Yauwana Janam

பொதுவாக இயேசு எவ்வாறு பிதாவகிய தேவனிடம் பக்தியுடையவராக இருந்தார் என்பது

இயேசுவை மட்டுமே (திரியேக தேவனின் ஒரு அம்சத்தை மட்டும்) தேவனாக காட்ட வேண்டும் என முயல்பவர்களால் சொல்லப்படுவதில்லை. கிருத்துவர்கள் இயேசுவிடம் ஐக்கியம் கொள்ளுவது மூலமாக மட்டுமே பிதாவாகிய தேவனோடு ஐக்கியப்பட முடியும்.

ஆனால் அதற்கு வழிகாட்டியாக, எடுத்துகாட்டாக இயேசுவே இருந்தார். அவரின் மனித குமாரனுக்கேற்ற இந்த தன்மையை போதிப்பதை அனேகர் விரும்புவதில்லை. இதன் மூலம்

கிருத்துவர்கள் தேவனோடு (அவரோடு) சேர்வதற்க்கு உண்டான ஒரு வழியை அவர்கள் அடைத்து விடுகின்றனர்.

இயேசு வனாந்திரத்தில் பிதாவாகிய தேவனோடு ஐக்கியமாயிருந்த வேளையில், அவர் இந்த பூமியில் ஆற்ற வேண்டிய பணி பற்றி அவருக்கு வெளிப்படுத்தப்பட்டது. அதோடு அல்லாமல் நாற்பது நாட்கள் முடிந்த பிறகு தேவ தூதர்கள் மூலமாக அவருக்கு உணவு அருளப்படும் என்பதையும் தேவன் அவருக்கு தெரிவித்தார்.

நாற்பது நாட்கள் உண்ணாமல் உறங்காமல் தேவனையே நினைத்திருந்த அவர் வெற்றிகரமாக தன் தவத்தை முடித்தார். அந்த நாட்கள் முடிந்த பிறகு அவருக்கு கடுமையான பசி உண்டாயிற்று. நாற்பது நாட்கள் உண்ணவில்லையாதலால், உயிரை உலுக்கி எடுக்கும் பசி உண்டாயிற்று. தேவ தூதர்களையோ காணவில்லை. இங்கே மோசே வனாந்திரத்தில் வழி நடத்தி வந்த இஸ்ரவேலர்களுக்கு உண்டான சோதனை இயேசுவுக்கும் வந்தது. இந்த சோதனையை சந்தித்த இஸ்ரவேல் ஜனங்கள் தங்கள் மனத்தில் இது போன்ற சோதனையை எந்த மனிதனாலும் தாங்க முடியாது. அதில் வெற்றி பெறவும் முடியாது என நினைத்திருக்க கூடும். ஆனால் இயேசுவோ இந்த சோதனையை வென்றார்.

இந்த பகுதி நான்கு சுவிசேசத்தில் மத்தேயு மற்றும் லூக்காவில் மாத்திரமே கொடுக்கப்பட்டுள்ளது. இதில் மத்தேயுவே சரியாக இருப்பதாக எனக்கு தோன்றுவதால் மத்தேயுவையே எடுத்து கொள்ளுகிறேன்.

பசி தாங்க முடியாத, சாகும் தருவாயில் இருந்த, அவர் மனிதில் சாத்தான் ஒரு எண்ணத்தை கொண்டு வந்தான். (மனிதனுடைய மனதை உருவாக்கியதில் அவனுக்கும் ஒரு பங்குண்டு) அது என்னவெனில்

கற்களை அப்பமாக மாற செய்து உண்டு பசியிலிருந்து விடுபடலாம் என்பதே அது. ஆனால் இயேசுவோ தன்னைப் பற்றிய பிதாவின திட்டத்தை நினைவு கூர்ந்தார். தன்னை குறித்து ஒரு திட்டம் உள்ளது என்றால் தான் எப்படியும் உயிரோடு இருக்க போவது நிச்சயம். அதனால் தேவனும் தேவ தூதர்கள் மூலமாக உணவு வழங்க போவதும் நிச்சயம். ஆதலால் அவர் இந்த வார்த்தையை சொல்லி சாத்தானின் தந்திரத்தை முறியடித்தார்.

