்ன நடக்கும் என்ற பயத்தினாலேயே இந்தக் கருத்தைப் பதிவு செய்தேன்.

குற்றம் சாட்டுவதும் குறைகூறுவதும் என்னுடைய தனிப்பட்ட வாழ்வில் எதிர்விளைவையும் கசப்பான அனுபவத்தையும் தான் கொடுத்திருக்கிறது ஆகவே அதில் எனக்கு உடன்பாடு இல்லை,

சமீபத்தில் கூட இரு ஊழியர்களின் கருத்து வேறுபாட்டால் என்னுடைய தனிப்பட்ட வாழ்வில் பிரச்சனையில் சிக்கிக்கொண்ட அனுபவம் எனக்கு உண்டு, ஆனாலும் நான் அவர்களிடம் மன்னிப்பு கேட்டு ஒப்புறவாகத்தான் இன்றுவரை முயன்று கொண்டிருக்கிறேன். என்னாலும் ஊழியர்களே இப்படித்தான் என்று குறை கூறிக்கொண்டு இருந்திருக்க முடியும், அதனால் பகையும் கசப்பும் வளருமே ஒழிய வேறு என்ன அங்கே இருக்க முடியும்? அப்படியானால் அங்கே பிசாசு அல்லவா வென்றுவிடுவான்? ஆனால் தேவன் இப்படிப்பட்ட சூழ்நிலையை அனுமதிக்காமல் அது நடக்காது என்று எனக்குத் தெரியும், ஆகவே சூழ்னிலைகளை மாற்றித்தாரும் என்று ஜெபிக்கிறேன், தேவன் மீது நம்பிக்கை வைத்து காத்திருக்கிறேன்.

நேற்றைய தினத்தில் கூட போதகர் அற்புதம் அவர்களோடு பேசும்போது அந்த ஊழியரிடம் சமரசம் ஆகிவிட்டீர்களா? என்று கேட்டார், நானும் முயன்று கொண்டிருக்கிறேன் பிரதர் என்றே பதிலளித்தேன், இன்றும் கூட முயற்சி செய்வேன். நாளையும் தொடருவேன். இப்படிப்பட்ட சூழ்னிலைகளின் நடுவே நான் சென்று கொண்டிருப்பதால் இங்கே மட்டுமல்ல நான் சந்திக்கும் எல்லா நபர்களுக்கும் நான் சொல்லுவது மற்றவர்களை குறை சொல்லாதீர்கள் என்பதே ஒருவேளை இந்த இடத்தில் இந்த வரிகள் தவறாக இருக்குமானால் என்னை மன்னித்துவிடுங்கள்.

மேலும் இயேசுவே யகோவா என்று நான் சொன்னதாகவும், அதற்கு தாங்கள் விளக்கம் கேட்டதாகவும், அதற்கு இன்று வரை நான் பதில் சொல்லவில்லை என்றும் சொல்லியிருந்தீர்கள், உண்மையாகச் சொல்லுங்கள் என்னிடம் இந்தக் கேள்வியை என்று என்னிடம் கேட்டீர்கள்? ராமர்ன் அவர்கள் நடத்தும் தளத்திற்கு உங்கள் ஆண்டி வைரஸ் அனுமதி அளிக்காததால் நான் நடத்திவரும் வலைபதிவில் உங்கள் இருவரின் விவாதத்தை தொடர்ந்து நடத்த அவரை விவாதத்துக்கு அழைத்தல்லவா பின்னூட்டம் இட்டிருந்தீர்கள்? அதில் விளக்கம் எதுவும் கேட்டதாக எனக்குத் தெரியவில்லையே? மேலும் அது என்னுடய கட்டுரையே அல்ல கோவை அண்ணாவின் தளத்தில் நான் படித்து என்னைக் கவர்ந்தபடியால் என்னுடைய தளத்திலும் பதித்தேன் மேலும் அந்தக்கட்டுரை nlm-tv.com ‍ என்ற தளத்திலிருந்து எடுக்கப்பட்டது அதற்கான தொடுப்பும் அதற்கு கீழெயே கொடுக்கப்பட்டுள்ளது, அப்படி உண்மையிலேயே அந்தேகம் கேட்கவேண்டும் என்று இருந்திருந்தால் நீங்கள் கோவை அண்ணா 6 மாதங்களுக்கு முன்பே வெளியிட்ட போது அவரிடம் கேட்டிருக்கலாம் அல்லது நேரடியாக அந்த தளத்திற்கே உங்கள் சந்தேகத்தை அனுப்பியிருக்கலாம், மாறாக இராமர் அவர்களின் தளத்துக்கு உரிய பின்னூட்டத்தை இங்கே பதிக்கிறேன் என்ற முன்னுரையோடு மட்டுமே நீங்கள் பின்னூட்டம் இட்டிருகிறீர்கள்

நீங்கள் ராமர் அவர்களை விவாதத்துக்கு அழைத்திருக்க நான் அழையாவிருந்தாளியாக வந்தால் நன்றாக இருக்குமா? என்று நான் மறு பிண்ணூட்டம் இடவில்லை

புறஜாதியார் உட்பட பலரும் இந்த தளத்துக்கு வருகிறார்கள், ஆசீர்வாதம் டீ.வி பார்க்கிறார்கள், இப்படிப்பட்ட குற்றச் சாட்டுகளை அந்த ஊழியரின் தனிப்பட்ட கவனத்துக்குக் கொண்டு செல்ல முயல்வது நல்லவிளைவுகளை ஏற்படுத்த முடியுமே ஒழிய இப்படி ஒரு பொதுவான இடத்தில் விவாதிப்பது எந்தப்பயனையும் தராது என்பது என்னுடைய தனிப்பட்ட தாழ்மையான கருத்து. என்னுடைய தளத்தில் விளக்கம் கேட்டதாகச் தாங்கள் சொல்லியிருந்தீர்கள் ஆசீர்வாதம் டீவி இனையத்தில் உங்கள் கன்டனத்தை ஏன் பதிவு செய்யவில்லை என்பதே என்னுடைய நேரடிக்கேள்வி? அல்லது அப்படி உலக அளவில் கொழுந்துவிட்டு எரியும் பிரச்சனைக்கான தீர்வு என்று வர்ணித்த அந்தக் கட்டுரை குறித்த விவாதத்தை ஏன் நீங்கள் (மார்ஸ்மேடை) இங்கேயோ அல்லது உங்கள் தளத்திலோ விவாதத்தை ஆரம்பிக்கவில்லை? ஆசீர்வாதம் டீவியில் சொன்ன அந்த ஒற்றை வரியைப் பார்த்த எத்தனை பேர் கவனித்தார்கள் என்பதும், அந்த வரிகளை என்னைப்போல (ஒருவேளை தவறாக) புரிந்து கொண்டார்கள் என்பதுமே மிகப்பெரிய கேள்வி.. அப்படியிருக்க இங்கே விவாதம் செய்பவர்கள் எத்தனை பேர் அந்த நிகழ்ச்சியைப் பார்த்தார்கள்? அவர்களது தனிப்பட்ட புரிதல்கள் என்ன? என்பதும் இங்கே விளக்கப்படவில்லை

