Yauwana Janam

~|| ஏழாம்நாள் எனும் வஞ்சகம் ||~

”மீதியான திருச்சபை” என்றொரு பக்கம். அதனை திரு.விஜயகுமார் பக்கத்தில் கவனித்து உள்சென்று பார்க்கையில் அதிர்ச்சிகரமான முறையில் பல புதிய நண்பர்கள் அவர்களோடு ஐக்கியமாயிருந்தார்கள். அண்மையில் நல்ல பதிவுகளைக் கொடுத்துவரும் அவர்கள் அங்கு தொடர்பிலிருப்பது உள்ளபடியே என்னை குழப்பியது. பிறகு ஒவ்வொரு பக்கத்தையும் ஓரளவுக்கு பார்த்து நிதானித்ததில் இந்த ”மீதியான திருச்சபை” எனும் ஐடிக்கு சொந்தக்காரர் ஒரு ஏழாம்நாள்காரர் என்பது தெரியவந்தது.இதனை சற்றும் பொருட்படுத்தாது தனது திருச்சபை விரோதப் பதிவுகளுக்கு லைக் வாங்கினால் போதும் என்ற ஒரே நோக்கத்தில் பலர் ஓடுவதால் அப்படிப்பட்டவர்கள் நிழலில்தானே இந்த களைகளும் வளர்கிறது. இன்னாருடன் தொடர்பிலிருந்தால் அது பெருமையும் கௌரவமும் என்று சிலர் நினைத்து திட்டமிட்டே செயல்படுகிறார்களோ என்று தோன்றுகிறது. யாரையும் பகைக்கக்கூடாது, மாற்றுக் கருத்து இருந்தாலும் அவரை பகைக்கக்கூடாது, அவருடைய கருத்தையும் நாம் மதிக்கவேண்டும், நட்பே முக்கியம், நன்மதிப்பே பிரதானம் என்று சிலர் ஓடிக்கொண்டிருக்கிறார்கள். ஏனெனில் ஃபேஸ்புக் என்பது அவர்களைப் பொறுத்தவரையிலும் ஜஸ்ட் டைம் பாஸிங், அவ்ளோதான். எனவே அவர்கள் எதையும் சீரியஸாக எடுத்துக்கொள்ளாமல் எல்லோருடனும் அரட்டையடித்துக்கொண்டு ஜாலியாக இருக்கவே விரும்புகிறார்கள். அது அவர்கள் பாணியாக இருக்கலாம், இருக்கட்டும். 

ஆனால் நமக்கென்று சில கொள்கைகளையும் கட்டுப்பாடுகளையும் வைத்திருக்கிறோம். அதன்படி கையில் பைபிளை வைத்துக்கொண்டு மாறுபாடு செய்யும் யாருடனும் நமக்கு நட்பு கிடையாது. அவ்வாறு குழப்பம் விளைவிப்போருடன் கள்ள உறவு வைத்திருப்பவரையும் எமது வட்டத்தில் அனுமதிக்கமுடியாது. இதினிமித்தமே நாம் தனிமைப்படுத்தப்பட்டிருக்கிறோம். அதுபற்றி நமக்கு கவலையில்லை. எமது பதிவுகள் அனைத்தும் பொதுவிலே பதிக்கப்படுவதால் எமது படைப்புகளை வாசிக்க தடையில்லை. ஆனாலும் நண்பர்கள் மட்டுமே பின்னூட்டமிடமுடியும். ஆக, இரண்டு இடத்திலும் தொடர்புடையோரைவிட்டு நாம் விலக விரும்புகிறோம். ஏனெனில் மாறுபாடான உபதேசம் உடைய ஒருவரோடு நாம் நட்பில் இருந்து நமது படைப்புகள் டாக் செய்யப்பட்டு அங்கே பகிரப்பட்டாலோ அல்லது அவர்கள் நமது படைப்புகளில் லைக் இட்டாலோ தேவையற்ற குழப்பங்கள் உண்டாகும். எனவே சிலசமயம் நாம் கடினமாக நடந்துகொள்ளவேண்டியிருக்கிறது. இப்படி எத்தனையோ அனுபவங்களையும் எதிர்ப்புகளையும் இன்னல்களையும் தூஷணங்களையும் மிரட்டல்களையும் சந்தித்து வந்தாலும் தனிமையில் நின்றாலும் நாம் ஒருபோதும் சோர்ந்துபோகிறதில்லை. ஏனெனில் நாம் இங்கே உலகப் பிரகாரமான நட்புக்காக இல்லை, சத்திய பரனுக்காகவும் அவர்தம் அருள்மொழிக்ககாவுமே நிற்கிறோம். 

இப்போதைக்கு நம்மிடம் சிக்கியிருக்கும் நபருடைய முகப்பை இங்கே பதித்திருக்கிறோம். அதில் எழுதப்பட்டிருக்கும் வார்த்தைகளை கவனித்தாலே மாறுபாடு விளங்கிவிடும். அது இதுதான், “பத்து கட்டளை ஒழியவில்லை, அதை இயேசுவின் மரணம் காட்டுகிறது.” இதன் நோக்கம் நான்காம் பிரமாணமான ஓய்வுநாளைப் பிரதானப்படுத்தி புதியவர்களை வஞ்சிப்பதே. இது நாம் ஏற்கனவே அறிந்த பழைய செய்தியே. இதில் புதினம் ஒன்றுமில்லை. 18-ம் நூற்றாண்டில் தலையெடுத்த இந்த இயக்கம் பல துருபதேசங்களுக்கு ஆரம்பமாக இருக்கிறது. இதிலிருந்தே அனைத்து கள்ள உபதேசங்களும் பரவியது. இவர்களையும் மார்மன்ஸ் எனும் இயக்கத்தையும் தவிர்த்து கடந்த 300 வருடங்களில் வேறு இயக்கம் தோன்றவில்லை. இவ்விரண்டு இயக்கங்களின் பாதிப்பு மற்ற எல்லா வேதப் புரட்டர்களிடமும் இருக்கிறது. எனவே ஏழாம்நாள்காரரை நாம் கடுமையாக எதிர்க்கிறோம்.எனவே அவர்களோடு தொடர்பிலிருக்கும் எமது 18 நண்பர்களும் விரைந்து அங்கிருந்து வெளியேற அன்போடு வேண்டுகிறேன். உங்கள் பதிவுகளையும் அந்த பக்கத்திலிருந்து நீக்கிவிட வேண்டியது. 

**இப்படிப்பட்ட பிரித்தெடுத்தல் சீனாய் மலையின் அடிவாரம் முதலாக திருச்சபையின் எல்லா காலத்திலேயும் நடந்தே வந்திருக்கிறது. எனவே இது ஒன்றும் புதிதல்ல.