3. அப்பொழுது சோதனைக்காரன் அவரிடத்தில் வந்து: நீர் தேவனுடைய குமாரனேயானால், இந்தக் கல்லுகள் அப்பங்களாகும்படி சொல்லும் என்றான்.
4. அவர் பிரதியுத்தரமாக: மனுஷன் அப்பத்தினாலேமாத்திரமல்ல, தேவனுடைய வாயிலிருந்து புறப்படுகிற ஒவ்வொரு வார்த்தையினாலும் பிழைப்பான் என்று எழுதியிருக்கிறதே என்றார்.

நம்மை பற்றிய நீண்ட கால தேவ திட்டம் எது என்பது நாம் அறிந்திருந்தால், சாத்தானின் வஞ்சகத்தை சுலபமாக முறியடிக்க முடியும். அதற்காக நம்மை குறித்த தேவ திட்டத்தை தேவனிடத்தில் கேட்டு தெரிந்து கொள்ள வேண்டும்.

இந்த சோதனை முடிந்த பிறகும் தேவ தூதர்கள் வரவில்லை. பசியின் கொடுமை அதிகரித்து கொண்டே வந்தது. பிதாவே சீக்கிரம் தேவ தூதரை அனுப்பும் என வேண்டியவாறு இருந்தார். ஆனால் பதிலில்லை. அவருக்கு தற்கொலை செய்து கொள்ளலாமா என்றும் தோன்றியது. உடனே சாத்தான் அடுத்த எண்ணத்தை அவர் மனதில் ஏற்படுத்தினான். அதன் மூலம் தனக்கு கேடுண்டாக்கும் சிலுவை பலி நிறைவேறாமல் அவரை அழித்து விட நினைத்தான். அந்த எண்ணம் என்னவெனில் மேலிருந்து கீழே குதித்தால் தேவ வார்த்தையின்படி தேவ தூதர்கள் அவரை காப்பாற்ற வருவார்கள். அதன் மூலம் அவர்களிடமிருந்து உணவை பெற்று கொள்ளலாம் என்பதே. அதாவது தற்கொலை செய்து கொள்வேன் என பயமுறுத்தி, அதன்படி செய்து தேவனிடம் உதவி பெறும் திட்டமே அது. சாத்தானின் வஞ்சகத்தை அறிந்த இயேசு நான் தேவனை சோதனை செய்ய மாட்டேன். ஒன்று தேவன் என்னை காப்பார். அவ்வாறு காப்பாற்றாவிட்டாலும் அவரிடம் நம்பிக்கை கொண்டு இறந்து போவனே தவிர நான் தேவனை சோதனை செய்வதில்லை என தற்கொலை செய்து கொள்ள மறுத்து விடுகிறார்.

(சாத்தான் சென்டிமெண்டாக அவரை தேவாலாயத்தின் உப்பரிகையில் நிறுத்தி சொன்னது : மற்ற இடத்தில் ஒரு வேளை தூதர்கள் வரமாட்டார்கள் ஆனால் இது தேவ ஆலயம் என்பதால் அவர்கள் வந்தே தீர வேண்டும்)

5. அப்பொழுது பிசாசு அவரைப் பரிசுத்த நகரத்திற்குக் கொண்டுபோய், தேவாலயத்து உப்பரிகையின்மேல் அவரை நிறுத்தி:

6. நீர் தேவனுடைய குமாரனேயானால் தாழக்குதியும்; ஏனெனில், தம்முடைய தூதர்களுக்கு உம்மைக்குறித்துக் கட்டளையிடுவார்; உமது பாதம் கல்லில் இடறாதபடிக்கு, அவர்கள் உம்மைக் கைகளில் ஏந்திக்கொண்டு போவார்கள் என்பதாய் எழுதியிருக்கிறது என்று சொன்னான்.

7. அதற்கு இயேசு: உன் தேவனாகிய கர்த்தரைப் பரீட்சை பாராதிருப்பாயாக என்றும் எழுதியிருக்கிறதே என்றார்.

சாத்தானின் திட்டம் தோல்வியில் முடிந்தது. தேவ தூதர்கள் வந்து அவருக்கு உணவு அளித்து, பணிவிடை செய்தனர்.