அல்லது ஒரு தனியார் பள்ளிக்கு எதிரான போரட்டத்தை சில்சாம் அவர்கள் வீடியோ ஆதாரத்தோடு வெளியிட்டிருந்தார், அப்படிப்பட்ட ஆதாரமும் இந்த குற்றச்சாட்டுக்கு இல்லை ஒருவேளை அவர் முன்னேற்பாடு செய்யவில்லை என்று விளக்கம் சொல்லலாம், ஆனால் ஒருவேளை ஆசீர்வாதம் டீவியை நீங்கள் தொடர்ந்து பார்ப்பவரானால் முந்தைய நாள் இரவு 9 மனிக்கு ஒளிபரப்பாகும் அதே தேவ செய்தி மறுநாள் மதியம் 1 மனிக்கு ஒளிபரப்பாகும் அப்போது பதிவு செய்திருக்கலாம், அல்லது அவர்கள் 24 மனி நேரமும் திரையில் காட்டும் கைபேசி என்னுக்கு தொடர்பு கொண்டு தன் மாற்றுக்கருத்தையோ அல்லது இன்று ஒளிபரப்பான செய்தியின் சி,டி பிரதியை வாங்கி வீடியோ ஆதாரமாக வெளியிட்டு குற்றம் சாட்டியிருக்கலாம்,

இவை எல்லாவற்றிற்கும் மேலாக இது தவறு மாறாக இதுவே சரி என்றாவது ஒரு விளக்கக்கட்டுரை எழுதி அதை பதித்துவிட்டு அந்த ஊழியருக்கும் ஒரு மின்னஞ்சல் அனுப்பியிருக்கலாம், மாறாக இப்படி குற்றம் சாட்டுவதில் என்ன நன்மை விளைந்து விடப்போகிறது என்று நண்பர் கட்டாயம் விளக்கமளிக்கவேண்டும். அல்லது இது குறித்து ஆசீர்வாதம் டீ.விக்கு அவர் அளித்த மறுப்பைக் குறித்த விவரங்களை ஆதாரங்களோடு வெளியிட்டு அது தொடர்பாக அவர்கள் கொடுத்த விளக்கத்தையோ அல்லது சாமாளிப்புகளையோ இங்கே வெளியிட்டு அவரது வாதத்துக்கு வழு சேர்த்து என்னைப் போன்றவர்களின் கண்களைத் திறக்க‌ சத்தியத்தை சரியாக அறிவிக்கும் பொறுப்பு சகோ சில்சாம் அவர்களையே சாரும், மேலும் இது குறித்து தன்னுடைய சொந்த புரிதல்களை அவர் இன்னும் விளக்கவில்லை, குறை கண்டுபிடித்தால் அங்கே சரியானது என்று ஒன்று இருக்குமல்லவா? அது ஏன் இது நாள்வரை இங்கே விளக்கப்படவில்லை என்பதையும் நான் அறிய விரும்புகிறேன்.

மேலும் கீழ்கண்ட என்னுடைய பதிவில் என்னுடைய தனிப்பட்ட கருத்து என்றுதான் சொல்லியிருந்தேனே தவிர மற்றவர்களும் அப்படித்தான் நடக்கவேண்டும் என்று நான் சொல்ல வரவில்லை, இது பொதுவான விவாதம் என்பதால் நான் என்கருத்தை சொல்லியிருந்தேன் அவ்வளவே...

ஒருவேளை ஒத்தக் கருத்துடையவர்கள் மட்டுமே (குறை சொல்லவோ, குற்றம் சாட்டவோ திட்டவோ) வரவேண்டும் என்று விவாதத்தை ஆரம்பிப்பவர் எதிர்பார்ப்பாரானால் அது குறித்து முன்பே சொல்லிவிட்டால் நலமாக இருக்கும், (மார்ஸ்மேடையில் அப்போஸ்தலர்கள் காலத்தில் நடந்தது என்ன என்பதை சிந்தித்துப்பார்க்கவேண்டும்) மேலும் ஊழியர்கள் மற்றும் உடன் ஊழியர்கள் செய்யும் அரசியல்கள் குறித்து நான் எப்பொதுமே கவலைப்படுவதில்லை, அதில் தலையிடுவதும் இல்லை, அவர்களை நீதிபரரே நியாயம் தீர்க்கட்டும், நான் அவர்களிடம் புதிதாக எதாவது சத்தியத்தை கற்றுக் கொள்ளலாம் என்று மட்டுமே எதிர்பார்க்கிறேன், ஊழியர்கள் மத்தியில் யார் பெரியவன் என்ற தந்திரத்தை வைத்து சாத்தான் விளையாடினால் அதற்கு விலைபோனால் நாம் தான் பாவி என்று நியாயம் தீர்க்கப்படுவோமே ஒழிய வேறு ஒரு பிரயோஜனமும் இல்லை

ஊழியத்தில் தேவனைமட்டும் பார்க்கவேண்டும், ஊழியர்களை பார்க்கக்கூடாது என்பது நான் கற்றுக்கொண்ட பாடம், காரணம் மனிதர்கள் எல்லோரும் குறைவுள்ளவர்கள் தேவன் மாத்திரமே குற்றமற்றவர். இதுவும் என்னுடைய சொந்தப் புரிதல் மாத்திரமே, மிரட்டும் தொனியில் என்பதிவு இருந்ததாகச் சொல்லும் தங்களுடைய இந்த விவாதப்பதிவு டீ.வீ ஊழியங்களை நம்பவே கூடாது, கிறிஸ்தவ ஊழியம் செய்பவர்கள் தேவனால் அழைக்கப்பட்டு வரவில்லை என்ற‌ என்ற குழப்பங்களை எனக்குள் ஏற்படுத்திவிட்டது என்று என்னாலும் குற்றம் சாட்டமுடியும் அப்படி சாட்டினால் நானும் குற்றம் சாட்டும் ஆவிக்குள் ஆட்பட்டுவிடுவேன் இதுவும் என் தனிப்பட்ட கருத்து தான் இதற்கு காரணம் கீழ்கண்ட வசனம்

மத்தேயு 7:1 நீங்கள் குற்றவாளிகளென்று தீர்க்கப்படாதபடிக்கு மற்றவர்களைக் குற்றவாளிகளென்று தீர்க்காதிருங்கள். என்று என்னை எச்சரித்த்தால் நான் மற்றவர்களைக் குற்றம் சாட்டக்கூடாது என்ற முடிவுக்கு வந்தேன் இதுவும் என் தனிப்பட்ட புரிதல்கள் மாத்திரமே..

ஒரு வசனம் ஒவ்வொருவரிடமும் ஒவ்வொரு வகையில் பேசும், அதற்கு தனியாக விளக்கவேண்டுமானால் பொதுவான விளக்கம் மாத்திரமே தரமுடியும்.....

மேலும் வேளைப்பௌ அதிகமாக இருப்பதால் என்னால் உடனடியாக பதில் பதிக்க முடியாது, நான் வரத்தாமதித்தால் பதில் சொல்லாமல் அவமதித்தாக எடுத்துக்கொள்ளவேண்டாம், கட்டாயம் தாமதித்தாலும் பதில் சொல்லுவேன், தாங்கள் சொல்லும் பதில் ஏற்றுக்கொள்ளக்கூடியதாக இருப்பின் கட்டாயம் விதன்டாவாதம் செய்யமாட்டேன்

நன்றி

chillsam · Senior Member>>>ஒளி வீசுக..!

இந்த வாத பிரதிவாதங்கள் பெரும்பான்மையும் சுய பிரஸ்தாபத்தையும் சுய பரிதாபத்தையுமே சார்ந்திருக்குமானால் தயவுசெய்து சுட்டிக்காட்டவும்.

// முதலில் சகோ சில்சாம் அவர்களிடம் மன்னிப்புக் கேட்டுக்கொள்கிறேன், தாங்கள் வயதில் மூத்தவர் என்பதை உங்கள் பதிலில் இருந்து அறிந்து மிகவும் வேதனை அடைந்தேன், நான் உங்கள் கட்டுரைகள் சிலவற்றை நான் பகீரங்கமாக வெளியிட்டது ஒரு உதாரணத்திற்காகதானே தவிர தங்களை வேதனைப்படுத்துவது நோக்கமல்ல... நான் சகோ ஆலன்பால் வேதனை அடைந்திருப்பார் என்று நான் சொன்னது ...//

நண்பரே, ' மன்னிப்பு ' எனும் ஒரு வார்த்தையே மிகவும் உயர்ந்த கிறித்துவின் பிரமாணமாக இருக்கிறது;எனவே அதனை அடிக்கடி பயன்படுத்துவதைத் தவிர்க்கவும்;மிகமிக அவசியமான சூழ்நிலையில் மாத்திரமே அந்த அரும்பொருளை பரிசாகத் தாருங்கள்;மற்றபடி நீங்கள் மனதார புரிந்துகொண்ட காரியத்தில், 'வருந்துகிறேன், பொறுத்துக் கொள்ளவும் ' என்று சொன்னாலே போதுமானது;

ஏனெனில் நான் உங்களைவிட கீழ்த் தளத்திலிருந்து வேலை செய்கிறேன்; எனவே தங்கள் அதிகப்படியான அன்பையும் மன்னிப்பையும் தாங்கும் பெலன் எனக்கில்லை;மேலும் நான் அண்ணனாக இருக்கவும் இயலாது; இதுபோன்ற பெரியண்ணன் மனப்பான்மையே கிறித்தவத்தின் அனைத்து பிரச்சினைகளுக்கும் காரணம்;நான் வயதில் மூத்தவன் என்பது தவறான அபிப்ராயமாக இருக்கலாம்;

நீங்கள் எனது கட்டுரைகளைக் குறித்த விமர்சனத்தையே வைத்திருக்கிறீர்கள்,அது தவறல்ல,ஆனாலும் அதன் தொடுப்பு இங்கே தேவையா என்பதையே யோசிக்கவேண்டும்;

வேதனை என்ற குறிப்பிட்ட வார்த்தையை மூன்று முறை மூன்று காரணங்களுக்காக பயன்படுத்தியிருக்கிறீர்கள்;

முதலில் என்னைக் குறித்த வேதனை என்னவோ அறியேன்;ஒருவேளை அது வயசான (?) மனுஷனுக்கு இதெல்லாம் தேவையா என்ற கோபமோ அல்லது வயசான (?) மனுஷனை என்னவெல்லாம் பேசிவிட்டோம் என்ற வருத்தமோ ,அறியேன்;

அடுத்து நான் வேதனைப்பட்டதாகச் சொன்னது; நான் எந்த வேதனையும் அடையவில்லை;காரணம் எனது காரணங்களில் தெளிவாக இருப்பதால் வேதனைக்கு அவசியமேற்படவில்லை;

அடுத்து ஆலன் பால் அவர்களின் வேதனை: அவர் வேதனைப்படும்படி நாம் ஒரு வார்த்தையும் எழுதவில்லை;மாறாக நாம் வேதனைப்படும் வண்ணமாகவும் இடறலடையும் வண்ணமாகவும் அவரே பேசியிருக்கிறார்;

அதிலும் அவர் தனது கருத்தை வெளியிட்டது ஒரு ஊடகத்தின் (media) மூலம் என்பதால் அந்த செய்தி வெளியே சென்றுவிட்டது;அந்த கருத்தை அவர் ஆவியானவர் பெயரில் வெளியிட்டிருப்பதால் எதிர்த்து கேட்கவோ திரும்பப் பெறவோ முடியாத சிக்கலை உருவாக்கியிருக்கிறார்;

இன்னும் கொடுமை என்னவென்றால் அதற்கு விளக்கம் கேட்கவும் வாய்ப்பைத் தரவில்லை;விளக்கமாகச் சொல்லவுமில்லை;போகிற போக்கில் எதையோ தெளித்துவிட்டு சென்று விட்டார்;