அதன் பிறகு தேவனின் சித்தத்தை நிறைவேற்ற அவர் புறப்பட்டு சென்றார். பிதாவின் ராஜ்ஜியத்தை பூமியில் நிறுவ வேண்டும் என சிந்தித்து கொண்டிருந்த அவரை பிசாசு மறுபடி ஒரு மலையின் மேல் கூட்டி சென்று சொன்னது :

8. மறுபடியும் பிசாசு அவரை மிகவும் உயர்ந்த மலையின்மேல் கொண்டுபோய், உலகத்தின் சகல ராஜ்யங்களையும் அவைகளின் மகிமையையும் அவருக்குக் காண்பித்து:

9. நீர் சாஷ்டாங்கமாய் விழுந்து, என்னைப் பணிந்துகொண்டால், இவைகளையெல்லாம் உமக்குத் தருவேன் என்று சொன்னான்.

பிசாசு சொன்னது : பிதாவின் ராஜ்யம் எல்லாம் உடனே வராது. அதற்க்கு வெகு காலமாகும். அப்படி வந்தாலும் அது எவ்வளவு நன்றாக இருக்கும் என்று சொல்ல முடியாது. ஒரு வேளை வராமல் போனாலும் போகலாம். ஆனால் என் ராஜ்யம் அப்படிப்பட்டதல்ல. இது கண்களுக்கு முன்பாக இருப்பது. இப்போதே இருப்பது. இன்பமானது. மண், பெண், பொன், புகழ் என மனதிற்க்கு மகிழ்வான பல காரியங்கள் நிறைந்தது. அதோ நீர் காணும் அந்த மாளிகை முழுவதும் தங்கத்தால் கட்டப்பட்டது. இதோ இத்தனை தேசத்து ராஜாக்களும் உமக்கு அடிமைகள்.

இது எல்லாம் எனக்கு ஒப்புக் கொடுக்கப்பட்டுள்ளது இவை எல்லாவற்றையும் நான் முழுவதுமாக உமக்கு கொடுத்து விடுகிறேன். நீர் இந்த பூமியில் இப்போதே அரசாளலாம். எதற்கு சிலுவையில் அறையப்பட உம்மை ஒப்புக் கொடுக்க வேண்டும்? உடலெல்லாம் இரத்தம் வடிய தாங்க முடியாத வலியை ஏன் நீர் சுமக்க வேண்டும்? இவ்வளவு துன்பத்தை நீர் அனுபவித்தாலும் நாளைக்கு மனிதர்கள் உம்மை ஏற்று கொள்ளுவார்கள் என்பது நிச்சயமில்லை. ஆதலால் என்னுடைய ராஜ்யத்தை நீர் எடுத்து கொள்ளும். அதற்கு பதிலாக நீர் ஒன்றே ஒன்று செய்தால் போதும். அது கடினமானதும் அல்ல. நீர் சாஷ்டாங்கமாக விழுந்து என்னை பணிந்து கொண்டால் போதும். என்றான்.

உடனே இயேசு மிகுந்த கோபமடைந்து சொன்னது :  

10. அப்பொழுது இயேசு: அப்பாலே போ சாத்தானே; உன் தேவனாகிய கர்த்தரைப் பணிந்துகொண்டு அவர் ஒருவருக்கே ஆராதனை செய்வாயாக என்று எழுதியிருக்கிறதே என்றார்.

முதல் இரண்டு சோதனைகளுக்கும், மூன்றாவது சோதனைக்கும் கால இடைவெளி உண்டு.

அதாவது முதல் இரண்டு சோதனை முடிந்தவுடன் இயேசு தேவ தூதர்கள் மூலமாக பிதா அருளிய உணவை உண்டு விட்டார். இவ்வாறு கால இடைவெளி இல்லாவிடில் மூன்றாவது சோதனையை ஒரு முட்டாள் கூட வெல்ல முடியும். அதாவது பசியாயிருப்பவனுக்கு எவ்வளவுதான் செல்வத்தை கொடுத்தாலும் அவன் அதை ஒதுக்கி தள்ளி உணவைத்தான் விரும்புவான். (ஏசாவின் கதையை நினைவு கூறவும்) மூன்றாவது சோதனையை கால இடைவெளியில்லாமல் அதுவும் தேவ ஞானம் உள்ள இயேசுவிடம் செய்யும் அளவுக்கு சாத்தான் முட்டாள் அல்ல.