இதனால் அவர் தனது கருத்தை தெய்வ வாக்கு நிலைக்கு உயர்த்தி, "ஏற்றுக்கொள், இல்லாவிட்டால் தள்ளிவிட்டு போ,அடுத்து நியாயத்தீர்ப்பு தான்" என்ற நெருக்கத்தினையும் ஏற்படுத்திவிட்டார்;

"நியாயசாஸ்திரிகளே, உங்களுக்கு ஐயோ, அறிவாகிய திறவுகோலை எடுத்துக் கொண்டீர்கள், நீங்களும் உட்பிரவேசிக்கிறதில்லை, உட்பிரவேசிக்கிறவர்களையும் தடைபண்ணுகிறீர்கள் என்றார்."
(லூக்கா.Luke 11:52 )

மேற்கண்ட வசனம் இந்த விவாதத்துக்குப் பொருந்துகிறதோ இல்லையோ ஆவியில் ஏவப்பட்டதால் இதை போட்டுவைக்கிறேன்; இன்னும் நான் தான் ஏதோ ஆலன் பால் அவர்களை பொதுவான தளத்தில் அவமானப்படுத்திவிட்டேன் என்பீர்களாகில் அவர் சத்திய வார்த்தைக்கு புறம்பாக எதையோ செய்திருக்கிறார் என்பதை நீங்களே ஒப்புக்கொண்டது போலாகும்;

நான் மீண்டும் சொல்லமுடியும்,சகோ.ஆலன் பால் அவர்களுக்கு எதிராகவோ ஆசீர்வாதம் டிவிக்கு எதிராகவோ நான் எதையும் எழுதவில்லை;அங்கே கேள்விப்பட்டதை வார்த்தை மாறாமல் அதன் கருத்தை அப்படியே போட்டுள்ளேன்;

உலகமுழுவதும் அதே வார்த்தைகளைக் கேட்ட யாரும் பாதிப்படையாதபோது எனது எழுத்துக்களால் மட்டும் என்ன பாதிப்பு ஏற்படும்? சிந்திக்கட்டும்,சத்திய வெளிச்சத்தில் தெளிவடையட்டும்;அல்லது தாங்களோ ஆலன்பால் அவர்களின் தரப்பினரோ எனக்கு விளக்கம் கொடுக்கட்டும்;நான் மன்னிப்பு கேட்கிறேன்;

மனம்போன போக்கில் வசனத்தை வியாக்கியானம் செய்வதை கிறித்தவர்கள் நிறுத்தும்வரை என்னைப் போன்ற ஆயிரக்கணக்கானோர் எழும்பி போராட வேண்டும்;மற்றபடி வளரும் இளம்தலைமுறையினரான என்னைப் போன்றோர் வெறுத்துப்போய் வேறு ஞான மார்க்கத்துக்கோ தியான மார்க்கத்துக்கோ திசைமாறிச் செல்லும் ஆபத்து ஏற்படும்;

//தங்களுக்கு தேவன் அளவற்ற ஞானத்தை கொடுத்திருக்கிறார். அதை ஏன் நீங்கள் இனைய ஊழியத்திற்காகப் பயன்படுத்தக் கூடாது? இது எனது தனிப்பட்ட கருத்து மாத்திரமே தயவு செய்து மன்னித்துக் கொள்ளுங்கள், //

மீண்டும் ஒரு மன்னிப்பு...ஹோ.! என்னுடைய ஞானம் என்பது ஒன்றுமில்லை;

"மனுஷரெல்லாரிலும் நான் மூடன்; மனுஷருக்கேற்ற புத்தி எனக்கு இல்லை.நான் ஞானத்தைக் கற்கவும் இல்லை, பரிசுத்தரின் அறிவை அறிந்துகொள்ளவும் இல்லை. " (நீதிமொழிகள்.Pro 30:2 ,3)

நான் முன்பே குறிப்பிட்டதுபோல சுதந்தரமாக எனது கருத்துக்களை வெளியிட சில்சாமின் பிளாக் (chillsam's blog) என்று வைத்திருக்கிறேன்;நீங்களோ பைபிள் அங்கிள் என்று வைத்திருக்கிறீர்கள்; நான் எதை வேண்டுமானாலும் எழுதலாம்;

கட்டுப்பாடு உங்களுக்குத் தான்;தங்களது தளம் அற்புதமான வேதத்தின் கருவூலமாக மாறும்;மாறிக் கொண்டிருக்கிறது;ஏனெனில் ஆரம்பத்திலேயே தங்கள் நோக்கங்களையும் எல்லைகளையும் இலக்கையும் நிர்ணயித்துவிட்டீர்கள்;தங்களை காப்பியடிக்க என்னால் இயலாது; ஆனாலும் யௌவன ஜனம் தளத்தை மட்டுமாவது முழுமையான கிறித்தவ தளமாக நடத்த முயற்சிக்கிறேன்.

// கிறிஸ்தவர்கள் நகைச்சுவைக்கும், செக்ஸுக்கும், அப்பாற்பட்டவர்களா என்று கேட்டிருந்தீர்கள், ஆம் என்றால் பொய் சொல்லுகிறவனாகிவிடுவேன். ஆனால் சமயலறையில் தூங்குவதும், குளியறையில் சமைப்பதும், உண்டா? (ஓ நீங்கள் தான் முழு நேர இனைய ஊழியர் இல்லையோ? மன்னிக்கவும்) //

நீங்கள் எதைச் சொல்லுகிறீர்களோ தெரியவில்லை;சமைலறை என்பதோ குளியலறை என்பதோ நாமே வகுத்துக்கொண்டது;தற்காலத்தில் சமையலறைக்கு எதிரிலோ அல்லது அருகிலோ வீட்டுக்குள்ளேயே கழிப்பறையும் இருக்கிறதே;நான் குடிசையிலிருந்து வந்தவன்;எனவே எனக்கு எல்லாம் ஒன்று தான்;

மேலும் இணைய உலகுக்கு நான் முழுநேர ஊழியர் அல்ல என்று குறிப்பிட்டதை இப்படி திரித்துவிட்டீர்களே;அது தொடர்பாகவே அடுத்த வரிகளில் விளக்கியிருக்கிறேன்;முழுநேர இணைய ஊழியர் என்பது வேறு;இணைய உலகில் முழுநேர ஊழியர் என்பது வேறு அல்லவா?ஆனால் அதை வைத்தே கிண்டலடிக்கிறீர்களோ?

செக்ஸ் மற்றும் அன்றாட செய்திகளையும் கவனிப்பதால் நான் என்னை ஒரு வேதபாரகனாகவோ பரிசேயனாகவோ அல்லாமல் சாதாரண பாவியாக நிறுத்தி பாவிகளின் சிநேகிதனாக இருத்திக்கொள்கிறேன்;

நான் என்னை மிகவும் பரிசுத்தவானாகக் காட்டும்போது தன்னைக் குறைவாக எண்ணும் ஒரு மனிதன் என் காலில் வந்து விழுகிறான்;ஆனால் 'நானும் பெலவீனமாக இருந்தவன் கர்த்தர் மீட்டுக்கொண்டார் 'என்று அவன் தோளில் கைபோட்டு நட்புணர்வுடன் சொல்லும்போது தயக்கமின்றி என்னுடன் உறவாடுகிறான்;

மற்றபடி செக்ஸ் உணர்ச்சியைத் தூண்டும் படங்களையோ செய்திகளையோ என்னுடைய தளத்திலிருந்து தான் ஒருவன் அறிகிறான் என்பீர்களா என்ன? அவை என்னுடைய தனிப்பட்ட உணர்வுகள்;இதனால் எனது கிறித்தவ சாட்சி பாதிக்கப்படும் என்று நான் நினைக்கவில்லை;நான் முன்பே குறிப்பிட்ட வண்ணமாக எனது வலைப்பூக்களின் செய்திகளையும் பக்கங்களையும் வகைப்படுத்திவிட்டால் பிரச்சினை ஓரளவு தீர்ந்துபோகும்;

// சாருநிவேதிதா குறித்த அந்தப் பதிவை 1200 பேர் படித்ததாகச் சொல்லியிருந்தீர்கள் மகிழ்ச்சி...//

என்னுடைய திருப்தி அதுவல்ல,அதை வாசிக்க வந்தோர் எனது மற்ற கட்டுரைகளின் மூலம் ஓரளவுக்கு கிறித்தவத்தைக் குறித்து அறிந்திருப்பர் அல்லது கிறித்துவைக் குறித்த நினைவுகளால் தொடப்படுவர்;

// தனி ஒருவனாக இருந்து 2 புறஜாதியாரை கிறிஸ்துவின் இரட்சிப்புக்குள் நடத்தமுடியும் என்றால்...//

எதைவைத்து இப்படி திருப்தி கொள்ளுகிறீர்களோ தெரியவில்லை; கிறித்துவிடம் நடத்தப்படுவோர் வெளிப்படையாக தங்கள் அறிக்கையின் மூலம் கிறித்துவை மகிமைப்படுத்துவர்;நீங்கள் குறிப்பிட்ட இருவரில் ஒருவரான கத்தோலிக்கன் செல்வராஜ் அவர்கள் மாதா வணக்கத்தைக் குறித்த தனது கருத்துக்களை மாற்றிக்கொள்ளாததுடன் எனது பின்னூட்டங்களையும் தவிர்த்துக் கொண்டிருப்பது தாங்கள் அறியாததோ?

// நம்முடைய தலைமுறைக்குள்ளாவது குறைந்தது 25% தேவனுடைய மக்களாக மாற அந்தரங்கத்தில் தவறுகளைக் கடிந்துகொள்ளலாம் என்பது என்னுடைய தாழ்மையான கருத்து. //

தங்களுடைய நல்ல மனம் இதில் தெரிகிறது;ஆனாலும் வேதத்தின் வழிமுறை அதுவல்ல; இதற்காகவே, "மறைவான சிநேகத்தைப்பார்க்கிலும் வெளிப்படையான கடிந்துகொள்ளுதல் நல்லது." (நீதிமொழிகள்.Pro 27:5 ) எனும் வேத வசனத்தினைக் குறிப்பிட்டேன்;

புறையோடிப் போகும் புண்ணைவிட கிழித்து காயம் கட்டப்படும் மருத்துவமே இன்றைய தேவை;மூடிவைத்தால் மட்டுமே எல்லாம் சரியாகி விடாது;

கடந்த 40 வருடத்துக்கு மேலாக ஜாமக்காரன் பத்திரிகையில் வெளியிடப்பட்ட ஒவ்வொரு கட்டுரையும் தாங்கள் கூறிய வண்ணமாக நிதானமாக விசாரித்து விளக்கக் கடிதம் கோரி ஆதாரத்துடனே வெளியிடப்பட்டது; யாராவது திருந்தினார்களா?

இன்னும் ஜீவநீரோடை எனும் பத்திரிகையின் ஆசிரியர் சாம்ஸன் பால் அவர்களுடைய எழுத்துக்களும் அவ்வாறே;

தினமும் அதிகாலையில் தமிழன் டிவியில் பீட்டர் சாலமன் என்ற கிறித்துவின் சபைக் குழுவினரின் போதகர் செய்வதென்ன‌?

இதனாலெல்லாம் புதியவர் இடறுவார் என்றால் அவருக்கு கிறித்துவை மட்டுமே சரியாகச் சொல்லாதவரே குற்றவாளியாவார்;ஒவ்வொருவரும் தன்னையும் தன்னுடைய ஸ்தாபனத்தையும் மட்டுமே முன்னிறுத்தி இயேசுவையும் அவர்தம் தியாகத்தையும் பின்னுக்குத் தள்ளும் பயங்கரம் எப்படி வெகுஜனத்தைக் கவரும்?அதில் பரிசுத்தாவியானவர் செயல் இல்லாததால் விரைவில் அவிந்துபோகும்;

அது வழியருகே விதைக்கப்பட்ட விதையாகவோ கற்பாறையின் மேல் விழுந்த விதையாகவோ முள்ளின் மீது விழுந்த விதையாகவோ மாறும்;

இதனை எழுதும் போது ஒரு கருத்து ஆவியில் வந்து போகிறது; "வழியருகே" என்பவன் சுவிசேஷகன்,
"கற்பாறை" என்பது சபை,
"முள்ளில்" என்பவன் கள்ள ஊழியன், என்று இருக்கலாமோ என்னவோ... தயவுசெய்து என்னுடைய இந்த சொந்த கருத்தை உபதேசமாகக் கொள்ளவேண்டாம்;

//உதாரணமாக உமர் அண்ணா ஒருவேளை... //

நண்பரே, சகோ.உமர் அவர்களுடன் என்னை ஒப்பிடவேண்டாம்; அவருடைய தளம் வேறு,என்னுடைய தளம் வேறு;அவர் ஆராயும் குரானில்
(பழைய ஏற்பாடு என்றும் புதிய ஏற்பாடு என்றும் பைபிளைப் போல‌...) பழைய குரான் என்றும் புதிய குரான் என்றும் பிரிவுகள் இல்லை;ஹதீஸ் எனும் மாற்றமுடியாத நிலையான கொள்கை விளக்க வியாக்கியான‌க் குறிப்பேடு உண்டு;அதன் அடிப்படையிலேயே அவர் வாதிக்கிறார்; இஸ்லாமியரும் தடுமாறுகிறார்;

சரி, தட்டு த‌டுமாறி இங்கே வந்து சேரும் இஸ்லாமியருக்கு நாம் எதைத் தருகிறோம்?கத்தோலிக்கத்தையா,பாப்டிஸ்டு,அட்வென்ட்,ப்ரோட்டஸ்டன்ட், பெந்தெகொஸ்தே,தீவிர பெந்தெகொஸ்தெ,மிதவாத பெந்தெகொஸ்தே,வேத மாணாக்கர்,யெகோவா சாட்சிகள்,பிரன்ஹாம் தீர்க்கதரிசி, மார்மன், கிறித்துவின் சபையார் போன்ற எண்ணற்ற மார்க்கபேத கொள்கையாளர்களையா, இவர்களில் யாரிடம் புத்தம்புது மலரான இஸ்லாமிய ஆத்துமாவை அழைத்துச் செல்வீர்கள்?

"வெளியில் உன் வேலையை எத்தனப்படுத்தி, வயலில் அதை ஒழுங்காக்கி, பின்பு உன் வீட்டைக் கட்டு. " (நீதிமொழிகள்.Pro 24:27)

இங்கே கிறித்தவம் என்பது இதுதான் என்ற ஒரு கொள்கை இருந்தால் சொல்லுங்கள்;பிரதானமான விசுவாசப் பிரமாணங்கள் மூன்றுண்டு;மூன்றையும் சரியாக விளங்கிக் கொள்ளாத எண்ணற்ற ஸ்தாபனங்களும் கலப்பட சத்திய சிறுகுழுக்களும் ஏராளமாக உண்டு;

எனவே நானே தெளிவடையாத எந்த கருத்தையும் இதுபோன்ற எதிர்ப்புகளிடையே போதனையாக இங்கே சொல்லும் தைரியம் எனக்கில்லை;

அண்மையில் நம்முடைய தள நண்பர் ஒருவர் என்னிடம் வந்தார்;அவரிடம் நான் எனது புரிதலின் படியான சில சத்தியங்களைப் பேசிக் கொண்டிருக்கும்போதே, 'நீங்கள் அந்த குழுவைச் சேர்ந்தவரா 'என்று ஏதோ ஒரு ஜாடியில் போட்டு என்னை அடைக்க முயன்றார்;

அவரோ புதியவர்,அவரிடம் எல்லா வித்தியாசமான போதனைகளையும் விளக்கிச் சொல்லிக்கொ ண்டிருக்கவும் முடியாது,அனைத்தையும் பொறுமையாகக் கேட்கும் மனநிலையிலும் அவர் இல்லை;அவரை எப்படி ஆதாயப்படுத்தமுடியும்?

மென்மையான -மேலோட்டமான நல்ல கிறித்தவ போதனைகள் என்னிடம் உண்டு; அது உங்களுக்கு அத்தனை சுவாரசியமாக இருக்காது; அவற்றை என்னைச் சுற்றிலும் இருக்கும் நண்பர்களுக்காக மட்டுமே வைத்திருக்கிறேன்;

ஒருவேளை ஏதாவது ஒரு பொதுகூட்டத்தில் நீங்கள் என்னை சந்திக்க நேர்ந்தால் என்னுடைய இயல்பையும் சரியான போதகத்தையும் அறிய வாய்ப்புண்டாகும்; மற்றபடி இங்கு கற்றுக்கொள்ளவே நான் கேள்வி எழுப்புகிறேன்; தீர்வு சொல்ல எனக்குத் தெரியாது அல்லது தைரியமில்லை;

இது அரிசியிலிருந்து சிறுகற்களைக் களையும் முயற்சியைப் போன்றதே; சிலசமயம் கற்குவியலுக்கிடையே அரிசி சிந்தியிருக்கலாம்;அதிலிருந்து அரிசியை மீட்டெடுக்கவேண்டும்.

// தங்களுடைய தளத்தில் பொதுவான விசயங்களும் இடம்பெறும் என்று சொல்லுவீர்களாயின் நான் அதிவிரைவு திரட்டியிலிருந்து தங்கள் தளத்தை நீக்கிவிடுகிறேன் //

"என்னுடையதை என் இஷ்டப்படி செய்ய எனக்கு அதிகாரமில்லையா? "
(மத்தேயு.Mat 20:15)

-மேற்கண்ட வாக்கியத்தின் படி தங்களுக்கு வானளாவிய அதிகாரமுண்டு; அந்த விஷயத்தில் தாங்கள் முன்னாள் சபாநாயகர் பி.ஹெச் பாண்டியனைப் போன்றவர்;என்ன, உடனே நானும் ஒரு கிறித்தவ திரட்டியைத் துவங்குவேன்; இப்படியே சபைகளும் பெருகியது;

என்னுடைய தளத்தில் எப்படிப்பட்ட விஷயங்கள் இடம்பெறும் என்பதை நான் தானே இறுதி செய்யமுடியும்?

என்னுடைய தளத்தினால் தங்கள் திரட்டியின் தரம் பாதிக்கப்படும் என்று கருதினால் நீங்கள் என்னை தாராளமாக நீக்கலாம்; நான் நீக்கப்படுவதோ அவமானப்படுவதோ எனக்கு புதிதல்ல,பழகிவிட்டது; எனக்கு நண்பர்களும்
மிக மிகக் குறைவு.

chillsam · Senior Member>>>ஒளி வீசுக..!

ஆசீர்வாதம் டிவியின் புரட்சிகரமான கருத்து..!

chillsam · Senior Member>>>ஒளி வீசுக..!

RE: ஆசீர்வாதம் டிவியின் புரட்சிகரமான கருத்து..!

chillsam · Senior Member>>>ஒளி வீசுக..!

// சாமான்யர்களாகிய நீங்களும் நானும் சில்சாமின் கருத்துக்கு எதிராகச் சொன்னால், நாமெல்லாம் துருபதேசக்காரர்கள்; ஆனால் மக்கள் பணத்தை வஞ்சனையாகக் கவர்ந்து படோடாப டீ.வி. ஊழியம் செய்யும் ஆலன் பால், சில்சாமின் கருத்துக்கு எதிராகச் சொன்னால, அது ஆசீர்வாதம் டீ.வி.யின் புரட்சிகரமான கருத்து.

என்னே சில்சாமின் நேர்மை? //

இப்படியாக அன்பு57 என்பவர் வருந்துகிறார்;இதே போன்ற கேள்வி அநேக நண்பர்களுக்கு எழலாம்;என்னுடைய நேர்மையெல்லாம் வெறும் வெங்காயம் அண்ணாச்சி...உங்கள நான் துருபதேசக்காரர் என்றோ ஒற்றைக் கண்ணன் என்றோ மாலைக் கண்ணன் என்றோ ஒருபோதும் குறிப்பிடவில்லை;ஒப்புமையாகக் கூறப்பட்டதை அப்படியே எடுத்துக்கொள்வது குழந்தைத்தனமானது;இதுவும் தவறாகப் போகிறது.

ஆலன்பால் அவர்கள் ஆசீர்வாதம் டிவியின் அதிபர் என்பதால் எனக்கு எந்த பயமுமில்லை;அவருடைய பெரும்பாலான போதனைகள் ஆரோக்கிய உபதேசத்தின் அடிப்படையில் அமைந்துள்ளது;

ஆனால் உங்களைப் போன்ற‌வர்கள் இயேசுவானவரைக் குறித்த போதனைகளின் ஆதாரத்திலேயே அடிபடுவதால் உங்களை இந்த விவாதத்தில் ஏற்றுக்கொள்ளமுடியாது;எங்கள் ஊழியர்களைக் குறைசொல்ல உங்களுக்கு எந்தவிதமான தார்மீக‌ அதிகாரமும் கிடையாது;எம்மை பொருத்தவரையிலும் கிறித்துவை தெய்வமாகத் தொழுவோரே கிறித்தவர்;அதன் அடிப்படையில் நீங்கள் கிறித்தவரே இல்லை;நீர் பரிசேயர்,வேதபாரகர் வரிசையில் வந்து கிறித்துவின் இரத்தத்தினால் உண்டான எங்கள் சுயாதீனத்தை வேவு பார்க்கும் கள்ள சகோதரர்;உங்கள் கூட்டாளியான கோவை பெரியன்ஸ் இயேசுவானவரை சிருஷ்டிகராக மட்டும் பார்க்காமல் சிருஷ்டிக்கப்பட்டவராகப் பார்க்கிறார் என்பது உங்களுக்குத் தெரியுமா?

போதனையின் அடிப்படையில் பிரிந்திருப்போரை மட்டுமே துருபதேசக்காரர்கள் என்று வேதம் கூறுகிறது;வியாக்கியானத்தில் மாறுபடுபவர்களை எளிதில் திருப்பமுடியும்;ஆதார உபதேசங்களில் மாறுபடுவோரை ஒன்றும் செய்யமுடியாது;விலகிச் சென்று மற்றவர் சிக்கிவிடாமல் எச்சரிக்கும் பணியை மட்டுமே செய்யமுடியும்.

chillsam · Senior Member>>>ஒளி வீசுக..!

issacsindhu:
// தேவனுடைய ஊழியக்காரர் என்பவர் தேவனுடைய சித்தம் இல்லாமல் ஊழியம் செய்ய முடியாது. தேவனே அனுமதித்து இருக்கும் போது நாம் யார் அவர்களை குறை சொல்ல.மேலும் தேவனுடைய ஊழியக் காரர்களை குறை சொல்லுவது நம் வேலை இல்லை //

குறை சொல்வதென்பது " மாமியார் ஒடச்சா மண்குடம்,மருமக ஒடச்சா பொன்குடம் ", என்பார்களே அதுபோல உள்நோக்கத்துடன்தானிருக்கக் கூடாதே தவிர, புதியவர்களை எச்சரிக்க, வேதத்துக்குப் புறம்பான போதகங்களை எதிர்ப்பது தவறல்ல; நாம் அவர்களை தேவனுடைய ஸ்தானத்திலிருந்து நியாயந்தீர்க்கவில்லை; அவர்களைப் பின்பற்றவேண்டாமென மற்றவரை எச்சரிக்கிறோம், அவ்வளவே; "பக்கத்து வீட்டில் " இதற்காக கொலையே நடக்கிறது; தேவனுடைய சித்தப்படியான -தேவனுடைய அனுமதியுடனான ஊழியர் என்று வந்தால் "யூதாஸ்காரியோத்து " மற்றும் "எகிப்தின் பார்வோன் மன்னன் " ஆகியோரும் தேவ ஊழியர்தானோ?

//விவாதம் வேண்டாம் என்று தான் சொன்னேன் //
// ஆனால் இப்படி விமர்சனம் வேண்டாம் என்று தான் சொன்னேன் //

விவாதம் (அ) விமர்சனம் என்பதன் பொருளே நான் சொல்லும் கருத்தை நீங்கள் ஏற்கிறீர்களா மறுக்கிறீர்களா என்பதிலேயே இருக்கிறது;நான் குறை சொல்லுகிறேன்; நீங்கள் நான் சொன்ன கருத்து சரியா தவறா என்பதைப் பார்க்காமல் குறைசொல்லுவதே தவறு என்கிறீர்கள்;

இது என்வீட்டில் அன்றாடம் நடப்பதுதான்;அதாவது சாம்பாரில் பருப்பு தீய்ந்துபோன வாசம் வந்தால் எனது மனைவி உடனே சொல்லுவார்கள் என்ன தினமுமா அப்படி செய்கிறேன்,என்று; இதுபோன்ற அணுகுமுறையும் சமரசமும் சத்தியத்துக்கு உதவாது;

என்வீட்டு சாம்பாரில் பருப்பு தீய்ந்து போனால் என்னுடன் போகும்;
ஆனாலும் ஊருக்கே நான் வைத்த விருந்து சாம்பாரில் பருப்பு தீய்ந்துபோன வாசம் வந்தால் அது மொத்த விருந்து கொண்டாட்டத்தையுமே பாதிக்கும்;

இங்கே என்னுடன் வாதிடும் நேரத்தை நண்பர்கள் ஆசீர்வாதம் டிவியை நோக்கி திருப்பலாமே;தன்னை மாற்றிக்கொள்வதே வளர்ச்சி;
நம்முடைய மார்க்கமும் பல்வேறு மாற்றங்களுக்குப் பிறகே தற்போதய நிலையை அடைந்துள்ளது;

இப்படியே இஸ்ரவேலரும் வெறும் நாற்பது நாளில் சென்று சேரும் கானான் பயணத்தை நாற்பது வருடமாக மாற்றிக்கொண்டார்கள் என்பது வரலாற்றிலிருந்து நாம் அறியவேண்டியது;

மாற்றப்படமுடியாமல் எழுதித் தரப்பட்ட வேத வார்த்தைகளையே தரக்குறைவான விமர்சன‌ங்களால் பாழ்படுத்திக் கொண்டிருக்கும் எதிரிகள் மத்தியில் நாம் சரியானதைச் சொல்லாவிட்டால் நிலைமை இன்னும் மோசமாகும்;
தேடுபொறியில் கிறித்தவம் சம்பந்தமாக எந்த வார்த்தையைப் போட்டாலும் அது தூஷிப்பவர்களுடைய தளத்துக்கே நம்மை நடத்துகிறது;இது என்ன கொடுமை? அப்படியானால் நாம் ஆக்கப்பூர்வமாக இங்கே எழுதி வைக்கவில்லையென்பது தானே பொருள்? எது சரியானது என்பதை எழுதிக் கொண்டேயிருங்கள்,

எதிரியை எதிர்த்து எதுவும் செய்யாவிட்டாலும் ஆடுகளத்திலிருக்கும் ஒரு கால்பந்து வீரனைப் போல அசைந்துகொண்டே இருங்கள்;வெற்றி நிச்சயம்..!

அற்புதம் அண்ணா, சிட்டியில் பப்ளிக்கா பப்ளிசிட்டியானதில் பிரபலமானவரின் வழியில் வந்தோரின் நின்ற இன்றைய நிலை பரிதாபம்தான்...சுயமரியாதைமிக்க ஒரு யூத இளைஞன் எருசலேமின் வீதிகளில் இழுத்துச் செல்லப்பட்ட கொடூரத்தை யோசிக்கும் போது நெஞ்சமெல்லாம் நடுங்கும், உதடுகள் உலர்ந்துபோகும், உள்ளமெல்லாம் நொறுங்கும்...இதை நான் யோசிக்காத நாள் கிடையாது; அவரே என் மீட்பர், அவருடைய இரக்கத்தினால் நான் மீட்கப்பட்டேன்; எனவே எனக்கு பப்ளிசிட்டி தேடும் எந்த ஒரு சாதாரண முயற்சியையும் நான் செய்யவில்லை; தளத்திலும் கூட எனது புகைப்படத்தைத் தவிர்க்கக் காரணம் அதுவே; என்னால் என்னுடைய கருத்துக்களால் அவருடைய நாமம் புகழப்படுவதொன்றே என்னுடைய நோக்கமாகும்; இகழப்படும் சூழல் உருவானால் வேகமாக வெளியேறிவிடுவேன்; அந்த வைராக்கியம் நம்முடைய ஊழியர்களுக்கு இருக்குமானால் எதிரிகளுடன் சமரசம் செய்துகொண்டு சேர்ந்து விருந்துண்ண மாட்டார்கள்; எந்தவொரு ஊழியனும் தனக்கு பப்ளிசிட்டி கிடைக்க உதவும் எந்தவொரு காரியத்துக்கும் செலவு செய்தாகவேண்டும்; அது லஞ்சம் கொடுப்பதாகவோ ஊழல்வாதியிடம் காணிக்கை பெறுவதாகவோ சிபாரிசு பெறுவதாகவோ அனுதினமும் நடந்துகொண்டுதானிருக்கிறது;

பப்ளிசிட்டி,பப்ளிக்,சிட்டி என்பதைக் கருவாகக் கொண்டு ஒரு கவிதை வரையத் தூண்டுகிறீர்கள்; இதனால் எனக்கு பப்ளிசிட்டி கிடைத்து என்னுடையதெல்லாம் சிட்டியில் பப்ளிக்காகி விடப்போகிறது..!

chillsam · Senior Member>>>ஒளி வீசுக..!

இது அண்மைய செய்தி:

ஆசீர்வாதம் டிவியின் ஸ்தோத்திர பலிகளில் ஒன்று "எங்கள் ஏதேன் தோட்டமே உமக்கு ஸ்தோத்திரம்" என்பதாம்;ஒரு நண்பர் கேட்கிறார், இயேசுவானவரை பலவிதங்களில் வேதம் வர்ணித்தாலும் எங்குமே அவரை ஏதேன் தோட்டத்துடன் ஒப்பிட்டதில்லை;அப்படியிருக்க சத்தியத்துக்கு விரோதமாக எப்படி அவரை "எங்கள் ஏதேன் தோட்டமே " என்று விளிக்கலாம்;

மேலும் "இனிப்பானவரே " என்றும் துதிக்கிறார்கள்;
"இனிமையானவரே" என்று சொல்லுவதுண்டு,
இது என்ன"இனிப்பானவரே..."புதுசா இருக்கே..!

இன்னுமொரு கொலை மிரட்டல்:

ஏதேனிலிருந்த கனியைப் புசிக்கும் நாளிலே சாவீர்கள் என்பது ஆதாம் ஏவாளுக்கான‌ தேவனுடைய‌ கட்டளை என்பது அனைவரும் அறிந்ததே; அதன் விளைவுகளையும் நாம் அறிந்திருக்கிறோம்;ஆனால் அந்த கனி எது தெரியுமா? அது வேறொன்றுமில்லை, தசமபாகம் தான்..!

ஆம், தசமபாகத்தை மனிதன் புசிக்கக்கூடாது அது தீமையாகும் அது தேவனுக்குரியது; மீறினால் மரணம் நிகழும்; இதை நான் சொல்லலை சகோ.ஆலன்பால் சொல்லுகிறார்..!

chillsam · Senior Member>>>ஒளி வீசுக..!

ஆசீர்வாதம் டிவியின் புரட்சிகரமான கருத்து..!